Precipitation
呢個字，依家唔會陌生啦！
早前係FB，好多人不停轉貼一間香港出名幼兒園的試卷，佢地已經教緊呢個生字。
Precipitation : rain, snow etc. that falls on the ground,
or the amount of rain, snow etc that falls
【術語】〔雨﹑雪等的〕降落; 降水量
＝＝＝＝＝
嚟咗呢邊第五個冬天了。
每年的冬天，我最愛初雪的風景，還有就是月圓之夜，淡淡的月光，
照在雪地，再加樹影，是好美好美的。
我沒有超能相機，只是傻瓜無技術，但再看舊相，仍然記得那寧靜夜。
閃閃發光的就是雪在反光啊！
我發覺每一個這樣的夜晚出去影相，出面會是份外的靜，
天空是出奇的清，萬里無雲，看得見每一粒星。
而每一個這樣的夜晚，一樣都是份外的凍。
我也有問過肥鬼，究竟天空清同份外凍係咪有關呢，佢都唔答不上。
直至，咁啱得咁橋，係12月落冰雨之後個日，即係平安夜，去肥鬼爹屋企過，
黃昏時，係屋外面不停影冰樹。然後抬頭一望，又係繁星點點的天空。
同一時間，係著住四件褸都仲不停係個心度震緊出嚟嘅個種bitter cold。
然後我又問肥鬼同一問題，究竟天空清同份外凍係咪有關呢？
咁啱肥鬼細佬都係度，佢話係呀，無precipitation吖麻，
所以天空清的夜晚，就代表個晚會好凍好凍！！！！
呢次，先係我咁大個人，第一次聽到呢個字。
之後，我都仲用咗一段時間，先攪得清呢個字嘅概念。
我問肥鬼，precipitation係咪即係雲（cloud），又唔係。
係唔係雨或雪，又not exactly唔係。
可以講話，其實係天空上面的水氣？
上面的水氣積多了就變咗一舊舊的雲。
積埋咗之後已經變咗形態，所以己經有另一個名 － 雲 Cloud
到得再積多的嘅時侯，就睇氣温，再變另一形態，
再變另一個名，就分別係雨Rain 或 雪Snow。
試問咁複雜概念的字，點教比一個3－5歲嘅小朋友識？
