生日快樂！ (2008.03.10)

屋企的豆豆小朋友。。。四歲生日快樂喔。。。。。送你一個綠色的蛋糕。。。。






切開仲有好多件呢。。。。

Site Visit (2008.03.06)

係三月六日星期四，終於去咗睇睇個地方。

呢個就係路口已經見到嘅sign，係呢度再揸車多1mile就會到啦。。。






入咗個resort大門之後，先轉左再轉右就到呢個Cromaine Lodge，成個大廳係長方形嘅，呢張相係大廳的後門。






下面呢張相的左邊就係Hillside Lodge － 我的屋企人stay嘅個間屋，右邊就係Cromaine Lodge，真係好近架。。。






下面就係個長方形大廳的左面，到時會係晚飯嘅地方，中間呢個地方係舞池






呢度係中間個舞池






下面就係長方形大廳的右面（行禮嘅地方），係classroom siting面向火爐坐。






係大廳正面走出嚟。。。大家應該都見到我的腳印。。。哈









週圍都係雪。。。。

左面係雪









中間面對的湖。。。係雪




右邊的屋。。。都係雪









睇website見到所有好靚嘅景 － 依家都係雪。。。。











番入屋入面。都仲有好多detail嘅野。
e.g.火爐，吊燈，吊扇，全部都好靚














出嚟嘅時侯，人人手上都有本brochure，不過都俾晒我拎！！！

Hillside Cottage (2008.03.06)

到埗之後一個星期，我地就去咗參觀個場地。。。

我地最終選擇咗係Waldenwoods Resort 呢度，係因為呢度有個大禮堂可以行禮同埋晚餐之外，係佢地仲有唔同大小的度假小屋，咁我屋企人嚟到就住晒係呢度，咁樣方便的麻！

呢間就係佢地會住嘅Hillside Cottage，其實都唔算係我地選擇嘅，因為要住得晒我成家人嘅，就只得呢間。。。嘻嘻，都OK啦，現在立即入去參觀吓。。。

呢個係大門口






間屋仔係個小山坡上面，一落咗小山坡就係個湖啦，但個時仲落緊雪，仲係結晒冰。。






呢幅就係山坡下面影嘅。。。都幾詩情畫意咁啦！






一入屋，就係行軍最重要嘅 － 食的廚房。。。









睇住的咁靚嘅風景，煮食的出品都會好的。。。啊！啊！






跟住入屋見到的第一間房，應該俾肥爹同媽子瞓。。。






係呢間房右邊望出去，就係行禮嘅禮堂，真係夠晒近。。。






另一個窗r望出去，就係夏天先會有用嘅日光浴室(sun-room)，宜家出去，就係食風同埋雪囉。。。我先頭以為張太陽凳係白色，睇真先知上面全部係雪。。。






係走廊盡頭，就係間小屋嘅最機密地方 － 大廳。。。哈哈，有電視，有火爐，都幾warm。。。










跟住另一間房就係主房，都係留番俾阿豆最啱！！






呢間有雙人床，再加碌架床就分配俾四斤一家。。。









係公主房度，仲有一張摺床，咁阿九姨加細佬嚟到都一定夠瞓囉。。。






最後，另一個重要設施 － 廁所。。。一如我所料。。。點解呢度的花灑，梗係要固定咗係上面嘅呢？？咁小朋友點冲涼呢？點解就係唔可以好似香港個款可以上下随意調較或固定，什或拿下來淋身呢？？

肉醬意 (2008.03.02)

係超市shopping嘅時候。。。

因為見到意粉特價US$1 / 2 packs，梗係諗都唔洗諗，買咗八盒，之後食足幾日意粉。。。哈哈

哇！正呀！！！(2008.03.01)

我上次過嚟嘅時候，係無Haagen-Dazs嘅！！！！
但外型相似嘅就有囉。。。令到上次的我好生失望。。。。

今次，一到步之後幾日，要係肥鬼開始返工前去超市shopping，就立刻俾我發現咗終於有Haagen-Dazs雪糕啦。。。。

仲有好多種味， Yeah! Yeah! Yeah! 唔知呢的味香港出咗無？？？











sorbet味都好多，但係我好怕酸，所以只係買咗普通味。。。






賣成US$3.59 / 一罐，但係特價嘅時候就係US$6 / 兩罐，即係HK$24 / 一罐，真係幾祗！！！！因為係百佳特價都要HK$53.9 / 一罐。。。所以，有時係呢便都有的野平嘅，不過好少囉！






本來係香港，我係鍾意dreyer's多過Haagen Dazs嘅，我覺得dreyer's係滑的架，但係呢便，"似"dreyer's嘅就有囉，真嘅就無喇！！！但個日，好奇的我，係檢驗個罐Haagen Dazs嘅時候就發現，原來Haagen Dazs係distributed by Dreyer's架！！！！