今年今日 2020.1.29

美國撤離駐武漢領使館人員
美國包機武漢撤僑

在 2020.1.24 美國宣佈武漢領使館暫停營運。

點樣可以知道疫情嚴重？
信一個已經比中共買起咗嘅 WHO??? 
定係信美國。。。

無論你對美國呢個國家有乜野意見都好，至少美國對自己住喺海外嘅國民係非常保護的。

The Holocaust 納粹德軍對猶太人種族滅絕大屠殺

今日係 International Holocaust Remembrance Day
1945年1月27日，紅軍解放了最大與屠殺最多猶太人的 Auschwitz-Birkenau (奧斯威辛-比克努) 集中營，又叫做 The Warsaw Ghetto Uprising
[How ironic?  真諷刺吧？紅軍就是共產党啊！]

互聯網上對納粹屠殺猶太人資料多不勝數，相片，錄影，訪問文章，記錄片，有興趣知多的嘅可以自己搜尋看看。但係對我嚟講，最震撼的一張相，不是集中營的床位，不是毒氣室，不是囚犯樣子，更加不是屍體照片，而是這一幕：

(From:  Holocaust Matters) 

(From:  Vancouver Holocaust Education Centre) 

猶太人"整齊的" "有秩序的" 一個個"排好隊"上火車進入集中營。
究竟當時佢地個腦係諗緊乜野呢？

如果當時佢地知道自己係去送死，還會這樣合作嗎？

依家咁樣睇番呢的照片，個震撼係嚟自難民與士兵的比例！
如果所有難民一擁而上去反抗的話，一定可以逃走。
但事實係沒有人咁做。

還未夠一百年之後，同樣的事情又發生了。
新疆集中營

還有依家話6日之内起好的"醫院"
是真係要救人嗎？
連急救用品都造假，都唔夠用，係要救人的表現嗎？

是不是同幾十年前一樣，叫的人行入去死，一條龍火化了，無跡可尋，一了百了。

究竟人類有學到什麼嗎？

DIFIANCE
open resistance; bold disobedience

香港人。
反抗。還有一線生機。
唔反抗，就命都無了。

>>>>>>>>>>>>>>
唔講唔知，就咁睇日歷，2020年4月21日都係 Holocaust Remembrance Day
點解？
原來係希伯萊語 (Hebrew) Holocaust Remembrance Day 係叫做 Yom Hashoah
而呢個日子好似復活節咁樣係浮動的，今年嘅呢日，根據傳統歷法計算係落係 2020年4月21日。
>>>>>>>>>>>>>>

今年今日 2020.1.22

共產党嘅 friend 係疫情仲係"可防可控"嘅時候。。。。

俄羅斯係 1.30 就決定封關

布甸大帝見勢色唔對路，係 2.20 暫停中國人入境，包括中國香港澳門，唔包bno

反觀北韓阿金仔就爆大冷，係1.22 就已經宣佈封關。

中共係地球上唔係好多朋友嘅咩，去晒邊？

渡日如"日"

之前講過呢一年以嚟，都係用織冷衫去"散心"。每一日都只是"渡日"但不是如年。因為每日都好多事情發生，由6月9 到 612 到 721 到831 到10.1 到 1124 到依家，快到好似只是昨日一樣。渡日如"日"，每日都歷歷在目。

相信同好多香港人一樣，就係過節日也很無感；就是去旅行，都是走馬看花 (雖然個心同個腦已經好努力叫自己活在當下，休息是為了走更遠的路 blah blah blah)  所以，我還有另外一個'以不變應萬變'嘅方法，去令自己心靜/心澄 - 睇書。
(有科學證明睇書可以降血壓！！！)

近年又再重拾呢個習慣，不過我所睇嘅書，就由以前(年輕時！) 睇嘅愛情小說或武俠小說，轉咗睇重口味的真實罪案書 (true crime) ，更加多的是回憶錄 (memoir) 或 傳記 (autobiography) 不是名人的那種 (都有睇過一本，第日講) ，而是罪案受害者寫以第一身寫番自己的經歷出嚟。

