鴛鴦雞翼 (2006 10 30)

材料：雞中翼900克／油1湯匙／蒜1瓣拍扁／麻油1茶匙

1. 雞翼洗淨，放入一大鍋開水內，汆水約5分鐘，倒入疏箕內瀝水，分兩份，以廚紙揩乾．

 

2. 分別準備兩種醃料．

     A. 豉油雞翼醃料：
          頭抽2湯匙／生抽2茶匙／黃砂糖、紹酒各1茶匙／黑胡椒粉1/8茶匙／蒜頭1瓣切碎

 

          取一圓形有蓋耐熱玻璃盅，加豉油雞翼醃料醃30分鐘，當中翻面一次，
          排雞翼成一層，加蓋放入microwave內，中火七分鐘，揭蓋，翻雞翼面，
          加蓋多microwave 2分鐘，　移出．

           排雞翼在長形碟一邊，撇去雞翼汁的油，倒汁在翼上．
 

     B. 南乳雞翼醃料：南乳1塊約2湯匙／白糖2茶匙／紹酒1湯匙／水3湯匙

         放中式易潔鑊於中火上，下油1湯匙，加入蒜瓣、南乳及糖，不停鏟，直至糖溶，

         落雞翼爆香，灒酒，繼續摌動至雞翼沾滿南乳，加水，燒開汁液，煮15分鐘，
         翻面一次至雞翼腍軟，汁液行將收乾，約5分鐘．

         排雞翼在長形碟另一邊，倒汁在翼上，下數滴麻油上面即可食用．

Puff 泡芙 (2006 10 30)

小鍋內放水250毫升和無鹽牛油120克，鹽一茶匙，慢火煮至沸騰後，把篩過的低筋麵粉混入，以木匙攪拌成麵糊後熄火

把麵糊移至打蛋機迅速攪拌，並把5隻蛋打散，分數次混進麵糊．

 

麵糊放進擠花袋，在烤盤上擠出直徑約4.5厘米的麵糊刷上點蛋黃，撒上杏仁碎粒後放進攝氏210度的焗爐焗30min.

Let's learn English (2006 10 30)

一群牛 ＝a yoke of oxen (oxen 是 ox 的眾數)

一群兔子 = a nest of rabbit

一群狼 = a pack of wolves

一群鯨魚 = a school of whales

一群羊 = a flock of sheep

中文真易學！！！！！！！！！！！！！

珠海表演 (2006 10 21)

正所謂瘦田無人耕，耕開有人爭... 呢個就係我地個團最好的寫照了。

所以淨係舊年, 我地個團總共出動了四次有多, 包括二月去台灣高雄表演 {順便探下黃友隸老師}、八月又去北京比賽、十月就去咗珠海表演，最後就係十一月去咗韓國比賽)...

仲有仲有, 好pro嘅我地, 係韓國返嚟一落機, 就要去浸會大學排練另一個係舊年十二月頭嘅表演, 係唱貝九嘅(貝多芬第九交響樂), 跟住落係我地個團每年都幫Marina's Club唱的Choral Service ... 然後仲有今年一月同中樂團合作的表演(係一首香港本地創作的歌的世界首演) .... 真係令到我的"演藝人生涯"非常非常充實, 除咗可以同曹丁老師合作, 我相信, 表演機會可以講話係呢個團, 令到我唔捨得走嘅唯一原因....

今日就先講講2006年10月21-22日, 珠海呢次嘅表演.... 係一個風和日麗嘅星期六... 我地就出發搭船去咗珠海... 在途中, 我梗係暈眩得快要死了, 所以一張相都無... 每次要搭船外出, 我都同自己講, "今次, 一定係我一生人最後一次搭船了"... 耐何!!!!我無錢搭直昇機去表演... 唯有繼續"暈船浪"的生涯呀!!!!!!!!!!!!到埗了, 呢到就係我地上旅遊巴的地方....





在車上沿途一路忙著背譜(因為我地團那位非常負責任的經理人, 實在太體恤我地嘅感受, 驚我地太早知道又有表演, 會過於緊張, 所以呢, 我地係係最後幾星期, 先知道加咗呢個表演), 所以我只可以在一落車的時候, 乘機同表演場地入口影張相留念.... 可能喜小姐已經對出外表演有D麻木... 所以, 我記得佢今次係無帶相機嘅, 咁我就做咗佢隨團私人攝影師囉....


