Il Mercato Trattoria

嚟咗呢度唔夠一個月，就揾到我們最喜歡的餐廳。哈哈哈，我阿媽睇到，就會話我：果然係為食而生存。。。。

其實住係酒店嘅呢個月，係肥鬼返工的日子，我地都係三文治或杯麵渡日，基本上有熱食已經好開心，所以相對嚟講，好多餐廳都好好味呀。
(酒店樓下的小小餐廳都ok，不過我地所有菜式都食過了，真係食到悶悶悶出鳥來)

而呢間意大利餐廳堅係好味，我本來唔係太鐘意食意粉pasta類，但第一日嚟係個日，唔知係肚餓呀，定係個意粉汁實在太好味呀，暗暗就係心裏加分了。仲話要快嚟再嚟食，試埋其他菜式。

第一晚嚟到，我地兩個都成日無食過嘢，待應比咗張細枱比我地，我地係咁點咗好幾樣食物，仲想叫佢全部一齊嚟啦(我地嗰日真係打晒鼓！！) 但係張枱實在擺唔到咁多，佢就幫我分開上。。。

叫咗個squash soup 同 veal cannelloni (嗰晚太黑了，又肚餓，狂風掃落葉式清了，呢張係今日再去食嘅時候影嘅)

呢個veal canneloni, 係得兩條，個汁好味，粉皮不厚，啱啱好每啖都有的汁同皮同肉。。。

跟住我點咗海鮮意粉，肥鬼點咗羊架

就係呢個海鮮意粉seafood linguine，個汁鮮味到為咗的汁，我要食晒的意粉，哈哈哈

七成熟的羊架，有六條，很充足的份量(呢度有另一間餐廳，貴5蚊得4條) 加個傳統的洋葱磨菇燒汁，好彩我地坐係一個黑暗角落，無人留意我地落手食，仲要不停點個的汁。。。哈哈哈

嚟到晚餐的尾聲，一睇個dessert menu, 樣樣都想點，我地最後決定order 兩個係到食，order 兩個番去食

呢個tiramisu cheesecake 有的失望，再去意大利餐廳，就只會食傳統的tiramisu, 呢個有的實同咖啡味唔夠。。。

但係呢個classic vanilla torched creme brulee. ... hum. .. mamamia 暖暖的creme 脆脆的糖面，可以的話，真係想 lam 乾淨個碗。。。

今日再去，個待應 Jamie 先生一見就認得我地，仲話我地咁快又返嚟，其實除咗食物非常好之外，Jamie 先生服務一流，很細心，嗰晚除咗我地張枱，佢其實仲有另外一張8 人枱，但佢從無忘記我地，成晚不停行過嚟裝下我地食咗幾多，預時間去跑下一道菜，所有食物都係熱辣辣的。仲要係佢人都很風趣又非常friendly 我同肥鬼都覺得很慶幸啱啱嚟到呢度就識到朋友。

今日係下午3點嚟食早晚飯，未有其他客仔，所以有時間同我地傾多的，佢話佢都去過香港。。。個機場兩次，問佢轉機去邊，原來同我地一樣，佢都好鐘意巴里島，仲要同肥鬼一樣，有愛爾蘭血統，所以就更投契了。

呢次，我點了 seafood zuppa 非常鮮甜海鮮湯，有好多herb seasoning 調和海鮮的味道。。。

肥鬼就encore 佢個veal canneloni

主菜我點咗 beef tenderloin, 又係七成，入口唔洗"趙" 軟熟 juicy

肥鬼就食意大利名菜 肉丸意粉 佢話好味到可以比美肥鬼媽親手整嘅咁好味。。。

今日甜品，我地兩個都係creme brulee

帶回家的，就係呢件roulade, 係檸檬蛋糕外面包椰絲cream. .. 很清 唔太酸 yum yum yum

另一件帶回家的甜品，因為長途跋涉，返到嚟變晒樣，但係無損味道。。。

呀！仲有就係肥鬼發覺自己完全轉晒的啤酒味蕾，以前佢淨係飲嗰啲好清好淡號啤酒，依家越飲越黑。佢上次嚟，係飲Lunenberg, 咖啡 + 古力 嘅stout 黑啤，今次嚟，就試咗 propeller porter, 都係黑啤 但係普通stout, 無lunenberg 咁好味。。。