覺得比任何小說 (novel) 更好睇，只因全是"真"的。絕不是任何編劇/作者/人類可以"作"得出的情節，僅因為全都是血淋淋的每日在世界某個角落發生緊。

最近期的一本用了兩日，昨日睇完，然後覺得有一的啓發，可以解答自己心入面對於整場運動的疑慮，所以決定快快手寫出嚟。

>>>>>>>>>>>>>>>>>>>>>>>>>>>>

唔知你地有無一樣嘅感覺？
我有一個朋友，係台灣大選之後 post, 話覺得好"不忿" 阿 korean魚咁都仲可以有 500萬票。
我自己諗，這不是不忿，係"不安/恐怖/驚嚇"。
因為同香港區選一樣，係香港黑警當街殺人嘅情形下，都仲有4成選票投比中共，你就知道，呢的人係真正既完全徹底洗腦的人。

乜野係完全徹底洗腦嘅人？就係喺外國讀書，有google唔用，淨係用番嗰的大陸網嘅人，因為個"防火牆"已經預先設定咗係佢腦入面了 (build-in) 。呢的人就係，當有一日香港能夠獨立 或 變英美德聯邦統治而再次繁榮穩定平安嘅時候，佢地都仲會走出嚟鬧，去反駁你地反中共係唔啱。

我一路都同意一個說法 <共產党就是邪教>
長遠嚟講，要點解決 14億洗咗腦嘅人？
這是一個真問題，不是立刻要解決，但始終要面對，唔面對佢，去主動著手解決佢，就即係埋地雷等佢有一日突然間炸自己。
就好似南韓都知，有一日解放北韓嘅時候，會係一個好大問題。(詳情可以去搜尋脫北者的訪問，好多脫北者有適應的困難，也有南韓的人覺得要接受佢地好難)

呢個共党洗腦的疑慮，喺係我睇科學教派 (Scientology) 的記錄片嗰陣就有的了。點解有的人會醒覺而逃走？點解有的人係事實擺在眼前都仲好似喪屍(zombie) 咁樣比人操控？

很爭扎，但係揾唔到答案。

>>>>>>>>>>>>>>>>>>>>>>>>

之後睇咗一本書。

三姊妹生長於邪教入面，有一個醒覺了，逃走了，但係好想救自己嘅姊妹，但一個姊妹醒覺了卻不能面對事實，因為脫離邪教就等如脫離父女關係。而那個脱離了邪教的，因血緣關係(？) 還是想見爸爸，想得到父親的愛，父親的肯定。(阿爸現在仍然係邪教入面架，同個女見面時仍然否定女兒的指控，雖然女兒是第一身受害者)

睇完呢本之後，結論 1) 邪教真係好L恐怖 結論 2) 人類的血緣關係 (blood tie)  同理智真係有著好奇怪的牽引/制衡關係？ 結論 3)  給了我更多揾唔到答案的問題。

>>>>>>>>>>>>>>>>>>>>>>>

直到睇咗呢本。

一個女仔，生於比較偏門的宗教家庭。
(你地自己搜尋一吓啦，呢個宗教依家係美國已經係排第三/四，好似話已經暫停了一夫多妻制，近年好努力去宣揚佢地唔係偏門架)

偏門宗教家庭都唔係大問題，問題係佢阿爸係極度未世主義者，不信"政府"呢樣野，不信"醫療"呢樣野，再加上有 bipolar 兩極情緒病 (呢個係作者後嚟讀心理學/輔導得出的結論，佢阿爸從來無睇過醫生，炸傷咗都唔肯入醫院) 所以作者細個嘅生活係非一般的童年。

16歲前沒有受過任何教育。淨係日日睇聖經。
16歲自己考入大學，之後攞獎學金去劍橋然之後又去哈佛。
7個兄弟姐妹入面，頭幾個都有 homeschool (即係屋企入面跟課程自己教) 但係到咗佢，同佢後面嗰的，因為阿爸越嚟越痴線，加上屋企無錢，所以全部都跟阿爸出去工場做野。

