隔離小鎮有間獨立經營小戲院，細細的，100-120座位，成日叫救命。
由父母一輩轉手比的細路去經營的同時，遇上‘去戲院睇戲’的潮流退卻，每隔幾個月就出post叫人嚟睇戲或捐錢支持繼續營運。成日都好現去支持吓，但係之前見佢上影的，都是合家歡的 Disney 卡通片。無興趣。
直至前幾日，同阿婆friend去食午餐聚，佢話食完無耐就要走，因為夜晚要去睇戲。
睇嘅係 Somewhere in time 時光倒流70年，係1980年的舊片，即刻約定6:30去接埋佢一齊去啦🤩！
當晚去到，好彩佢買飛前再確定一吓上演的戲。。。
原來嗰晚係做楝篤笑？？
阿婆friend仲話明明今早到隔離洗衫舖，見到你地門口寫住7pm做Somewhere in time喎？？
個賣飛姐姐話，係尋晚夜班的同事收工前，忘了换門口info🤣🤣🤣就咁樣，我地就預演了一次睇戲的流程。
好在，同一套戲，係會播兩次嘅，我地下星期同一晚再嚟就得喇！😊
=======
而我返屋企之後，因為入去website再check清楚啲資料，見到今晚做 The way we were俏郎君（1973年）😍😍😍😍
呢套1973年嘅戲，明珠台係1988年買咗版權係9月3號首播。嗰時我都只係得十靚歲，應該唔係嗰時睇嘅。
到1990年明珠台情濃七日，係2月11號重播。之後就係1991年4月1號，1994年2月11號，1996年5月3號重播。（我估自己係94年睇嘅？！）
其實，我識呢套戲係因為我阿媽，同好多女人一樣，阿媽後生時都鍾意浪漫愛情西片，因為阿媽而識嘅舊戲就係悄郎君The way we were 同 齊瓦哥醫生Doctor Zhivago，特別係悄郎君，鍾意到揾到呢隻歌嘅CD唱到識背。
（Imdb)
嗰時我仲未有拍拖，但係完全感受到呢套戲入面，佢哋相愛但不可以一齊嘅傷，第一次睇已經係喊到唔停。
嗰時年輕的自己，覺得呢啲咁樣金髮藍眼的先叫靚仔🤩
同埋嗰時睇的床上情節，對於當時的我，都叫大開眼介
因為係舊片，我就簡單講吓內容。
男女主角係大學同學。女主角係猶太人，有強烈的政見，支持共產党，亦喜愛高調表達自己的政見。男主角寫作技巧出色，本有另一個女朋友，不過見到女主角的演說，亦暗暗喜歡一個這樣有主見的女人。
佢地嘗試一齊，但最終都因為政見不同而分開。完。
==========
我其實有諗過係咪真係咁鍾意套戲，要去再睇一次？
特別係依家嘅我，認識咗‘左膠’係乜野嚟。簡單嚟講，女主角就係輕度左膠囉，或者你要更簡單嘅比喻（雖然唔係好啱）就係一個藍絲同一個黃絲嘗試相愛但係最終唔work...
其實戲入面嘅男主角，都唔係非常極端的保守；反而係左膠女主角，分分秒秒都係到講政治，開口埋口都係政治，每件事情都同政治有關，總之世界仲未有天下太平，你走去食啖飯都係錯。
男角最終頂唔住嘅，就係呢種高壓嘅生活，佢淨係想要普通人嘅生活。
=========
最終我都決定去睇，因為就嚟冬天，大把時間坐係屋企數手指🤣🤣所以去睇，數吓得十幾個人（全部老人家🤣），我仲揾到中後排最正中間的位。
嘩，音樂一響，我就已經開始喊囉。喊足兩個鐘。正。
=============
我返嚟同肥鬼講，的而且確，荷里活係曾經製造過好多好戲，不過，都只是曾經。
另外，1973年嘅戲，男角37歲，女角31歲，男嘅就真係堅靚仔，女嘅雖然有猶太人嘅facial features ，但係都拍到佢好靚，同埋casting真係勁，女角現實中，正正就係左膠一名，真正的做番自己。🤣
