兩個老人家

新年前夕，我地呢兩個老人家，就係襯出面仲未多人嘅時候出去食個 lunch 哈哈哈哈

今日超大風超凍，本來唔想諗住出嚟架喇，發現附近呢間泰國餐廳竟然有開檔，就嚟試吓。

唔記得肥鬼呢個餸係乜名堂，不過好好味，仲叫咗春卷，米卷，雞翼同埋冬陰公湯，個湯就唔係好得，又唔酸，又唔辣，不過睇佢 menu 竟然都有的地道泰菜，下次會再嚟試吓睇吓係咪真泰菜定假泰菜 (即係已經西化的泰菜！)

大西洋嘅風真係唔野小，係吹到你覺得的風可以係背後兜起你咁樣。

我地返屋企之後無耐就天黑，聽到隆隆聲。。。

對面 building 的鄰居走上天台放煙花。
真配服，因為堅係凍。

變身

唔係我。
係我件褸。

一踏入12月，真係好容易會比的 shopping email 燒到 (意思係引誘到你去買嘢) 。就算你唔出街，每日都會有最小十幾廿個 email 炸爆你個 account 不停叫你買呢樣買嗰樣。

自從嚟咗呢邊之後，我就當聖誕買禮物比親戚係我地新年要去拜年咁樣看待。我地新年去拜年時多數係買糖果海味，而我係呢邊買聖誕禮物就一定以實用為首要，因為實在唔想再為地球製造更多垃圾。

其實親朋戚友唔送禮真係唔緊要，最主要都係想大家聚舊見吓面傾吓偈，始終講緊嘅係的表兄弟姊妹，全部都係過時過節先會見吓。而且現在的我倆，人到中年，真係唔想再收的無謂禮物，無用之餘又嘥錢又阻地方，所以近兩年的無謂禮物，我一過咗新年就捐咗去 goodwill 希望有需要嘅人可以用到。

講番我件褸。
今年又興番的 wool 大褸，特別係有帽的款，仲要有毛毛邊嘅簡直就係睇到我眼都唔眨，日日有機會都出去週圍行同埋係的website 到 search...

有兩件睇到好鐘意嘅

如果你好似我咁，係呢的咁凍嘅地方住，仲會朝朝零下10度出去晨運，你就知道你件褸係必須要有帽，而且有毛毛邊的話係真係暖好多嘅，特別係當你係海邊晨運的風會去到50km/h 你就知味道。。。

其實我自己都有件褸，有帽的，仲要係季尾大特價US$5 超抵。所以我諗到個辦法。

呢件就係變身前

呢個就係變身後。

Yeah!

我覺得好成功。

我日日出去行街嗰時睇到呢條假毛頸巾，

仲要特價10蚊加幣！！！

番嚟用扣針扣上帽邊

Wa-la

又有件 trendy 嘅大褸。。。

Ho ho ho

曲奇

係 michigan 返嚟之後，即刻就要開工。

其實，我由6月開始咗一個健康 diet 唔再食穀類(grain)  梗加唔會食麵粉製品，所以唔會食曲奇，但係過時過節，都要整的比肥鬼食吓。

而且同其他同事太太們，攪咗個曲奇交換 cookie swap 所以返嚟第二日就開工。

對於我個唔食糖 同埋 唔食醣 嘅diet 對我都唔係好難攪，不過我發覺我鐘意整曲奇多過食曲奇。。。

而且係整嘅過程中，你真係要試吓，

睇吓的味道啱唔啱

同埋新鮮出爐嘅曲奇真係好吸引

今年決定整吓其他款式嘅曲奇，係網上揾到好多曲奇食譜，發覺最重要都係簡單易整的，所以整咗 sour cream cookie

整曲奇食譜係大同少異。
呢度講緊嘅唔係脆嘅曲奇，係呢邊的 soft cookie
肥鬼媽嗰家族食譜，係用奶 + 醋 同 baking soda 去令曲奇入面有更多空氣，從而令到曲奇焗出嚟會係鬆嘅而唔係硬嘅。

奶 + 醋 溝埋佢放一陣再落入麵團嗰到係一個舊嘅做法，後嚟變咗做落 buttermilk, 再變為呢個落 sour cream 都係呢個道理。
呢個曲奇要做得鬆軟，係唔可以搓個麵團太耐嘅，而且你要忍得，個麵團會好痴手(好濕) 又唔可以因為痴手而不停加手粉(過多粉曲奇就會又硬又實) 而肥鬼媽嘅做法又要碌開個麵團又要逐款 cut 出嚟，每個工序都不停灑粉，所以我試玩呢個 sour cream 曲奇，佢係用匙羹畢出嚟，撥去焗盆就咁焗，方便我呢個懶人，唯一問題就係我越畢越大羹，哈哈哈哈
所以最後的曲奇係越嚟越大個！！！

其實仲整咗英式牛油曲奇 short bread (好似 walker 嗰的硬的)  但係今日實在太熱呀，一路搓的牛油不停溶係我手。本來呢個係好易整嘅，三樣材料：牛油，粉，糖。搓埋佢切粒就得，但係我雙手嘅温暖令到牛油麵團係咁溶，所以又係變咗全部都大大粒。。。

最後重整咗 pinwheel cookie,  其實都係soft cookie 不過搓麵團嗰時分兩份，落色，疊埋一齊捲起佢就得，但係今日我整嘅所有野，都係太"諗"捲唔起佢成形，最後又係失敗收場，不過只係唔靚仔，但係一樣好味，一焗出嚟就比肥鬼食咗好幾塊

