肥鬼有個好 friend 嘅同事，因為我地結婚嗰時，佢調咗去返通宵更，所以肥鬼唔記得咗比帖邀請佢嚟飲，可能係打電話口頭邀請都唔記得，因為嗰個月我的屋企人又嚟咗，又返工，又接送，又安排行程，對佢嚟講係好多好多野做。就係嗰種感覺，不停想著好像做漏的乜嘢咁，但係想嚟想去都醒唔起，返工時又見唔到佢呀，就醒起的機會都無了。
所以直到依家，每年結婚週年嗰日，佢都係飛時book 留言 "when did you get marry? " (你結咗婚咩？你幾時結婚架？)
呢邊嘅人其實對"邀請"係好認真的，沒有被邀請絕不會去的，因為咁就係 crash (撞) 人地嗰派對呀。
另一樣就係如果A同事請大家去佢屋企玩，然後發現B同事唔知，佢地係唔會多口的就咁叫埋B同事嚟，肥鬼曾經答我話A同事攪派對，佢想邊嗰嚟就會請邊個嚟，咪多事。
========
聽阿媽講話依家係香港好多結婚請飲都變咗係午餐，我嗰時未興架，不過我地係香港要同屋企人攪個儀式，係美國嗰邊又要同呢邊屋企人攪一個，所以我就平平地攪午餐聚餐喇，應該我都係帶起潮流嘅其中一人，哈哈。
"It’s not about ‘having’ time. It’s about making time. If it matters, you will make time."
之後我的屋企人全都過嚟參加呢邊嘅婚禮 (因為呢邊呢個先係真嘅，香港那個沒有"實質"簽紙的行動) 全部人都要攞假過嚟，又咁啱四月，就想復活節的星期一，人人都放假，好啦！就嗰日，點知到好後期先知，原來呢邊嘅復活節假只係星期五同星期日，我覺得非常唔好意思，仲同肥鬼講點解佢唔話我知等我揾個方便大家的日子，佢直接就話 "佢地想嚟有心嚟，邊日都會揾時間嚟！" 現在想想，又係喎，我結婚的日子點解要就大家揀日子呢？
========
另外又講吓，係我過嚟之前，係香港一般嘅婚禮都係朝早晨早開始就著裙褂玩接新娘再回門，然後午餐，換婚紗去教堂 / 婚姻登記處 簽紙，再去酒店/酒樓晚宴。
最後期開始見到有人比錢請律師去婚禮場地做證婚簽紙儀式。
咁我過嚟個陣好自然以為呢邊都係咁嘅，點知原來唔係架！呢邊係結婚嗰日之前，自己去市政廳登記話幾時會結婚，佢會影印身份證明文件做記錄，然後比張證書你，你自己好好保管，到結婚嗰日，呢邊唔係咁興係咁多人面前簽名架，係淨係做你自己宗教嘅儀式，過後呢個證婚的人同你簽呢張證書，同寄已簽的影印本回去確認登記。
所以係我個結婚場地嗰度，我要求安排一張枱係旁邊比咁多人簽名，嗰位同事有的怪怪的感覺，不過佢安排得好好呀，用超大枱布包住張 bar 枱再加一條大絲帶打個蝴蝶結，好似高貴的酒會嘅小食枱咁樣係旁邊。
============
睇電視聽到呢句對白，真係好啱呀！
Holding on is believing that there’s only a past; letting go is knowing that there’s a future. - Daphne Rose Kingma
