My Little Girl
2000.5.1 - 2014.7.24
我家的小貓女，終於在14嵗的高齡歸天了。
貓貓本來是肥鬼的，我在2008年過來這邊之後，就變成了我們的貓貓。
沒有想過只6年時間，我對貓貓生了這麼多感情。
這張是2005年我第一次來的時侯，即是5歲貓。
那時天氣凍的話，你坐在沙發，貓貓就會這樣靠近你的頭取暖。
呢張係2007年的，7歲貓，但都係好細胆，哈哈。
之後係2008－2012年
最鍾意我係入面沖涼，佢就坐係厠所等我出嚟。
仲有跳上櫃上面。
坐係窗口望friend。
呢兩張係2010年我怕佢離家出走要貼街招影架。
成日坐係錄影機上面望街景。
或者係電視機後面瞓覺。
（呢兩張就係2012搬咗屋之後影嘅）
其實睇番的相，就好感覺到佢瘦咗好多，同埋的毛都無咁密同無光澤。
貓貓終日都係度瞓覺，好似無所事事咁樣。
但係，佢會係你起身同放工返嚟個時，佢都會走埋嚟係咁”喵”到你暈（想你比小食比佢啦）。你買餸返嚟個陣，佢又要八掛的走來嗅嗅你買咗的乜。
佢成日跳上廚枱上行來行去（搵食）就係攪到我最火滾的，
每次見到成枱腳印我都係到想，究竟隻貓仲有幾耐玩呢。
然後肥鬼仲要火上加油咁，話有的貓可以19，20歲咁長命。
我見你日日行得走得食得瞓得，都有想過可能妳就係其中一隻長命貓啦。
點知原來，妳近來都無打理自己的毛就係給我們的第一個text message.
然後連續幾晚，妳都係奇怪的地方瞓覺，就係想自己一個靜靜的歸天，
無奈時辰未到，都給我放工回來找到妳了。
最後幾日，我日日同妳傾計，叫妳要歸天的話，記緊要在我同肥鬼都係屋企個陣呀！
因為妳係我倆的第一個貓朋友，我好驚有一天放工返嚟發現妳已經全身冰冷，魂歸天國呀。
妳好叻女呀，原來妳真有聽到我的話呀。
本來妳已經係全天侯的瞓覺了(好幾日無出嚟）。
但係前一晚，我放工返嚟個陣，妳仲特登係basement走上嚟同我say goodbye。
雖然妳好累好累的（係等我沖涼個陣不能坐起身等要瞓底等我）
妳都等我沖完涼先自己走番落去basement.
到肥鬼返嚟，妳又走上來say goodbye 先再返落去basement。
Little Girl 係天堂要食得開心，玩得開心呀！