亮點 -
整曲奇唔少得我杯奶茶！
奶茶同曲奇係絕配！

Cat

12月頭同肥鬼返咗去探親。
係朋友屋企 hang out 大半日。

佢地隻貓就咁樣懶洋洋的係聖誕樹下午睡。
貓真係識做人嘅道理。

所以我話，著咗燈嘅聖誕樹係有一股魔力架。

Christmas wreath

上年搬嚟嗰時，因為知道會由獨立屋 (single family detached house)  搬去 condo 住，所以將我的聖誕野都比晒人。

然後係上年季尾，買番棵小小的聖誕樹。

我唔鐘意棵樹掛滿晒裝飾，我鐘意就咁樣清清的，著咗燈就即刻覺得間屋好温暖。

係假的。因為我唔忍心斬咗棵樹擺係屋企幾個禮拜就掉咗佢，但係，我好鐘意松樹嘅香味。

所以，我見到個新鮮松枝葉造的花圈就即刻決定買了。

再去隔離一蚊店買咗大約10蚊嘅裝飾，

返嚟即刻整咗呢個花圈，真係好香，

我自己就覺得好靚，你呢？

紅色的大門襯托更靚。

回到中世紀的一天

揾舊相嘅同時，揾到呢堆舊野。

2008 年 8月29日星期五

當年啱啱過嚟美國的第一個暑假，肥鬼媽特登帶我去玩一日，去邊到玩。。。

Michigan Renaissance Festival
www.michrenfest.com

就係好似時光旅遊回到去中世紀嘅時候咁樣，的人著嘅衫，住嘅屋，生活係點嘅，做的乜野手作嘅都係呢個幾十英畝嘅"村莊"入面睇到。

呢張係佢地 website 嘅相，去到先知入面的人真係個個都咁著係到行嚟行去，有好多當然係員工，但係都有好多人鐘意 角色扮演咁樣入嚟玩，仲會嚟好多次添。

呢張都係 website 嗰到揾嘅

其實 Renaissance Festival 就係好似一個盛裝派對咁樣，不過呢個派對係年年都舉行個幾兩個月嘅，每日都有不同嘅節目，又有市集，又有野食，其實都幾玩，好多野睇。
但係因為係戶外，又係正夏天舉行，真係熱到爆，我都好配服的人著晒 costume 咁樣嚟。
當年我啱啱嚟無耐，對呢邊的物價仲係唔適應，特別係去呢的手作市集，全部都係 handcraft 價錢(即刻貴) 加上又熱，嗰日行咗一兩個鐘就走lu
依家再去會 appreciate 多的

以前喺 clarkston 嗰邊，

依家係 holly 已經十幾年了

我自己好鐘意呢的舊建築物

當然唔少得朱古力"廠"

其中一個織布嘅手工藝檔攤

遊人 / 員工 ??? 

當日的表演就係兩位戰士

騎馬比武長槍

比武公正人

行完一大輪

今日最吸引我的

係呢個

我隻手咁長嘅火雞脾

超好味

係 website 睇到好多人入去都係為咗隻脾架！

陳年舊 屎

揾到的超舊嘅野，
依家睇番覺得自己好低能。

買野鐘意留起單據嘅我，主要唔係睇洗咗幾錢，而係有日睇番自己嗰時買的野覺得好攪笑。

當年結婚，因為係香港同呢邊都同親友食咗一大餐，再加上黑仔嘅我地，咁啱結婚無耐嗰 septic field 玩完，要重新做過，超大工程，講完價都洗咗成USD$5000

所以我地無去渡蜜月呀，由美國香港來來回回的飛機河咪就係渡蜜月囉。

係直至 2008 年 10 月，同埋肥鬼細佬兩公婆一齊揸車 road trip 去睇呢瓜拉瓜大瀑布先至叫做係渡蜜月。
(嗰時邊諗到有日會係呢到住？)

Anyway,  呢張單據就提醒我咁大個女第一次 road trip 買咗乜嘢紀念品。

係 2008 年 10 月 5 號 嘅呢一日，我見番梘真係好平，買咗10 舊 番梘給自己做紀念品，真係低能。

嗰時第一次 road trip 唔洗理行李幾重，擔石仔都得呀，所以用當年加幣 1.99 嘅價錢買咗 10 舊番梘，自己睇見的番梘都覺得好攪笑，真係變咗做師奶之後嘅轉變自己都估唔到。

有鬼

Ok.  今日一Fact : 唔係淨係華人先至迷信架。
係我地仲未搬嚟呢到之前，的同事一知道我地會搬嚟呢到就個個走嚟話我知呢到好猛架。。。

我夠知啦。
日日都見鬼添，鬼婆鬼佬週圍都係喇。

跟住我就問吓點解個個都咁講喇。
原來同呢件事有關。

今年搬嚟呢到，唔單止撞正加拿大150年

(好好運因為佢150週年，所有國家公園都免費入去，所以兩邊的屋企人嚟旅遊都免費去睇咗好多風景名勝) 

今年仲要係呢個大爆炸100週年

就係呢次意外大爆炸死了好多人，

所以流轉了好多鬼故出嚟。

我係咁啱上星期去 downtown 行開見到呢本書，

想知道究竟當年件事係點樣發生嘅，都仲未睇，

仲有一個月到 12/5 等我研究一下先。

水壺

其實係網上睇到人地個製成品
就試吓自己織
終於成功

依家要諗諗織個杯套

的熱水凍得太快喇。

Beaver Moon

Beaver moon 係 harvest moon 之後又一次月圓。

仲要係今年第二次 supermoon 有14%光亮度

Beaver moon

Full-moon-november-2017-shines-overnight

2017/11/3

係 fb 睇到話有 beaver moon 嗰日 (11/3)  無留心睇日期，夜晚見到光到咁以為就係啦。

2017/11/4

點知到 11/4 晚仲勁，你睇水面就知，真係光好多，我地係屋入面熄晒燈都好光猛。