 |
| ２０１６。７。１０ 黃昏 覺得呢舊雲好似一條龍。。。 |
 |
| ２０１６。７。１４ 日落 放工行出嚟，就見到咁靚嘅天空。 本來因為又有一位同事離世而灰灰的心情，好像變番有色彩。 今年的我，快要踏入人生另一個10年。 的人話，要睇你人生去到邊個１０年，就睇你個年收到最多乜野消息。 個年身邊個個都話結婚。。。 之後，個個都話有咗小朋友。。。 再之後，開始去葬禮多過其他 |
 |
| ２０１６。７。１４ 雲歸西 雖說人生就係咁樣呀，有來有去，但係，都唔使咁戲劇化吖 |
今年去世的這位同事，７２歲，話好老咩，又唔係吖。
明明星期三晚放工走個時見到佢，仲話下星期見（因為我去長週未旅行），
點知揸車出發時就收到同事短訊，Ｄ昨晚去世了。
係因為心口痛，去了醫院，醫生同佢做stress test (壓力測試)，
佢就係壓力測試之中去世了。
現在是什麼樣的一個世界呢？
每人聽到呢個情形，都問，已經心口痛了（最常見心臟病的症狀）
仲做壓力測試？是什麼常識或羅輯？
可以說是醫療事故嗎？
但係呢邊，乜都要你簽晒同意書先架喎。。。
其實，同係大陸要先收錢才做野無乜分別
因為呢到醫院都係會照寄張單嚟。。。
醫死了還是要找數呀！
 |
| ２０１６。７。１４ 晚上九點的月亮 講話戲劇化。 ２０１５。真的戲劇化。 上面的同事Ｄ，係日日見，可是不同部門。都無咁深感情。 ２０１５年的ＢＪ，是我同部門的同事，係一個好潮的女同事， ６５歲，會突然一日變了紅色頭髮嚟返工（假髮）話轉吓形象。。。 佢同我好friend，因為佢個女早去世了，佢個女應該係我咁上下，佢又見我的屋企人全部都唔係呢邊，佢就好似我係呢邊嘅屋企人咁樣，好多野都可以同佢講。 係２０１５新年之後，佢見肩痛，睇醫生，話佢手臂肌肉同骨脫離了，要做手術駁番。 手術成功呀，不過因為佢年紀大，醫生要佢休息三個月等身體復原。 整整三個月，佢有番嚟，但係我次次都無撞到佢。 直到最後一星期，佢打扮好靚，返嚟買的野，話下星期就可以返工喇。 然後第二日同事話佢去了。 昨晚，佢去了朋友的party，佢好鍾意party，佢仲走去bartending（佢又鍾意飲）， 返到屋企，衫都未換，應該係有血塊咁啱沖到去腦， 暈低係地上面，因為佢獨居，就咁失救去世了。 係人生的最後一晚，做晒佢最鍾意的事。我仲可以見佢最後一次， 只是來得突然。。。 佢嘅一生，我唔知太多，但係識佢呢四年，知道佢係一個完美主義者，事事都要做到完美，有時係工作上會整到你好火滾，因為佢係唔理時間或其他野都要完美的。 做零售業，有幾多時間可以比你做到完美吖 有一次講下講下，先知道原來佢係奧運會體操的評判呀。。。 有成２０年的時間，佢每四年就要請假去做評判。 原來評體操，係找瑕疵的遊戲呀。目不轉睛的睇到實，呢到隻腳唔夠直， 個到轉圈無轉足，再加呢頭落地跳咗一野，咁就扣咗的分去呀。。。 聽完佢講解，我以為佢細個實係玩體操架啦，點知佢話唔係呀，係佢個女細個時， 佢個女去學體操，佢就跟埋去睇，跟住做義工，跟教練學。。。 嘩！呢樣野真係啱晒佢呢個完美主義者做， 佢話咁多年嚟，無乜人係佢手上攞過完美１０分。 佢就係一個咁執著的人，我信呀，因為同一原因，佢同佢先生分開了。 連佢自己的兩個哥哥，一個不願來佢的紀念禮， 一個只是最後１０分鐘才出現（收番佢的物件走）。 佢嘅紀念禮，其實因為無屋企人同佢攪，係我地同事， 同一個退伍軍人支部攪的（佢係呢度做義工好多年） 同樣因為佢屋企人無個想出來攪，佢個紀念禮係佢去世兩個多月先攪的。 |
好日都無同同事出街聚會，一出嚟就係去紀念禮。
離開時，仲話一定要攪攪活動party一下。。。
點知，當晚又有同事打比我。
”喂！係有無睇晚間新聞？”
”無喎。”
”今晚有人係屋企玩煙花，佢將個煙花放係自己頭殼頂，
點著佢，個煙花炸開咗，佢死咗。”
”關乜事？”
”佢係Ｍ的老公，Ｍ目睹一切”
Ｍ係我的上司。
下午才一齊去完紀念禮。
如是者，兩星期之後，我們又一起去另一個紀念禮。
希望２０１６夏天是平淡的。
＝＝＝＝＝
紀念禮
近年凡是有人去世，大多唔攪葬禮了。
除非係長輩／上了年紀的。
近年的，都是紀念禮 (Memorial) 或是人生慶祝會 (celebration of life)
肥鬼的一位同事，未期癌病，就是在人生慶祝會上見了他最後一次，
之後無耐就去了。
我想，我也喜歡這個安排呀，能夠在行得走得，觸得到摸得著嘅時侯，
同所有朋友見多一面，有傾有講有笑有淚，
好過只來看我的死屍呀。