一模一樣的生活環境，竟然係有3個 (包括作者) 醒覺了！！！(其他4個沒有醒覺的，跟住父母，佢地全部都覺得作者係比鬼迷了 (demon possessed)  所以不肯再與她來往 (cut ties with her)

我唔知呢個係咪我揾緊嘅答案。

直到我睇咗呢條片。
100毛 齊上齊學 卓韻芝 恐懼教室

入面佢講到，人係好奇怪的，人嘅腦同人嘅心入面，其實係有好大嘅能量，連你自己都唔知。總之，就係係某一日，某個人，突然間會"click"一聲醒了。你唔知呢一刻幾時會嚟到，但係你要相信呢一刻一定會發生，不是叫你信邪教，而係歷史話比我知呢個事實，因為係歷史上已經發生過無數次。


「盲目的樂觀，只會使人感覺膚淺；過度的悲觀，則會使人走向毀滅。唯有悲觀後的樂觀，才是精神上的強者！

Only the optimistic and pessimistic optimism is the real optimism. 
Nietzsche (1844-1900)

今年今日 2020.1.16

2020.1.16

你問我？
睇咗咁多 007 仲有睇美國呢邊咁多嘅間碟片，呢單肯定係中共做嘅野啦。
不過，無50年都未必會可能知道真相。
留個記錄。

英國夫婦持英國護照來港，身上只有內衣褲。
大陸嘅間碟最鐘意就係畫蛇添足，你唔寫"煲底見"我都唔會覺係大陸做嘅，睇多的間碟片啦。

今年今日 2020.1.13

油塘紀律部隊宿舍

影晒片將條屍係個氣窗塞佢出去掉落街。
無可疑。

2020 第一個 snow day

嚟咗加拿大3年，佢呢邊嘅天文台真係好準吓！

今早5am肥鬼起身返工嗰時，仲以為係流料，因為嗰陣仲係無乜風吹草動。
到6am佢出門口之後就開始嚟料，仲要係急嗰隻，好蓉的雪，好大風，一路到依家(4pm) 都無停過。

 的雪多到細路可以落去玩鏟雪。

肥鬼話 Air Caxxda 的班機仍然未取消，會嘗試照起飛。我自己都做過乘客，乘客梗係唔想取消啦，但係我睇住出面嗰天，我都等佢地驚！

5pm終於見有人嚟鏟雪，好似都係第一次見佢用鏟雪機，平時兩個人嚟都係人手鏟一條小路比人出入就走。

 的雪有佢個鏟雪機咁高呀！！！

2020 第一凍

果然係冬天依家先至開始。

12月嗰時個海都未結冰架，係2019年最後一日仲整個暴風雨，嗰時因為温度未夠凍只係落大雨(中間有時係小小的冰點) ，呢幾日就明顯凍咗，星期日落足一日雪，尋日落咗大半日，今朝繼續，到依家個海面先剛剛開始結冰。

睇到落得好蓉的大雪。
好在肥鬼催我星期六已經收埋晒的燈飾，唔係就好似雪人望雪咁架喇！

尋日趁晏晝停一停嗰陣出去買咗的餸菜，跟住幾日閉關都無問題！

到咗今日下晝，又出番的太陽咁喎！

不過肥鬼話聽日又嚟過，會落成6-8吋雪。
星期日落個場雪，攪到好多班航機取消。個機場好多人，全部都等得好唔耐煩。係呢邊好多季候鳥(每個冬天都落去南部住幾個月嘅人) 1月至4月就係高峰期，每日的機都排到滿，如果聽日又落大雪去到要取消的機，咁你真係有排等！

女性專題：漏M!!!! (男生可以就此略過)

講真，已經毫無印象自己究竟係幾歲開始有月經！一個咁有意義嘅日子，因為自己懶，無寫日記嘅習慣 (更加無乜自律同毅力) ，就連同其他青春的記憶，慢慢逐少逐少的係腦海中飄走了！

雖然我已經一把年紀，淨下來的月經次數，相信已屬於倒數嘅階段，但係我想講，直到依家，咁大個人，每次月經嚟，都係會帶給我漏M的困擾！！！困擾！！！困擾！！！(迴音。。。)

