一聽到呢個新聞，你個心即時想到什麼東西呢？
↪ 丹麥？無諗過去咁遠旅行喎⚠
↪ 丹麥？ 係歐洲邊到嚟架❓ 好偏吓喎❕
↪ 丹麥� 我們曾經好"與有榮焉"的港產皇妃嗰度？
( BTW, Yes❣ 還記得佢嗎⁉ 唔記得就睇吓下面條link)
我自己睇完呢個食生蠔新聞，第一個反應係得啖笑。
但係想深一層，第二個國家出現咗個問題，
要求救，竟然想到我們大陸出名嘅人海戰術，係咪應該開心先❓
但其實有乜野值得開心❓
曾經一度，漢人有著出名嘅世界四大發明 (造紙，指南針，火藥，印刷術)
依家，大陸人最出名就係瘋狂的食相，
有能去食到一個物種絕迹，我真係恭喜你呀！
除咗中文嘅報紙會報道丹麥駐華大使館係 weibo 嘅 post 之外，
我仲睇咗好多外國報紙嘅報道，一般都係將重點擺係的人嘅回覆，
不約而同，人人都回覆好有信心，不出2, 5, 10年，一定可以食到一件不留。
跟住我學識咗一個字 "chowhound"
中文的最好解釋就係"吃貨" 或 貪吃的人。
唔好同我講 咩歧視呀 咩有色眼鏡睇人呀
我淨係覺得悲哀，其實咁樣，係咪對證了某作家話，
大陸人一路都只係停留係口腔期，係講得一的都無錯。
依家仲要係大陸嘅人都幾 proud of 自己有的咁嘅威力 可以將一個物種食到絕迹。
我唔知你有乜野感覺，我就為我自己嘅民族的未來而嘆氣。
睇完個新聞，我又想了解吓丹麥的蠔究竟發生乜事？
係丹麥的 Wadden Sea 係季候鳥的中轉站，呢到曾經盛產 mussel (蚌) 同本地嘅蠔，
供季候鳥補給，到60年代，有人將日本太平洋蠔帶去嗰到，係幾個温暖嘅冬天之後，
日本太平洋蠔的生長一發不可收拾，又多，又大隻，
但最慘係，呢種蠔嘅殼超硬，的雀都撬唔開嚟食。。。
依家呢的蠔得番一個天敵 - 人類
唔通真係要起整蠔酒工廠？
好啦⚠
係同一個世界，呢邊的蠔就多到要揾人去食晒佢。
另一邊呢，你知唔知香蕉都出事呀？
首先，你知唔知，依家無論你係世界邊一到買香蕉，
你個隻香蕉，同係美國買嘅，同係大陸買嘅，
係。絕。對。一。樣。架。
佢有名嘅，依家全世界食緊嘅呢種蕉叫 Cavendish
因為人類要將所有野都工廠化，方便佢地大量製作同揾最多嘅錢，
所以連種香蕉都工廠化，係上個世紀，人類發明了 monoculture 單一栽培。
係前幾篇 blog 我講過，呢邊的人同我地香港的人有一的分別，
我地香港的人，唔鐘意食嚟食去都係同一樣嘅野，所以係香港，
你會係街市常見有香蕉，大蕉，皇帝蕉，最少都會有呢三樣。
原因係香港仲有小店，每個店主自己每朝去果欄入貨，
根據自己鐘意嘅野，價錢，邊樣新鮮，去入的唔同嘅野。
但係呢邊呢，全部都係大型超市，全電腦採購，淨係得香蕉，好多好多一模一樣的香蕉。
就算係牌字，我都只係見過 del monte 同 chiquita 同 dole 無其他了。
因為呢幾間野佔據了全。世。界。嘅香蕉出產，供應，銷售。
既然呢邊的人都唔多 care 有無選擇
(就算有，好多時佢地都淨係食唯一鐘意的一種)
所以亦造就了出產商去單一栽培
亦即係全世界都係種緊同一種嘅香蕉
就咁睇，幾好呀，至少你去旅行時，唔會食到唔同種嘅香蕉而肚瀉。
問題嚟喇。
就好似 sars 係人類嗰到傳開去一樣，依家香蕉有病了。
係一種叫 T4 嘅病菌 (Tropical Race 4) ，已經由印尼呢邊傳出去東南亞，大陸，
好快就可以傳到去南美。
到時 Cavendish 呢種香蕉就要絕種了。
有無咁誇呀？
有！
因為一模一樣的事係。發。生。過。
都唔算好耐啫。
50年前，我地食嘅香蕉係叫做 Gros Michel,
係比依家嘅 Cavendish 更好味嘅香蕉，可以擺得耐的嘅，
總之就係比依家嘅香蕉更好的一個品種
當年，又係因為有菌 (panama disease) ，傳染到所有 Gros Michel 香蕉都死了。
絕種了。
人類有受到教訓嗎？ 無。
只係好快咁揾咗另一種替代香蕉，全力盡快投入生產，就係咁又過了50年，
佢地亦都賺盡每一分一毫。
呢個世界上有成1000種香蕉，佢死都淨係種一種only
世界上，suppose 最愛自由的國家及人，
其實最無自由。
也甘於無自由。
呢個就係我嘅結論。
世界唔係共和黨同民主黨人操縱。
世界係比 corporation 操縱。
無人肯定世界未日幾時嚟，我只可以講，我覺得唔遠囉。
