天陰陰

陰天 -7℃
呢幾日都懶，攪吓攪吓成11點先出嚟。
以為接近中午暖番的，點知吹到口都合唔埋。
好多雪都溶咗，淨係凍，但天氣報告話聽日又嚟落雪。。。

星期六去了同事屋企聚會。
同事們對於現在的更表讚不絕口。

現在的更表係要連續返工7日，跟住連續休息6日。差唔多問每一個同事都話依家個更表好，可以連續放假6日，就係無人理會連續返工7日真係好堅。。。

Anyway 好多同事都係非常 stubborn (固執)  的人，我睇肥鬼都係打定輸數吧喇！！佢有一款更表，成日想向其他同事推銷，但係的人當佢唱歌。嗰個更表，連我都覺得好正，以前肥鬼行嗰個更表時，我係覺得佢成。日。都。放。假。
嗰個更表係返4日放3日，再加每三星期就轉返4日放4日，的而且確係無咗連放6日，但係就成日放假。

講開更表問題仲有就係依家佢晚晚返嚟食飯。同事係一家5口，所以好開心晚晚可以一家人食飯，但係我就諗煮乜餸諗到頭都爆。

終於明白以前話比阿媽知鐘意食雞翼，可以食足一個月雞翼。又試過話比阿爸知鐘意白灼蝦，跟住食咗兩星期，日日都蝦。

 鴨先生同太太過馬路都食野草。

水氹表面結咗冰的花紋