係我地用完外地津貼之前，一定要番嚟食呀。因為我好想試佢地嘅野磨菇軟飯 wild mushroom risotto,  唔係日日有架，另一個就係carbonara 煙肉忌廉意粉，呢兩味菜都係好傳統的意大利菜，連呢兩樣都整得好就真係堅！！！

第一次落雪

傳說中既大雪嚟喇！！！
呢場雪係星期六半夜開始，落了整個星期日，到星期一早上先停。

未嚟呢到之前，人人都嚇鬼我地，話呢到落雪超勁呀，每次落都snow in 咁呀。。。
(snow in 係人人門口的雪都幾呎深，出唔到街)
肥鬼的同事仲話，呢的小鎮地方，每次落雪，都係等完全停雪先會出嚟鏟雪！！！咁大鑊。

Anyway, 永遠係放假係屋企睇落雪最romantic. ..哈哈

但今次都唔係好壞，尋日星期日中午，都開始見鏟雪車囉。。。

早午差別

來了快一個月
仍然覺得呢到啲天氣好奇怪

住得近海 真係超大風
朝早會有咁多雲

一陣之後就吹走晒喇

又到好天

落咗幾日雨
今日終於見番個太陽

落雨

的人話marine 天氣 就係咁解？

好明顯 呢到係濕凍
日日都咁大霧
有時大風 到下午都會吹散嘅
有時就全日都係咁囉

雨天

的人話呢到成日落雨，真係無講笑呀！

今天又是落雨天，仲要係打横嚟嗰啲。。。

Any 肥，我係呢到，見到的好耐無見過嘅野呀

朱古力手指餅

呢度仲係保留咗好英倫風味

雖然唔係嘉頓，但係都好好味

另一野係呢到週圍仲有好呢的入錢電話呀

我以為絕晒種架喇

另外，見到有呢款kit kat 係美國無見喎

"Rainy days and Mondays always get me down"

講笑啫！
其實係每次見到落雨天，就會想起The Carpenters 嘅呢首歌。

其實我自己就無咁moody 嘅，由其係依家11月，落雨總好過落雪。

前幾日係FB 睇到一段野：
法國作家舒密 (Eric Emmanuel Schmitt 係巴黎大學讀哲學)  佢話：只要人能甘於孤獨，善於獨處，哲學就不會死。

想起我2008年剛來的時候沒有做野，頭一段日子係好開心好懶惰，因為之前做了十年工作沒有試過真的放假。所以初開始時係放鬆晒咁樣，起身先諗嗰日想做乜。

之後嗰段日子，就開始適應呢邊嘅生活，學車啦，睇電視學listening , 同埋學更地道的oral english. 樣樣都好新鮮。

一年半之後，又再開始返工了。

直到10月尾揸車過嚟，由11月1號到依家，我覺得自己都幾能夠獨處。其實，有個窗望到街景，真係好唔同架(唔怪得坐監的人咁想有一個窗)  我自己呢，有得上網聽收音機，聽吓廣東話基本上就ok 架喇。

依家反而唔係咁鐘意睇電視，過嚟之前，都知道未揾到屋之前，係會住酒店一排，所以有帶咗書啦，織緊一條大披肩(比自己一的手作仔過日晨) ，同埋呢，我帶咗簿同筆。

做乜呢？
我覺得自己成日執筆忘字，所以，我又做番年青人做嘅 - 抄歌詞。

抄嘅同時，我唔比自己寫簡體字，我以前中學時，原字筆書法都幾好架，但總係有的字，覺得自己寫唔好，例如：上肥下窄嘅字 -> 覺，學，興，與
哈，依家機會嚟喇，可以練番。

