抵死

明明晨早起咗身，仲要望住嗰窗，覺得點解今朝早咗天光呢？都仲係懶吓懶吓，成9點先出發。

返嚟先賴醒咁做功課，研究睇藍月亮+紅月亮+月蝕最好時機。

發現 -
係今朝。係今朝。係今朝 0730
唔係今晚。
低能到明明睇到 nasa 都有 live video 囉，都仲覺得係時差問題，未瞓醒咁樣諗今晚要點樣影月亮。
真係死蠢。
好明顯我同呢個182年先出現嘅月亮一的緣份都無。

我原先真係諗住今晚係威係勢咁

著晒褸帶埋腳架落去嘅

依家洩晒氣lu...

都係露台影兩張算吧啦

冰雨

尋日晨早嗰段時間落大雪，之後晏晝開始落冰雨。

所以今日出去行，見到好多冰。

 路邊嘅 長凳 下面吊住的冰柱。

其實呢張係想影，係的雪嘅表面，都係一粒粒嘅水珠。
不過雪反光太白，都唔係好睇到。

♬♬♬♬
依家比肥鬼感染咗，鐘意好多country music, 呢首係其一。

Luke Bryan
Kick the dust up (踢起塵土)

無端端做乜踢起的塵？

其實 country music 好多歌手都係嚟自 down south (南部) 或 中部嘅 country boy / farm boy (鄉郊男仔) 亦即不是城市人

鄉郊野外好多道路都係 dirt road 爛泥路

(即係無瀝青舖路的) 而且鄉郊的人出入大多揸 truck (小貨車) 而唔係 car (小房車) 

小貨車係爛泥路上行駛過就會塵土飛揚

不過歌詞入面主要講嘅

係佢地男男女女聚埋一齊，一星期辛勞工作(種粟米) 之後，係鄉郊外一大片的粟米田中間開 party 飲威士忌 (粟米係其中一種可壤製威士忌的穀類)

而佢地鄉郊人多數係著 boot 嘅，咁著boot 跳舞咪會踢起的塵囉！！！

不過我今日踢起嘅係 stardust

唔係星塵

不過都一樣咁靚嘅

就咁睇無乜特別，但係，

如果你有見過幾千萬條魚有節奏合拍地游動

如果你有見過幾萬隻雀一齊合拍地飛

係我踢的雪飛起再加上陽光照同埋風吹起佢地

的雪嘅反光閃閃吓，就好似 stardust 咁靚

我係到玩咗成個鐘。

好凍

但真係好靚。

全部都係冰

喺碼頭，有呢的野餐嘅枱。

其實未見過有人野餐，但夏天的人嚟釣魚，

就會係到擺陣。

近鏡，全部表面都有花紋。

薄薄的一層冰

冰

以為有籃天就係暖。
少年，你太年輕了。
我自創嘅名句係：
After awhile,  you dont feel a thing anymore.
凍到一個地步，過一陣你就無晒知覺架喇。

樹頂部嗰的樹枝好靚。
因為全部都包咗一層冰，加上太陽光照住，特別靚。

原來好多野，包咗層冰，即刻變靚
(唔係美源髮彩，立即變黑！！！)

高危工作

唔係我。
係呢兩位武功高强嘅大叔。

雖然出猛太陽，但係我著咗5件衫 / 褸，一的都feel 唔到太陽的温暖。今日 -11℃ 的風係 31kmh 陣風有成 40kmh 所以實質感覺係 -17℃

佢地淨係著 sweat shirt 加 overall bib (工人褲，應該係 lined 有夾綿層的) 入面有長袖底衫，唔使帶手套，非常配服佢地咁嘅天氣戶外工作。

我企係到睇咗一陣，佢地應該係整 siding,  即係由磚變造左邊淺綠色横間膠板咁樣。

其實點解唔等春天先嚟整呢？

今日

陰天

晨早落大雪，又大風

吹到 fung fung 聲

我 send 咗個短訊比肥鬼

問佢有無比的風吹咗去外太空。

晏晝好番的即刻仆出去行

同舊同事講咗陣電話

佢係 wxxmart 做咗廿幾三十年

依家非常高危

接二連三的新聞都是不停的裁員

如果佢係一般的軟皮蛇我梗係彩佢都傻啦

但佢係真心努力工作的人

希望佢可以安全的捱多一年退休

冰雕

不是人雕的，係天然雕的。

係 sackville river 呢到，每當天氣暖番少少，

上面 Hammonds plains 同 upper / lower sackvill 嘅溶雪水就會沖呀沖，沖落嚟經呢條河沖出去 bedford bay

1/29 呢枝樹枝咁樣晾住係到好耐架喇

1/29 你睇吓嗰舊冰真係誇

呢張係1/27嘅，上面係29號嘅

持續的凍天氣令到呢舊冰一的都唔驚會溶呀

其實係27號呢張仲睇到上星暖嗰幾日

溶雪令到水位高咗好多 (後面打横嗰排冰)

