花旗一遊 (20160421-2)

五軍未動，糧草先行

今日話無特别活動，但係要補給嚟緊兩星期嘅糧食，所以先去超市一轉。

肥鬼要去物理治療，所以放低我地行住先。

到一個鐘之後佢嚟到，我地仲係雜貨個邊”散步”緊。

呢邊的大型超市，通常係分左右兩邊，一邊係鮮肉，菜同日常食物，另一邊就係雜貨，由園藝，電子產品，工具，玩具，到睡房／浴室用品，中間通常就係服裝部。

今次佢地嚟，啱啱係春天尾就到夏天時間，呢邊有句說話　”April's shower bring May flower"，即係同我地講話春雨綿綿一樣咁上下，指春天嘅雨水帶嚟五月開花。
仲有，呢邊有Memorial Day (記念所有為國家捐軀嘅軍人)　呢個記念日係每年五月最後一個星期一，而呢到嘅人，通常係以呢日介定為春天過去了，夏天到了。就好似我地話　”未食五月糭　寒衣唔入櫳”　咁樣，佢地係過咗呢日，先真正開始係花園種野，因為係呢日之前，仲未凍定，有好多時會日頭好熱，到晚上又跌番到好凍，太早種花的話，就會係呢的晚上凍死了。

肥爹媽子對園藝都好有興趣，係到行咗好耐。其實呢到只係剛剛冬天之後開番，遲多幾個禮拜就會擺到满晒。。。

 

　　

 

　　

 
肥爹見到梨樹，就係咁話最好種到成個花園都係果樹，我都種咗架，但等佢大都有排等。

 

到了日常食物那邊，長長的一行都是汽水，好多好多的冰格食物，好多好多的罐頭食品，

再加埋下面呢的咁大舊的火腿，已經解釋了美國飲食文化。

 

仲有，最特別係呢到超市比錢，係咁樣架，自助式，自己doo　自己入袋，

佢地話係香港同大陸咁攪，實聽執粒囉！

　　

一日一節目完了，就去食”早晚飯”。我地兩個放假如果出街食飯，通常係食4pm或5pm，一嚟唔鍾意同人迫，又唔洗等位，同埋好多時會有特價，只係食早的，有時會全單九折或八折。

今日我地去石頭燒Black Rock晚餐，係香港呢樣肯定唔係新奇野，但係呢邊，係要到2010先至係屋企附近開咗呢間澳洲的石頭燒。

　　

 

其實呢到淨係叫咗每人一個餐，但係够每人食兩餐，哈哈，聽日唔洗煮飯！

次次嚟都唔記得，其實可以叫一舊超大件嘅牛，兩人分，咁就啱啱好。

 

花旗一遊 (20160421-1)

今日第二日，應該還在適應時差，所以沒有安排特别節目，一早起來，先來個豐富早餐。

有我新鮮自家制麵包

 

肥爹同阿爺以前曾經係開茶餐廳嘅，所以我醒目，

準備定茶葉，梯煲同三花奶，就會有港式香滑奶茶。

 

 

仲有，佢兩個食慣麥皮做早餐，我都有準備。

佢地食開黑芝麻味，我呢邊有肉桂粉加蜜糖，一樣好味。

 

　

 

食完早餐，正式同佢地遊覽下間屋。

其實佢地尋晚都行過晒，不過尋晚黑媽媽，依家日光日白，睇得清楚的。

呢個地盧，净係擺滿呢的買咗之後只係用咗幾次嘅運動用品。

 

呢兩個，洋人叫dresser，即係衣櫃，係肥鬼個阿媽，個阿爸，個阿爸親手造架。

特别下面深色呢個，超實淨。

 

　

 

 

呢把鋸，應該就係上面造木櫃嘅個位太公留落嚟嘅，佢一共有5把鋸，肥鬼媽咁啱有5個兄弟姊妹喎，咁肥鬼媽走去搵個畫家，畫咗呢個燈塔係上面。每個兄弟姊妹，每人一把留存。

點解畫燈塔呢？

肥鬼媽的父母老來的時侯，係Michigan北面一個叫Alpena嘅地方住，個到面對Lake Huron，有好多燈塔，最近佢地的Presque Isle，就係肥鬼細個，同的表兄弟妹，過了很多暑假的地方。

即係外國人　Family Vacation　嘅地方，以前我唔明點解外國人可以去同一地方幾十次，原來，係個陣”味”呀，係童年回憶呀，對一個家庭嚟講，係一家人聚埋一齊玩，製造回憶嘅地方呀。。。

哪，門口一包包個的，就係佢地嚟嘅主要工作　－　務農。

每年冬天過去春天時份，就要做好多園藝工作，除雜草，番鬆泥土，再放呢的叫mulch嘅野。

我都係嚟咗呢邊住，先知道落大雨會冲走的泥土或移位，加上冬天落雪，就會令到的泥土壓扁，下沉，所以到春天，就要買topping soil（補充泥）去補平番的下沉或不平的地方。

Mulch呢，其實係的打碎晒嘅木，用嚟舖係泥土表面，等雜草無咁容易接觸到泥土落地生根，而且舖咗mulch呢，淋水之後太陽猛晒，都會有呢層木碎阻隔水份唔會蒸發太快，保持低層泥土濕潤，等植物無咁易死。

 

我呢到買咗成30包，其實都唔夠，整晒成個花園的地方，要差不多再買多20包。

 

 

 

好，依家出街。

 

 

 

 

 

 

 

 

花旗一遊 (20160420)

