舊劇

晴天

今日係度煲劇。
你點到唔會估到。。。我係到煲北斗雙雄 Angels and Devils。

係！呢套1983年的劇，越睇越覺神奇，係劇入面，梁朝偉係同陳秀珠一對架，而發哥就係同姚緯一對嘅。原來係演藝圈，生得老相都真係限死咗好多野。

係呢套劇入面，横睇掂睇，陳秀珠都係襯發哥似係一對囉，番查紀錄，當時陳秀珠係26,發哥係28,而偉仔係21,陳秀珠同偉仔，唔知係咪偉仔baby face, 睇極都覺得似姐弟咁樣。

相反呢，係網上係揾唔到姚緯個出生年份，估佢同陳嘉儀咁上下啦，但係劇入面，陳嘉儀已經係30多歲老姑婆類，而姚緯就搭發哥係劇入面做model 好多人追。。。

呢套劇另一樣嘢呢，就因為係講當時好多屋邨青少年問題，所以要promo 叫人做社工，青少年會去社區中心 hea, 所以成套劇出咗好多男演員，周星馳，陶大宇，歐楊振華，吳鎮宇，劉青雲，吳啟華，劉嘉玲，吳君如，仲有後嚟係射鵰做傻姑出名嘅陳安瑩。。。