A second look

又再提起勁去行路，路上少不了的，就係我嘅MP3 同入面的歌。

可以講話，有好多個早上都想懶惰，唔願郁，反而最後係因為想靜靜一個人，專心的聽歌(或唱歌？！我成日一路行一個自己karaoke) ，所以先迫到自己出去。

自己曾經係香港唱過好幾年合唱團。其中一年，嗰個 concert theme (演唱會主題)  係我最鐘意嘅 : broadway musical (百老匯音樂劇)

近來反複再聽番呢首歌 :
Fiddler on the roof 屋頂上的小提琴手
/wiki/Fiddler_on_the_Roof

有時，有的歌，你要係咁反複去聽，先至聽得清楚歌詞，然後先會慢慢真正了解，同意會佢其實真係喺度唱的乜嘢。。。

Fiddler on the roof 嘅背景地點，係 1905 年蘇聯入面的一個猶太人小鎮 Anatevka
呢個音樂劇取材自 Tevye and his Daughters (或 Tevye the Dairyman)
故事主要圍繞 Tevye 呢一個有五個女兒的爸爸。入面講嘅係，當外來的影響沖擊住佢個家庭嘅生活嘅時候，Tevye 點樣致力去嘗試繼續保持猶太宗教信仰與傳統文化。
係同一時間，佢有兩樣野要應附：
1. 沙皇一步一步咁想將佢呢條村嘅猶太人趕走
2. Tevye 大的3個女兒，都意志堅定的決心要與愛情結婚 (即是：要與自己選擇的愛人男友結婚，而不肯跟隨傳統，與爸爸指派的男仔結婚) 3個女兒選的男伴，都與 Tevye 的信仰傳統習俗越走越遠

音樂劇入面係分好多章節，有的係唱嘅，有的係講嘅 (其實都好似我地睇大戲)
我今次再留心咁樣去聽，下面幾段我都覺得有特點或者係令我聯想到更多野。

A)  Tradition
Tradition 呢段係成個音樂劇係首段。
"How do we keep our balance,  I can tell you in one word,  tradition"
"Because of our tradition,  we've kept our balance for many many years"
一開始，由 Tevye (賣牛奶的人) 講解， 係 Anatevka 呢個鎮，佢地呢的猶太人有好多傳統習俗，點樣食野，點樣瞓覺，點樣工作，點樣著衫，乜都有習俗去跟從。
例如，佢地頭殼頂成日要有野蓋住 (所以佢地要成日帶住嗰頂小帽，帽嘅名堂叫做 kippah) ，同埋要披住 prayer shawl 話咁樣係表現出佢地不停的對主的忠誠。
問佢"呢的習俗點嚟架" 佢就答"唔知道" 不過佢跟住話，就係因為呢的習俗，令佢地每一個人都知道自己嘅角色，又因為習俗令佢地知道主對佢地每一個人的期望係做的乜嘢。
跟住佢就唱出，係佢地習俗入面，爸爸，媽媽，仔，女，每一個人嘅生活日常應該係做的乜嘢嘅。
最後佢再帶出音樂劇個主旨：
Without our traditions,  our life would be shaky as the fiddler on the rooof
無咗呢的習俗比佢地去跟從，佢地嘅生活就會震震盪盪(唔安穩) 搖搖欲墜就好似屋頂上的小提琴手咁樣。
≡≡≡≡≡≡≡
當我再反複反複咁去聽，我完全明白了，但我不完全同意。
就好似佢地要長期帶帽呢樣個習俗，其實係大約1200年之前，係隨你自己志願帶唔帶嘅，最終就係rabbi / 教廷 / 教會的說話及推動，要係公眾地方分別出邊嗰係猶太教邊嗰唔係，所以就要佢地全都帶帽。

睇番歷史裏面，係有好多好多嘅"人類" 例如 rabbi / father / priest / pope 等等等等 用神/主/教會 / 教廷 嘅名義，整咗咁多呢的嘅習俗去要人遵守，東方西方如是，什麼宗教都係，目的其實都只係想用呢的手段嚟控制人，規範人。
你問我，係咪帶咗頂帽(或跟足所有呢的習俗) 嗰心就會更加信神，無人會知；但同一時間就有更多的人，只係帶咗頂帽就話自己係信神的，同一樣嘅事係横誇所有宗教的。

我自己對佢歌詞嘅理解係：
i.  習俗會讓你知道自己係邊嗰
講緊嘅係你嘅角色，再意指，知道你人生嘅角色係要做的乜或唔可以做的乜，例如，入面講，你如果作為女兒，你就唔好讀書喇，跟阿媽學打理家頭細務，買餸煮飯洗衫啦，然後阿爸揾個人比你嫁咗佢
ii.  習俗會讓你知道自己係屬於邊到嘅人