(講開又講，以前的人話女人35歲生仔就是高齡產婦，但係你睇吓依家46歲先至嚟生bb嘅都大有人在。最近睇到嘅係有個以前毛線藝人的太太， 52 歲生 bb 唔知道佢係咪用 IVF 定其他，如果佢係純天然的製造呢個bb咁咪即係52歲仲有M??? 我以前讀 bio 係話40幾歲就更年期喎？？？究竟點架！)

年輕時仲係香港同屋企人住，每次漏M 阿媽就會話"咁大個人仲漏M" ????????????????   我想的嗎？你係有萬無一失的妙計嘅話，我都好想知喎！！！

細個作為女生都係怕尷尬嘅，漏M梗係驚惶失措喇，但人越嚟越大個之後，係灰！！！已經包到實一實呀；已經四平八穩咁坐咗係到郁都唔郁呀；已經每3小時去檢查呀，最後又是回頭一望，一灘血，眼都鯨了。

發現漏M 嗰種灰，是不能想像的。
由其係我。你想像到與想像不到的情境，我都應該試過。中學女生白色校裙，白色褲，工作制服裙，辦工室坐嗰張凳，去 camp,  酒店，屋企張疏化 (sofa) 車/公共交通工具。。。

最最無耐的應該都係漏 M 係張床吧！先唔好講一大早起身，本來就要趕頭趕命咁去疏洗準備返工，點知突然發現要執床換床單 (不能等的，的血越乾越耐越難洗！) 再灰的就係連床褥都有，呢個簡直係人生不能磨滅的污點！！！就算買晒所有超市的除污劑，都係會有淺啡色的一個印係到，歷久常新咁樣證咁你又失手了。

然後又試過尋晚換完床單，今日起身又嚟過！(肥鬼已經見怪不怪了，最好我日日換添，因為佢話換新鮮床單嗰晚瞓得特別好架！) 而我就簡直想死。某研究數據顯示：女性殺人犯，係大多用毒藥殺人(不見血的) ，而男性殺人犯係大多數直接殺人(見血的) 不難想像點解！我個個月洗血跡的經驗話我知血跡係好難攪的，所以唔好再煩我！

我係網上揾過嗰的 "解決漏M最好的12 個方法"。

最普通人人都試過嘅，我諗就係用兩條啦！有人用兩條係 T 字型咁貼啦，有人就打直駁到好長咁啦，我兩樣都試過。
結果，嗰晚佢係側邊漏！！！激到想殺人！！

有一個就係著緊身褲啦，係比 legging 的，務求佢入面唔好移位。而我自己用的方法，係非常阿Q架。以前係香港，有M嘅時候我盡量唔會坐低架，由出街返工直到返屋企，可以嘅都係行同企，所以返到屋企條腰真係斷咗嘅。
依家呢，無做野了，有M的日子我真係盡量都唔出街架！

我已經係好好彩的，無乜好嚴重經痛問題，但攪到腰酸背痛就梗嘅，仲有乳房又漲又痛，然後因為怕咗漏M，所以，我夜晚係瞓唔到架。因為我瞓覺係好似打風咁架(阿媽話嘅) 我唔想自己瞓著咗郁嚟郁去，我就要好似僵屍咁攤係到，全晚保持一個睡姿咁瞓，所以整晚不能沉睡好醒瞓，結果就係起身之後更加腰骨痛！！！

曾經嬲嬲哋有諗過，不如買成人紙尿片算了！！！成條底褲都係白色太陽槍 (white sun gun - 中學時係用呢個暗號架，唔知依家的細路仲係咪用呢個名)

不過係 2020 年新一年新開始，我開始咗一個新方法 (係呀新年流流第一日就M) ，就係放我件雨褸係床先瞓上去。
得咗！
唔係無漏，係漏咗都唔驚你呀！哈哈哈哈。
果然係人頭豬腦，漏M幾十年依家先諗到。

今年今日 2020.1.1

見過這樣的新年。
不一樣的2020.