真係估你唔到，晴天/陰天/落雨/落雪/好凍/好暖/大風，咁多樣野係可以同時發生嘅。
今朝早太陽係雲後面嘗試走出嚟
太陽像個大南瓜，在那高高天空掛。。。
出嚟行路見到呢的雲層，一層疊住另一層
每層唔同顏色，有白有灰
全部都比大風四方八面咁吹
呢張相一的都無誇
真係左邊已經烏雲密怖，右邊出猛太陽
瞬間看天文景像。。。
肥鬼可能食我的健康餐食到悶，呢幾日放假都出去試的朋友介紹嘅餐廳。
今日 lunch 去咗隔離鎮嘅餐廳，話隔離鎮，其實係 google map 話係11km 14分鐘車程，不過我地 lunch 時間路面唔繁忙，大約8分鐘高速公路就去到。
我再試吓 google map 大約就等如荃灣出油麻地咁上下。
如果你諗荃灣出油麻地食個 lunch 好似好遠咁，但係呢到揸車去到餐廳，可以沿途都係山，石，湖，唔係香港咁周圍都係商場。
我同肥鬼講當年過嚟嗰陣，我嘅感覺就係做乜呢到咁唔方便架，乜嘢都無雷公咁遠，吓吓要揸車咁耐先到，點估到多年之後，依家我覺得呢到嘅人口密度只係剛剛好，很難想像住番高密度嘅地方。
No comments:
Post a Comment