梗唔係我啦！！

 

 

 

嚟咗呢到咁耐，終於安排到佢地嚟玩下。

 

 

因為係第一次佢兩個自己飛，長途機，又要轉機，大家都好緊張。

 

其實肥爹的英文都log log聲架，最後海關阿Sir仲話佢英文good呀。

 

第一日　晚上7:30pm　

人就安全到埗

但係的行李呢，係芝加哥轉機個陣就搭咗下一班機，

咁我地就係機場坐多一個鐘。

 

 

 

好在我早有準備，下午就買定外賣係屋企，

仲知佢地係要食菜的人，所以買定菜心，西人菜，烚就食得。

 

以為佢地應該好眼瞓，諗住第二朝先參觀間屋啦，

但佢地實在太興奮喇，天都黑晒都係到四圍睇。

 

有兩間客房嘅，但係另一間房個張king size bed實在太軟了，佢地瞓慣硬的，

會瞓到腰骨痛，就安排佢地瞓呢間喇。

 

呢兩張床，係肥鬼細個瞓架，可以疊起成碌架床，也可以咁樣擺等朋友嚟玩過夜瞓。

成30年歷史的床，超級實淨，因為係實心原條的木造，次次都要兩人一齊推開佢嚟吸塵。

 

 

～第一日～

～完～

春天到

要點先知春天到？

 

就係鴨夫妻都返來了。

 

而且，今日有不速之客來了，鴨公同佢大打一場。

 

我本來係到打掃，聽到出面好嘈，睇睇，有一隻鴨公想嚟搶地盆呀。

我出面個湖有一對鴨長駐嘅，依家係交配季節，呢隻鴨公殺到嚟，本嚟個隻梗係同佢死過。

 

但我未見過鴨打交，原來係係佢後面追實佢，不停係水面拍打的水，打起水花，再時不時追上去咬佢，有時又會潛入水，係另一面游出嚟。。。

 

佢地咁樣打，打咗成１５分鐘呀。。。

真係好睇過 animal planet 呀。。。直情係live呀

 

２０１６。４。２　追呀

 

２０１６。４。２　趕呀

 

２０１６。４。２　撲上去

 

２０１６。４。２　不停是拍水　追上去　前面個隻終於想走的樣子

 

２０１６。４。２　點知轉個彎還是趕佢唔走

 

 

２０１６。４。２　呢張係我發現原來鴨妻一直潛水躲著

 

 

 

２０１６。４。２　呢兩張好門顯睇到　隻鴨公真系括起好大的水花來趕走另一隻

 

 

 

 

 

 

 

 

２０１６。４。２　最後游多一轉check清楚

２０１６。４。２　戰事告一段落

 

２０１６。４。２　終於可以上嚟開飯

2015/16 冬天

今年又是反常的一年。

第一次有雪毛係10月。

 

２０１５。１０。１７　小毛毛雪



2015.11.09 紅霞



２０１５。１１。０９　紅霞

在Thanksgiving來了一個兩日的大雪暴。

 

２０１５。１１。２１　大雪

 

２０１５。１１。２１　大雪

之後都只有零星的小雪，聖誕日還有40F，在街上仲見到有人著短褲跑步，真係痴線了。

肥鬼可開心了。只係咁意摌雪了一次咁多。

到聖誕前夕的前夕（12月23日），括起大風來了，當日我是要上班的，一整天都聽到風吹，到晚上十時收工揸車回家時，還想著風好像靜下來了，因我趕著回家，要整4個批加小食（12月24日帶去肥鬼爸屋企同25日帶去肥鬼媽屋企）。。。

一回家便開始忙過不停，點知整整下突然黑晒。。。
停電了。。。
但我的大工程還未完呀。。。

最後要點臘蠋來完成。

一停電個時肥鬼就走咗去瞓，乜都無息，咁啱係聖誕，家家都好多聖誕燈飾，係電力將要回來時，因肥鬼乜都無關制，攪到成屋的電器係咁係到跳，閃呀著吓，好似拍鬼片咁樣。。。

到第二日先知，原來昨晚的大風，風力去到龍捲風的程度，好在路過的是Canton區，不近這邊。

到了1月3號及4號，終於落了一日雨雪。

２０１６。１。３　雪花

 

２０１６。１。４　一夜之後　湖面全蓋了一層雪

1月10號，有雪，不太嚴重，但超大風，
去了接肥鬼爸機，好幾次大大風的，吹到我們的車要不停轉線。。。

1月12號，星期三，一整日都係落下停下的雪。

 

 

 

 

２０１６。１。１３　好大的一片雪花

見到雪花以外的都是一層薄冰，因為係落雨雪呀

雨雪就是好像下雨一樣，形成的原因係雲層上面的氣溫未夠凍，所以當濕氣脫離雲層時，係水珠狀（即係落雨），但係脫離雲層後，係雲層下面的空氣已經凍過了凍點，所以水珠係趺落地面時，係一粒粒的，好似鹽咁樣，打落窗時會有的的的的咁嘅聲音。

佢地落吓停吓，有時夠凍有時唔夠，所以有時係一落咗嚟就溶咗之後結埋冰，揸車要特别小心。。。

之後我地就返咗香港，以為二月返嚟可以免役。。。點知

２０１６。２。２５　又嚟料

 

 

 

跟住的三月，終於靜下來了。

 

三月尾　Anthony　過嚟玩，係湖面還有一層薄冰，佢不停的想走去踏碎的冰。

 

２０１６。３。２０　破冰

 

四月，終於見到春天的影子了。