Deceiving

今日陽光充沛。
點知比佢呃咗。
真係凍到痴肺。

呢個噴水池，尋日仲打完風嗰陣，曾經一度變番水狀，今日又結番冰，仲要係好短時間之内結冰。

你睇清楚噴水池左邊同右邊，水嘅表面結冰形狀係唔同架，左邊表面有好多好細好密嘅浪咁樣，因為呢邊超大風嘅，右邊嗰邊呢，就平滑好多嘅。

呢個噴水池位處兩座屋苑中間，近海的大風，要係屋苑中間走過，因路窄咗而變得更高速。超級凍嘅温度加高速嘅風，係左邊呢的冰嘅形狀表現出嚟。

港灣呢到打風前一日係結晒冰架，打風嗰日只係大半日時間，就將的冰打碎晒。

今日天文台話係-13°C 係正午超猛太陽嗰陣，都凍到感覺唔到的温暖，實質體感温度係-22°C 所以我無行出去近海嗰邊，嗰邊仲要大風的，真係可以吹郁人架。