仲有，好耐無真正揸筆寫字，抄唔到半首歌，隻手就軟啦，都唔記得中五會考嗰陣係點樣係兩個鐘之內狂寫幾百字。

晚飯

今日肥鬼本來係放假架，但同事有急事要回家，所以肥鬼要OT 頂更。

不過我唔記得佢係放一點，走咗去樓下包步，點半先返上嚟，一返到嚟就雞咁脚走出去食飯。

話時話，呢個晨早五點嘅更，真係打到我地日常亂晒，返晨早五點，佢三點就要起身，即係晚上七點就要瞓覺，所以我地下午四點就食晚飯喇。

佢另一個更係返晨早七點，我陪佢晨早六點起身都ok 喎，但係返五點個更，我點陪佢3點鐘起身呢❓真係仲係三更半夜喎，有時半夜醒咗攪到我好耐都瞓唔番，瞓番嗰陣已經係5,6點，真正起身可能係10點囉。

但係佢瞓覺個陣，要熄晒的燈，無晒聲音先瞓到，咁即係最好我同佢同步啦，但係有時，咁早真係未瞓得著喎。。。媽呀，好亂呀⚠希望比多一頭半個月會好啲。

Anyway,  我地好快咁揸車出發啦，今日放早咗，諗住可以去遠的，入去downtown halifax, 同事介紹一間餐廳叫 The Keg, 好在偉大發明嘅jep (肥鬼係咁樣叫個GPS)  話我地知，我地on the fastest  route 但係去到間野 is closed (4:30先開，淨做晚餐)  臨時變陣，想起尋日去食泰菜，佢地介紹的韓國餐廳。 就即刻試試喇。

尋日食嘅泰菜，都係同事介紹架，佢地話呢間野好攪笑，外面係一間wendy's 入面就係泰國餐，仲要好好味架。去到發現因為呢座building 前身係wendy's 但新接手的無做任何外牆裝修，所以要入到去先感受到泰國風味。

我點呢個泰辣蝦 + 米紙菜卷

肥鬼的馬來炒牛 + 春卷

真好好味，其實佢地仲有好多小菜，

唔似係美國的泰菜，全都美式化了。

呢到仲要紅咖喱，綠咖喱(我地另外order了外賣做聽日午餐，好好味呀) 

你睇吓，連出面個招牌都係wendy's 架，不過改咗字就算了。

咁點解泰國餐廳會推介韓國餐，因為個老闆係韓國人呀。。。哈哈

我問一個後生的男仔，佢話佢自己係呢到無去過韓國餐廳，所以要叫個女仔friend 嚟同我地講。

個女仔呢，介紹我地有一間係downtown halifax 不過就係trendy個款，我問佢想要食韓燒嘅，佢就話Arerang, 都係喺halifax 嘅。

所以我地今日即去。

真係好耐無食過韓燒⚠

其實係外國住耐的，每次去呢的亞洲餐廳都會好小心，因為成日入到去先知瀨嘢，就係發現原來係大陸人開嘅。

不是每間都衰，但係去得多，你就會發覺，係真係有分別嘅。我試過去一間Habachi(日本爐端燒) , 入到去見到所有待應講國語已經有不詳預兆，但係個日好多客，以為可以一試啦，叫咗甜蝦壽司，的蝦係擺到已經開始乾水同縮水，又有叫咗三文魚子壽司，的三文魚子係已經變咗淤色，已經開始有變壞氣味，同埋魚子黏液已經變咗色，我淨係係咁咬少少已經知唔食得，叫個待應話比佢知的野壞咗，佢話咁同你扣番一舊壽司錢囉。。。我都費是同佢晒我口水，總之，呢的fake 日本 fake 韓國餐廳 真係永世唔去。

而呢間Arerang 呢，一入到嚟，其實都好肯定待應係big6嚟嘅，但係叫咗tempura 同牛rib, 係好好味，同埋個牛rib 嘅切法係正宗韓國做法，到埋單時就知喇，係counter 後面個老闆係韓國人 同埋佢老婆就係喺後面煮野食嘅大廚，咁都好的。