1/27

横排嘅冰只係河流係無咁猛嘅時候嘅水位

的水係咁沖緊落嚟，係上到去水印嗰位架

1/27

1/25 超級彭湃的。

夏天嗰時，呢到差唔多可以玩 white river rafting (激流漂筏) 其實叫 rafting 都知係漂筏，咁點解要講 white river rafting?
河道的水喺彭湃時 (好似上面呢張嘅左邊) 因為河床有好多石，水流高速沖落嚟撞上石面不停翻滾，製造出好多白浪 (白頭浪) 所以我地叫激流筏舟 英文係叫 white river rafting

天陰陰

陰天 -7℃
呢幾日都懶，攪吓攪吓成11點先出嚟。
以為接近中午暖番的，點知吹到口都合唔埋。
好多雪都溶咗，淨係凍，但天氣報告話聽日又嚟落雪。。。

星期六去了同事屋企聚會。
同事們對於現在的更表讚不絕口。

現在的更表係要連續返工7日，跟住連續休息6日。差唔多問每一個同事都話依家個更表好，可以連續放假6日，就係無人理會連續返工7日真係好堅。。。

Anyway 好多同事都係非常 stubborn (固執)  的人，我睇肥鬼都係打定輸數吧喇！！佢有一款更表，成日想向其他同事推銷，但係的人當佢唱歌。嗰個更表，連我都覺得好正，以前肥鬼行嗰個更表時，我係覺得佢成。日。都。放。假。
嗰個更表係返4日放3日，再加每三星期就轉返4日放4日，的而且確係無咗連放6日，但係就成日放假。

講開更表問題仲有就係依家佢晚晚返嚟食飯。同事係一家5口，所以好開心晚晚可以一家人食飯，但係我就諗煮乜餸諗到頭都爆。

終於明白以前話比阿媽知鐘意食雞翼，可以食足一個月雞翼。又試過話比阿爸知鐘意白灼蝦，跟住食咗兩星期，日日都蝦。

 鴨先生同太太過馬路都食野草。

水氹表面結咗冰的花紋

裝飾

今日要的起心肝做的，唔係出去行路。
係我的聖誕裝飾終於要收檔了。

出面陰天，連帶我的幹勁都下沉了。

聖誕樹 - 收好了。

聖誕屋仔 - 收好了。

一串的聖誕燈。。。

真係攪個沒完沒了。。。
每年都慨嘆點解佢地係都要整的燈，係一粒燒咗，後面嗰的就會熄埋。。。
唔係依家攪就要11月攪，到時心急要整好的裝飾，就會揦手唔成勢。。
我嘗試比的耐性攪攪佢，聽日攪多一日，都醫唔好我就要放棄佢地。。。

究竟係用聖誕燈好？定係已經有燈嘅聖誕樹好？
朋友家有棵12呎的有燈聖誕樹，今年第二年用，係唔同地方的枝幹成組燈燒了，佢地兩公婆用咗成日，逐粒燈膽去換，成300幾粒，我地去探佢嗰時，又發現多兩個地方燒咗，無眼睇。。。

"揦手唔成勢" 可以睇吓下面呢條 link 有講由來

https://youtu.be/M9iJwxtw7Gg

老尷

有無睇呢邊的 comedy (喜劇) ??? 

呢邊其中一個我鐘意嘅喜劇係 The Middle

The Middle 簡介

imdb - the middle

30分鐘，講一個樣樣都中等嘅家庭嘅事

呢邊好多 comedy 都係比較貼地

其中呢個家庭嘅細仔係比較怪的

英文會形容佢係 nerd 或者 weird

例如會自言自語或講完一句說話，

會將重點詞語重覆向住自己個肚講多一次

Anyway, 佢係劇入面嗰名叫 brick

就係耶喻佢為人好似一舊磚咁樣

肥鬼有個同事，公認同阿 brick 好似樣

連身高體形談吐樣樣都似

老尷的事

今晚同事聚會

見到呢位同事

打招呼

"Hi Brick!!!!!!"

沒有成個字走出嚟，但好肯定嗰 B 字就出咗囉

嗰死肥鬼因為企我隔離，聽到即刻大笑

不過呢個同事都係攪笑的人

佢跟住話 call me dave

其實佢叫"Pat" Patrick 嗰簡稱

呢邊的人好鐘意簡稱

Abigail 簡稱 abby / abbi

Barbara 簡稱 barb

David -↪ dave

Lawrence -↪ larry

Anthony -↪ tony

Kathleen -↪ kathy

數之不盡，問題係，

我地一般普遍以為呢的全部係唔同嘅名呀。

原來佢地同我地嘅祖先嗰輩，

興叫做陳大文，字乜乜，名乜乜係一樣架。

佢地姓氏一個字

 ( 我地叫 surname 佢地叫 last name) ，

名有兩個字 (first name,  middle name) ，

然後再成日用簡稱嚟介紹自己(多數工作上用) 

