一個年代的女性

一個溫婉嫻婌的名字　－　林蘭如

在每人的名字都叫阿牛或帶娣的年代，這樣高雅的名字，

不用多想便知道是一名大家閨秀的名字。



人如其名，我的婆婆為人善良，和藹可親，有愛心，

從不兇狠責駡別人，細心體貼，溫柔呵護，簡單來說，就是一個好人。



但，這樣好的一個人，最終都是走了。



和很多歷史故事的人物一樣，生於1921年的廣州西樵，出身大家閨秀，

可惜家道中落，再逄戰亂，一個人帶著一郡兒女逃難來到香港。



如果真是有一點私心，將大家族中分到的錢都留起的話，

生活可能就不致於那麼苦，至少不用看人面色，寄人籬下，

含辛茹苦，日做幾份工去養大所有兒女。



在盲婚啞嫁的年代，她忠於命運的安排。

上天安排了這樣一個人給她，她多次死命不放手離開。



阿婆，如果這世界真有來生的話，

記住，要還的，妳今生還夠有多了，

來生，記得要做一個新時代的女性，忠於命運安排的同時，

要敢愛敢恨，在需要時，要學會放手，不要為了一個人去折磨自已了。

回憶

睇到呔仔weak7同埋咖喱個blog entry，weak 7問：

上面個間coffee shop個窗口位應該好正。。。

(their blog entry http://hk.myblog.yahoo.com/curry143/article?mid=89855 )

一看，我便想起了。
在我知道自己真的要離開這個由細長大的地方之後，多了一個習慣：去到邊，影到邊。不一定是食的東西，不一定是朋友親人，就是無聊街景，就算相機唔pro，就算技術拉尾，就是這樣的影影影。
我影過的，會在腦中有一影象，會記得深刻一點。就好似今次。我看到weak 7的blog entry立即記得在我離開前不久，我去過那咖啡室，那天做了些什麼，同那人一起食晚飯，還特意要等那窗口位，就是想看那香港獨有的街景，都一一在腦中浮出來了。

weak 7：是的，那窗口位，好正！

其實那咖啡室還真雅緻，枱上精美的百合花　+　一系列白色的清雅佈置。

遊人如鯽的旺角

我特登等綠燈時好多人過馬路個陣影架。。。

真好，就快可以再去呢間咖啡室了。

走運了!!!! (2007 11 29)

很久很久沒有惹上大傷風，今次一病，足足有一個星期之多，對我來說是走運了．．．但一時大意，見媽子同肥爹都無事就無帶到口罩，攪到羅豆尋日發燒無得返學（心痛死豆媽了）

今次一病，在上星期二放了一天病假，在看了兩次醫生都唔好的情形下，今個星期一再看了第三次醫生，再放了一日的病假，終於有了起息．．個起息是．．

家中的羅豆D，平常多數唔同我玩嘅，常常掛在口邊都說“我唔要阿姨”“我唔要茵茵姨媽”．．．“我唔要同阿姨玩”．．

在家中待多了或會走運，走運了的原因就是，羅豆D發現有人會同佢玩飛行棋．．．會陪佢睇Maisy（係VCD嚟嘅，佢成日睇，番睇了不下數百次）．．．會陪佢食茶點．．．






所以佢就好開心，一早起身就走嚟叫我起身，要一齊食早餐，要一齊刷牙，最好就同佢一齊返學（咁梗係唔得啦，我早過佢返學好多．．）所以，退而求其次，佢就叫我要放工要跑返屋企囉．．．當你話佢知“我要去返工啦，我要先走啦”，佢就會話“唔得，我唔要你返工！！！”






有一晚，

豆媽：“羅豆，好夜啦，好去刷牙瞓覺囉喎”

羅豆：“我好掛住阿姨，我要同阿姨玩”

豆媽：“你好掛住阿姨呀？但係第日阿姨唔返嚟呢度瞓架喎？！？！”

羅豆：“阿姨去邊度呀？？我唔要阿姨去第度．．．”

豆媽：“阿姨第日去咗Uncle Jim個度咪唔返嚟呢度囉，你問吓阿姨幾時返嚟探你？？？”

羅豆：“阿姨你幾時先返嚟探我呀？？”

我：“唔．．．我惗呀．．　365日啦，365日就返嚟探你啦．．”

羅豆：即刻走去個月曆個度望，然後就走返嚟“無365日架喎，係咪星期一就返嚟探我？？？？”

唔怪之得豆媽有時收工夜咗，都會搭的士返嚟．．．因為有個人仔係屋企話好排住你，等緊你返去同佢玩，真係收工行都行得快啲．．．

有益身心的活動 (4) (2007.11.25)

