20260729 動物園

今日好好天氣。

因為佢地光天化日之下走晒出嚟。

佢地好近架渣，但係呢棵係蘋果樹，所以佢地唔理的人有幾近，不停係到食蘋果buffet

20260726 Buck Moon

今個月仲有3日就係月圓之夜。

Buck Moon, July 29

但係今晚已經好紅好光亮。

我地呢個小鎮，聽日有大事發生呀！

唔知月圓會唔會攪到啲人狼都出晒嚟？？

至少，呢個朋友今日嚟咗飲水。。。

20260725 最後倒數

大日子就快到了。

開吓開吓，仲有十多份禮物，唔夠兩星期就到了。

上面張相，係最後兩星期嘅倒數。

一睇就知左邊六盒係杯麵。

雖然好想即刻食，不過我會比的耐性等到大日子，影張大合照，跟住一次過食🤣🤣🤣

34-50🥳🥳🥳🥳

家姐近來成就解鎖，學識穿膠花穿珠仔，所以整咗上面掛飾+下面條手鍊🤩🤩🤩

呢到係1-26

27-33

終於等到有得食曲奇😋😋😋

===≈========≈======

6月20日出去做完花王工作，揸車返屋企時，係到自言自語，嗰時拆禮物遊戲才剛開始，但係一陣心血來潮的感慨湧上來，竟然不停感動得流淚。🥰🥰🥰

很感恩有機會來地球行呢一轉，如果人人都有一百歲，咁我就已經就快正式行到一半喇！😬多謝神帶領我嚟呢一個家庭，父母用他們的方法去愛我地，由細到大有溫暖的家不愁衣食，也有互相愛護的兄姐弟，更多謝神帶領我遇上肥鬼，唔知點解，總之嗰刻就係好感慨，大大力的喊🥲咗好一陣！！！🫠😁

20260717 齊整

6月29日星期一，去了住係市心的阿婆屋企做花王工作，佢屋企就係一間中學隔離。

正在除雜草之際，聽到銀樂隊的音樂，抬頭一看，是中學銀樂隊在練習，因為嚟緊星期六係七月四號國慶，每年呢日，聯校銀樂隊都會帶領小鎮的國慶巡遊，所以呢個應該係最後預演。

我一直都覺得銀樂隊係好神奇的一回事！

如果你有睇過呢邊啲中學大學的足球比賽，係中場休息時，通常就係銀樂隊大滙演，幾十人到百幾人，排例整齊的向前行，向後行，打斜行，什至U-turn!!!! 

全部拍子步伐一致，每次睇都感到驚嘆！

呢個係一間大學 ( Texas A&M ) 的銀樂隊滙演。

佢地勁到可以打横打直打斜 再加倒轉咁行進，仲可以不停做出好多隊形(formation)，我諗基本原因係佢地全部人都玩樂器嘅，所以會對拍子節奏的敏感度好高，不過都唔可以忽略，佢地一定有長期練習的功夫。

===========

以前係香港，曾經做過童軍領袖。

有一年，我地旅團參加了步操比賽。

嗰時的比賽規則，係每隊要求有人數下限，好似係至少要24或27個人（？），因為太少人得小貓三幾隻係點操都睇唔到隊形。

咁啱嗰年，我哋旅團好好彩有頗多的新團員（少子化現象係好耐之前已經發生，同埋的細路開始有好多其他娛樂，無乜人再有興趣參加制服團體），咁啱個個都願意參與，然後我地再係其他旅團，揾的friend嚟湊夠人數先有得玩！

參加之後，就係無窮無盡的練習。

童軍步操比賽，係全隊其中一人做司令企係場中間，比口號（指令）我地全隊人，我地係要跟口令去開始前行，其間全套步操必須包括前行，左轉，右轉，步行時比禮，行進間轉彎，暫停立正再前進等等等等

步操比賽講求的，係隊員與司令的默契，全隊人的融合程度，達到呢個目標嘅方法得一個，就係‘’操‘’。

嗰時我已經畢業做緊全職工作，每星期有三晚，一放工即刻趕去球埸開始操練。

淨係落腳呢一下，都要練好幾日。因為如果有人沒有將隻腳，提高到大脾與小腿成90度，就立到放腳，咁踏落地的聲音就會好似落雨咁樣“噠，噠，噠，噠”，而唔係齊整的清脆的“噠”一聲。

唔知係因為操練得多，投放咗好多汗水心力？定係人類的心理一般都係咁諗？總之係我地一齊做到“齊整的” “清脆的” 噠一聲，就會覺得好圓滿好有成功感！！

去到比賽前一星期，我地係晚晚操，嗰時覺得好好玩，操完就成班friend一齊去食宵夜，比賽最終梗係無贏啦！但係就比咗我呢個珍貴嘅回憶！

=============

到咗前幾日，見到2002年出道的女團，其中一個歌手，又走返嚟香港‘重出江湖’（？）

又睇番佢地嘅首本名曲：

第一樣就係覺得：“嘩！佢地跳得好齊呀！”