我只能同意的一部份，就係有某一的習俗，的而且確會令人感覺生活安穩。
例如，過往咁多年聖誕日，我地都係去肥鬼媽屋企過嘅，就好似香港人年初一會返自己父母屋企拜年咁樣。依家搬咗嚟呢到，難免聖誕日會有的lost 呢的都係日積月累嘅習慣，突然間有野改變咗，而變得無所適從。

又有另一種的習俗，比你知道自己係邊到嘅人嚟嘅，例如，香港人新年係會食蘿蔔糕嘅，中秋節係會食月餅嘅，端午節係會食鹹肉粽嘅。

呢的我其實覺得叫生活習慣仲啱的，就好似有的人習慣咗每朝都要整杯咖啡先開始一日嘅行程，有的人習慣咗每日去嗰間茶餐廳等等等，所以唔係每個人都可以去流浪，亦唔係每個人都做得到，因為普遍嘅人類都係追求有穩定性嘅生活。
再比個例，就好似你去旅行，係，每日旅行都好開心好好玩，但係到返屋企嗰刻，除咗有的失落，還有嘅係 relieve "啊！終於返到屋企了"嘅感覺，你身體同腦袋會話你知，返嚟呢個每日穩定的生活真舒服，最好的解釋就係好多人旅行時去唔到大便，但係一返屋企就好暢通。

講緊咁多呢的生活習慣/習俗，最重要係個人自願去做，所有嘅野變咗由其他人規範你去做，就會變得無意思了。但偏偏呢個世界，係有好多好多嘅人，鐘意管人地點樣做每一樣野，最終，比人管到無晒自由嘅人就會反抗，這個是定理，發生是一定的，只是幾時。

B)  If I were a rich man
呢個章節係講 Tevye 發白日夢係到唱如果自己係個有錢佬會點。。。
第一段佢就唱話如果自己係一個有錢佬，咁佢就唔洗再日日努力做工啦。
第二段就唱，佢會起番間豪華大屋，要有好多房嘅，要起係鎮嘅最中間咁樣咁樣。

第三段就唱，話佢要養好多好多嘅家禽，雖然佢地會嘈爆，但係佢唔會理，因為呢個係有錢人嘅生活。

跟住呢段就係我留意到覺得好笑的一段：

I see my wife, my Golde, looking like a rich man's wife

With a proper double-chin.

Supervising meals to her heart's delight.

I see her putting on airs and strutting like a peacock.

Oy, what a happy mood she's in.

Screaming at the servants, day and night.

佢唱話如果佢做咗有錢佬，就要儲肥個老婆。

原來佢同明朝嘅人一樣，覺得肥人先靚(講笑)

歌詞直釋 -

我見我老婆

好似有錢人嘅老婆咁樣有著一個像樣的雙下扒

煮佢喜愛的食物做飯餐

我見佢裝扮的像上等人連行路都似孔雀開屏咁樣

每天日夜她都開懷的向傭人吼叫

A proper double chin

一個像樣的雙下扒

意思係話如果佢係有錢佬，即代表佢有能力，提供比佢老婆食佢鍾意嘅野，食到佢肥到有雙下扒，呢個亦都可以從佢老婆身上炫耀出比人睇到佢係有錢人。

Putting on airs

Airs 係英文有時意指 manner 即行為舉止態度

"Putting on airs" 係上面歌詞意思係佢老婆係行為舉止都表現到比其他人更上等

Strutting like a peacock

大家都知孔雀開屏，孔雀開屏嘅時候係因為要吸引雌性，所以誇張的行路去展示它的屏。

係歌詞呢度係比喻佢作為有錢人老婆，就行路都大搖大擺咁樣。

C. "is your son so much to look at"
直釋： 你個仔又好有睇頭咩？

呢句係嚟自 Tradition 入面 Tevye 介紹 Anatevka 呢個小鎮入面各種人嘅時候，matchmaker (媒人婆) 嘅一段對白。

(Yente) 媒人婆個名
"Avram, I have a perfect match for your son. A wonderful girl."
"Avram (村民A) 我幫你個仔揾到個好女仔呀"


(Avram)"Who is it?" 邊嗰嚟架？

(Yente)
"Ruchel, the shoemaker's daughter."
鞋匠個女 Ruchel

(Avram)
"Ruchel? But she can hardly see. She's almost blind."
Ruchel??  但係佢睇唔到野架喎，佢差唔多係盲架喇！

(Yente) 媒人婆：
"Tell the truth, Avram, is your son so much to look at? The way she sees and the way he looks, it's a perfect match."
"講真，村民A, 依家你個仔又好有睇頭咩？你個仔咁醜而佢又睇唔到野嘅，咁佢兩個咪絕配囉。"

♬♪♬♪♪♬
有興趣去網上 search 嚟聽吓，唔認真的聽咁多次，都學唔到呢幾句咁特別嘅英文。