開估啦！！

哇！哇！哇！咪就係有人（洋人！！又係洋人）係度玩滑翔降傘囉．．．

其實係上一個山頭，我地一見到有人玩，仲要係一見到的時候，那個人已經係飛緊出去，我地即刻興奮起來，不停哇哇大叫，跟住就奔走過去了，但唔夠幾秒，第一個滑翔降傘人就已經降落咗係石澳左灘．．．

到我地奔走過來的時候，就見到呢幫人係度set up緊，你咪話要跑落去幾步再要跳出個斜坡嚟飛出去，淨係好似佢地咁樣，企落個斜坡度，我都已經腳軟了．．．你睇吓，真係行出少少就可以碌落去咁樣架喎






點解我會話係我為她們帶來好運呢？？？因為，美麗的景致，同滑翔降傘表演，係易拎佢地上次行山的時候係無架．．．好悶，齋行，係今次帶埋我嚟就有囉．．

哈哈，同埋咁樣嘅情形唔係第一次架啦．．．上年我同易拎同合唱團一齊去韓國比賽（共五天）－在第二天清晨，有兩個團員出去睇日出，但因為大霧，什麼都看不到，第三天清晨，我同易拎出去睇日出，睇到一個又圓又大又靚的日出，但係到咗第四天清晨，其他團員見我地講的日出景致咁美麗，佢地又去啦，點知都係大霧，什麼都看不到．．．淨係可以睇我地D相囉．．．哈哈

你睇吓我肥爹睇滑翔降傘表演睇得幾興奮．．．哈哈






同一時間，係前一點的山頭，呢個黃色的滑翔降傘人就好似已經準備就緒








拿起背包，就．．．






飛啊！一飛沖天去，一飛沖天去，小小穿梭機．．．









依家咁樣睇我地呢D連環圖，係咪好好睇呢？？？

但係其實，呢個黃色滑翔降傘人，佢set 好咗個降傘之後，其實佢坐在係個度起碼成半個鐘至九個字．．．等乜？？？咪就係等風囉．．．

唉！計我話，玩呢個滑翔降傘的人都唔係好醒目，我就唔會玩啦．．．行上嚟咁辛苦，要成粒幾兩粒鐘．．．但係就唔夠幾秒就咁飄咗落去．．．唉，嘥晒的腳骨力．．．






快活的時光，過得特別快，我地又係時候由巔峰回落至平凡．．．呢條就係我地歸去的道路喇．．．






就在回家的路上，我地發現咗，原來香港除咗有鑽石山呢個寶山之外，仲有另一個．．．因為係落山的路上，在路兩旁的草堆下面，撥開面頭的泥土，就會發覺全部都係呢種“寶石”！！！哈哈，今次真係收穫豐富






仲俾我發現兩隻石獅子？？？






大家見唔見我的老頑童肥爹係度揮手？？？？






＝＝後記＝＝

今次的遊記，真係要多謝易拎 - 個電話，因為，懶惰的我，又再次因為貪睡而忘了為DC差電（每次都在睡夢中叫自己要起身差著電先去睡，每次都就這樣睡著了），在上山時還說著要關掉DC好留下電量等我上去到巔峰再影，可惜，惡夢再臨，我還是在最重要的時刻斷電

有益身心的活動 (3) (2007.11.25)

上到第一個山頂，已覺風景宜人，雖然我唔知呢個係乜島，同埋有啲濛，但係都好過乜都睇唔到，都不枉我行得咁辛苦．．．






先同我呀肥爹影張登高合照先！好攪笑嘅係易拎同我地影呢張相嘅時候，友人S同友人E不停咁話”哇！哇！哇！好鬼似樣呀！咁似樣嘅！好似個模一樣呀！”

唉！我地係天然製造，無花無假，無偷換我的兩父女吖麻．．．

大家睇吓我後面個D人，其實佢地係一堆人，有黃，有黑，有白，有英文，有國語，好似聯合國咁樣架，先頭都唔知點解，後來，我夜晚同咗朋友食飯（佢係一個行山教練），係佢講番我先知原來“龍脊”係一條獲獎的行山路徑，係好多travel magazine入面都有介紹，咁勁！！






我和我的兩個“導遊”






唔知咩岸？？？總之就係“龍脊”左邊的景色．．






呢條就係行到我氣喘如牛的路．．哈哈






繼續，左面的海岸．．






這裏應該是第二個山頭了，開始可以望到前面不遠處的石澳沙灘．．．






正當大家在這個不知名的山頭，享受陣陣清風的時候，大家見唔見到，相入面的我地係到睇乜野呢？？？

就係呢樣野，令到我地四個queens尖叫同立刻奔走，就係呢樣野，更加證明了她們同我來行山，實在是“我”為她們帶來了好運呢！！






＝＝　待續　＝＝