‘齊’呢樣嘢，係去到廿年後2026年嘅依家，啲韓團仍然都係咁追求跳舞好齊。點解人類就係咁鍾意“齊整”呢樣嘢？？

你睇吓，北韓最出名嘅表演，就係十萬人，“齊整” “合拍”地滙演阿里郎

大家有睇過嘅，都係覺得驚嘆，佢可以咁齊整合拍的做一個滙演（呢個表演好出名，為北韓帶來好多旅遊收入），完全忽略要做到呢個程度，基本上係要十萬人都抹去了“我”，當“整體”為一個“個體”咁樣去生存先做到。

=======

然後就係想到，呢班女仔全都40了。

你有無同時感覺好老又好年輕嘅感覺？？

如果我提提你，阿梅Anita當年死時也是40歲，你明我的感覺嗎？

依家睇住的餅女，由出道時20歲，眨吓眼到依家全都變了40歲，好似好老咁樣；同時間，Anita離開時也是40歲，風華正茂，仲可以唱多10年，20年，30年，40年。。。。

=========

嗰時餅女呢首名曲，我😑係唔like架。原因？

Wyman的歌詞實在太中了。🙄

其中有一句：

“為何男孩情願拋低女朋友

陪住老友通宵打機不戀愛”

我喺2000年識嘅小男友，一開始拍拖，佢就要去外國讀書，等到佢放聖誕假返嚟嗰十多日，為咗多的時間相聚見面，去佢屋企過夜，點知佢叫friend嚟通宵打機！！之後我自己一個起身返工！！😡🤬😡咁你叫我嚟做乜？？🤬😡🤬

依家諗番，呢段感情只捱得一年多啲貨仔，唔係無原因的。🫠

20260714 Getting close

(的相唔跟次序架🤣)

依家咁樣每日開吓開吓，係過咗頭廿五份之後，真係有倒數的感覺🙄😬

再加上依家出面有呢的，不停提我大日子就到了。

🤣🤣🤣🤣頭廿五份禮物

非常鍾意，因為全部都係實用嘅嘢，依家最後一個月就嚟變老人家，好怕的‘唔等洗’嘅野🤣🤣

最鍾意嘅係家姐同姨甥女整嘅手作😍😍

其實覺得最感到touching嘅位，係佢哋早就想起我的大日子，還真的去揾咁多 hello kitty 嘢。

你知啦，hello kitty無謂嘢肯定大把，但係hello kitty（對我）有用嘅野，真係唔多（例如你買文具比我就把托啦）

Hmmm，頭廿五份入面，有髮夾，香水，糖，指甲鉗，指甲貼紙，眼線筆，眉毛筆，面膜（啱啱好今年夏天勁曬，一日黑一度咁樣同陽光玩遊戲，真係好勤力敷mask）意粉，散銀包，手作的scrunchies，手作的頸套，頸鍊，手工製作特别design嘅手鍊

最攪笑？？

第廿四份 hello kitty 杯。我早年買過呢隻一模一樣的杯🤣🤣🤣🤣呢個杯嘅特色，就係飲到尾要舉杯飲最後一啖嗰時，係會擊中鼻樑或眉心🤣🥰

  

（嗰隻杯我之後拎咗去救世軍！

呢隻睇吓我會用到幾耐先🤣🤣 ）

上面呢堆係26至32，唔知點解，不停望住方形的兩盒，期望係曲奇🤣🤣🤣🤣

都唔明點解，我見到嗰包果外面寫住'this side up'，為食的我就覺得入面有嘢食囉🤣🤣🤣係乜鬼嘢logic嚟架。。。

希望在明天，聽日可能有曲奇食😆😆

20260705 當頭棒

 

今日係球場返工，text肥鬼無關痛癢的事，突然間，腦中思緒一閃，I dont like how myself turn into.... 

被負能量客人影響得很多，連我自己的思想也開姶變了😱😱😱😱

一不留神，負能量仲蔓延至我做花王的客人身上。

===========

我不用理會人渣客點做人，我只要繼續發放我的正能量，地球就會回報給我的。

"無論你是誰，無論身處何方，

無論遭遇什麼，或者承受何種痛苦，

重複記憶這句話：你所希望的，永遠都有可能發生。"

上面的圖，係一個老婆婆花王客人，已經入住老人院，所以每年夏天只要去佢屋企大清一次，今年因熱浪同雨水，推到七月先去，見番呢舊好耐無見嘅石頭，提醒番我自己要返來正軌。

20260704 獨立日

我一直都同移民咗去英澳加的朋友講，考槍牌。

佢越禁，你越要考，終有一日會有用。

鄰居在放火。。。煙火。

越嚟越多地方用無人機表演代替煙花，我一的都唔鍾意，無煙，無火，無爆炸，無熱度，無氣味。

煙花的可貴，就係稍縱即逝。

如此美麗的煙花，用時間心機來製造，就係點著的一迅間，燃燒自己，發揮光芒，不足幾秒，燃燒殆盡。

你有緣份，啱時間地點，睇到就睇到，睇唔到就goodbye囉！

人生來地球，就是五蘊六根的體驗呀！

我仲未係機械人。

暗黑勢力深層政府想將我地人類變做機械人，但係，去到極致嘅一個點，機械人就係想做人類囉，想體驗喜怒哀樂，攪唔攪笑？

你話人類有無希望呢？in a way, i guess yes.

當地球人類都死哂，得番機械人，佢地好想體驗人的感受，係化石入面揾人類的DNA再整番人出嚟？？