Bedford basin

今日返嚟呢邊，除咗去按摩，咁啱揸車經過見到有男人理髮店。肥鬼即刻轉軚，因為佢係頭髮有小小長都頂唔住的人嚟架。。。

入到去，連理髮師都打扮都好gentlemen.
著晒老西(係爭件披)

係理髮店個後窗，就係望住 Bedford basin 盆口位，不過今日好大霧，遠的就乜都睇唔到喇。

如果真係搬到嚟呢邊，就真係聽海的日子呀

Bedford area

第一次揸車過嚟係街頭嗰邊入嚟，第二次就係街尾入嚟，以為呢區好大喇，直到另一次個GPS 指我地揸另一條路，先發現原來係中間呢到連接住嘅。

左邊個到係街頭，右邊係街尾。由頭去到尾都係10分鐘咁上下，小小的鎮，小小的屋，得兩條行車線。

第一個休息日

肥鬼由上個星期二(第一日返工) , 一直返到尋日，原本有三日假，其中一日因為要就訓練班而調走咗，另外尋日有同事有緊急事要調更表，又調走多一日。依家得番今日放假，明天又返工五日，好在之後係連放七日，到時仲唔係瞓番24小時先⚠

今日約咗按摩，我就係到等佢，終於可以出嚟行吓，好在仲未落雪，仲要暖番的，好似秋天咁樣。。。

食麥當當早餐
連後面草坡都有manicure

水壺

唔係大哥大嗰的水壺呀

係呢的

呢個水壺

係我2008年過嚟嗰時 係肥鬼屋企發現嘅

嗰時佢就係正宗單身寡佬

唔會煲水 唔會煮飯

食美國傳統三寶

漢堡飽 pizza 熱狗

而呢個水壺 係必要時食杯麵 插個製就有熱水囉

係我嚟咗之後 呢個野就沒見過世面喇

搬屋之後直頭落咗地盧

埋沒咗係的箱入面

直到我地又要再搬喇

開始覺得要downsize

就不停叫朋友嚟 睇吓有乜啱佢地用就拎走喇

先再發現呢個水壺

就想想係未再揾到屋之前

我地都係酒店

要熱水食杯麵

所以 又拎埋佢啦

前晚煲水 比肥鬼睇到

呢個野

Made in Great Britain 呀！！！！

哈 我以為呢個世界 無野唔係made in 支那 架喇

仲有呀

連條cord 都係made in Canada 呀⚠

不枉我將你帶係身邊

比落雪還要驚

住係沿海地區，有風景睇梗係好啦！
但係喺冬天時，會落超大雪都係好麻煩嘅。
咁有乜比落雪仲衰。。。

超大霧

大家自己睇下
明明尋日仲好天到爆
超級晴天 一舊雲都無
今朝一早6:30am 就變咁樣

但係你睇到 係霧嘅後面係藍天白雲
呢的霧 應該係夜晚太凍 係表面嘅水開始結冰
到早上氣温開始上升 就溶 蒸發出呢的霧
而家希望大風快的吹走

月亮

網上話今天早上日出之前，係影月亮嘅最好時間。我晨早6點就仆起身。。。

頂，乜都唔見

又影日出喇。

我真係要好好再研究吓點用我個傻瓜機

成日都影唔到好清嘅蛋黃

但係我睇佢慢慢慢慢升上來

初時嘅背景仲係黑暗的

好清楚架

之後 唔憤氣

用咗成個下午

係網上揾攝影教學

呢的就我嘅條作

哈哈

第一次影到 真係好興奮

日出

今日意外的晨咁早同肥鬼一齊起身，就去影吓日出囉。。。

影日出真係要等架，就算check 咗日出時間，有時係唔同地方 方向，的光線就唔同晒，同埋有時多雲，大霧，天陰，都唔係日日等到有蛋黃架。。。

呢幾日係網上話11/14有supermoon

但係5:30pm 我地出去食飯嗰陣，個月亮超大呀，係我記錯日子等係睇錯咗？？？