大家見到呢個咁美麗嘅珠海大會堂 -- 好新架!!!!!!! (我地今次嘅表演場地), 又有邊個會諗到係 2004年??? or 2005年??? 我地同樣嚟珠海表演, 那一晚我地的場地是一個歌舞劇場 + 電影院的混合體的地方表演!!!!!




今次唔同晒, 個場內裏一樣咁靚架...




例牌菜: 一到步梗係rehersal先啦.... 然後再去大會安排俾我地嘅地方, 再排練一下... 排練完一出嚟, 就見到呢個咁靚嘅咸蛋黃, 梗係第一時間影底佢啦...





其實, 上次嚟珠海表演住咗三日兩夜, 已經玩得有D熟路... 所以今次, 襯食飯時間自己幾個(咪又係我地三個人!!!!!!)走咗出去食 (因為入面都係食恐怖飯盒!!!!!!!!).... 行吓行吓, 又嚟番呢個廣場.... 因為其實我地個團, 今次又係住番上次嗰間酒店... 嘻嘻... 都唔錯架...




食完飯返嚟已經天都黑晒啦.... 大家見到會當門口人頭湧湧... 就知道珠海拱北愛樂合唱團的水準是如何了得吧... 因為他們有曹丁老師坐陣嘛.... 簡直就係如虎添翼呢... 他們在國內可是贏過很多比賽的呢....




每次表演唔少得的... 換好團服.. 梗係又週圍影相啦....

登...登...登...登...登...登...登...登...登...登...

下面張相入面, 我相信大家一睇就知啦... 最有份量的, 梗係我地最敬愛的曹丁老師了... 每次與他合作, 我地個個都好開心...好開心... 佢係國家一級指揮, 對音樂非常有要求, 而且造藝非常的高... 但對我們非常非常的好, 每次與曹老師表演我們都學到很多很多的東西, 能夠同曹老師合作, 我覺得, 係係合唱團呢七年入面, 最最最最最最最大的收穫





呢隊就係珠海拱北愛樂合唱團... 你睇下人地個啲團服幾靚... 唱西樂有西服... 唱中樂有中式團服... 唔似我地... "單吊西走天涯", 不過, 最緊要都係唱歌的水準.... 真係同人無得比.... 差不多他們每一個都隨時可以solo.... 我地個啲人... 調咗位就即刻唔識唱無晒聲




來來來... 總結一下我係度七年的收成:-




呢位係我個團入面嘅媽咪, 佢好好人架, 教會我很多東西, 我入嚟的時候係唱2nd Sop的 (即係第二女高音), 就係企係媽咪隔離喇, 佢好照顧新人架, 我係度唱咗咁耐, 部份原因都係因為媽咪, 佢係一個好好的leader, 所以2nd Sop的全部人relationship個個都好好感情...




右邊呢位係"溫柔太太", 人如其名... 好溫柔架, 又有"交帶", 有佢做Part leader個時實在好... 對人又好好, 又無脾氣...






跟住, 梗係我地三隻野啦.. 哈哈哈




後台個度..唔知點解會有個角落有一幅畫...
呢兩位係我地tenor嘅台柱... 特別左邊呢個非常愛古董等等... 次次次出外表演都一大袋一小袋的回港...




咁我梗係唔少得, 要影番張"相睇相"哈!哈!哈!




表演完的夜晚... 孤寒症發作(死唔肯攞多日假玩吓, 死都要即晚返香港), 但由珠海返港的船早停了, 我地要經拱北關口去澳門再搭夜船返港... 經過關口, 竟然見到"輯拿狗罪犯"poster????...原來係拱北關口輯毒犬介紹.... 哈哈




拱北關口商場入面... "真功夫"??? 形容我地最啱... 凡地次次次次都無用mic架..






葡文的士站, 證明我地過經過澳門架...



澳門夜景多..... 賭徒...



巴士站與厠所的組合










經氹仔大橋返港