我就係以前份工嗰到，明明認識嗰收銀叫 Rob 

但係名單上面無呢個人嘅，

跟住先知佢叫 Robert 簡稱 Rob

仲有另一樣關於名嘅野，就係我地香港人改英文名

例如 Johnston 或

Johnson

肥鬼初初聽到我咁樣介紹

返屋企之後佢再問多我一次佢個名

佢就話咁得意嘅

佢地一般 xxxxson,  xxxxson係姓氏嚟嘅

多數唔會用嚟做名

因為 例如 姓Johnson嘅人

即係好耐好耐之前祖先係叫 John 嘅，

的後人就叫 Johnson - John 嘅 son 咁解

同樣例子有 Thompson / Jefferson  / Severtson

然後我又想起曾經係酒店實習嗰時，做 coffee shop 嘅帶位小姐兼訂位，嗰時好多外國客人嚟食早餐，未有空位有留名等位時，係到諗點解佢地的名咁得意架 Brown... Black... 

跟住先知佢地係講個姓氏比你知

就好似你去酒樓訂位會講李小姐訂位咁樣

多年後唔記得睇邊套戲，

兩個同事 (A 同 B) 係個 bar 到吹水，

講一名新嚟嘅同事 (C)

B 就話 Cathy (C) is not gonna join us, 

 she has yoga class.  

(阿C 今晚要學瑜珈唔嚟喇)

跟住 A 就話 

Oh,  you two are first name base now!!!  

(嘩，你倆已經friend 到直呼其名嘅地步喇！)

係嗰套戲之後我先知個真正分別。

早班火車

今朝晨咁早就出去。

啱啱好九點又見到火車經過，就想起了呢首歌

♪♪♪天天清早最歡喜 在這火車中再重逢你

迎著你那似花氣味 難定下夢醒日期

玻璃窗把你反映 讓眼睛可一再纏綿你

無奈你那會知我在 凝望著萬千傳奇

願永不分散 祈求路軌當中永沒有終站 WOOOH

盼永不分散 仍然幻想一天 

我是你終站 你輕倚我臂彎♬♬♬

>>>>>>>>>>>>>

今日又問咗肥鬼一個無聊問題：「我都幾肯定你會死先過我，咁係天堂你會唔會等埋我架？」

死人頭淨係答：[we'll see] 

好明顯係一的都唔浪漫的人！！！哈哈哈

-8℃ 的出猛太陽早上 

潮退了

寒冷空氣將漫漫退出去的海水結冰到咁嘅樣

Whiteout

先睇吓我今日行完返嚟件褸係點嘅

閃令令唔係我釘咗珠片

係成件褸外面有一層薄冰

依家掛佢一陣就不停溶冰，係到滴水

今朝本來仲諗緊幾時先捨得郁

跟住抬頭一望，一片白濛濛，山，海，鄰居，乜都睇唔到，淨係睇到好蓉嘅雪，唔知點解好興奮，即刻換衫走出去。

就係咁樣，人影都無隻，路都無埋。

不過新鮮嘅雪真係好軟綿綿，行落去好舒服。

鬆泡泡嘅雪都幾厚，我仲以為係半夜就開始落嘅，點知肥鬼話其實係佢返工時啱啱開始落。

我覺得加拿大的細路真係勁！

比起美國的還要勁！

落咁大雪，都係當無乜野咁照樣行出嚟等校巴返學，想講話，呢到唔係好似香港咁樣，週圍隨時可以申手就有的士。

我行過去河對面，見到上面馬路塞死晒

佢地等咗成半粒鐘，校巴都未嚟，仲有排等。

呢個咁嘅款就係叫 whiteout
係我行到出嚟呢到已經用咗大約1個鐘。
剛出門口嗰時能見度要再低的，連左邊間屋都會睇唔到。

今朝剛好行到出去碼頭就睇住早班火車經過。

呢到影到今朝的大雪同尋晚半夜超低温，港灣呢到嘅海面結冰範圍已經去到碼頭右邊lu...

係碼頭入面呢個範圍，有呢的超大舊嘅冰，出面海面的大風大浪不停將出面的冰打碎再吹入嚟

呢到見到一大堆鴨，比中間舊冰隔開咗，佢地好努力咁游番去右邊集合

遙遠一望，係咪有隻膠鴨呢？

呢隻係另一種鴨，無黑色嗰種咁大堆嘅，比較鐘意自己揾食。依家佢就自己一個反風向游緊出大海。

最後見到呢三隻

完全係企係冰上面瞓覺

中間嗰隻係到做清潔(沖涼)

其餘兩隻瞓緊覺

睇得多的你就會留意到，每天早上，佢地大多會係河邊/岸邊沖涼，佢地會不停反複拍水，企高個身啦，拍翼/展開雙翼，又不停用鴨咀點水然後梳理自己身體嘅毛同格勒底的毛

呢的動作多數係朝早先會見到，仲要一大堆一齊都係做緊呢樣野，係下午最多都係瞓覺休息，所以我估佢地係朝早沖涼的。