2020 初雪

2020.11.3 

前幾日話會落雪都無料到，仲要尋日熱番。 

點知今日起身就見到咁樣樣

然後晏晝出嚟攪吓事，唔洗一個鐘就變到咁鬼樣。

2020年11月的初雪真係唔講玩。

一嚟就玩咁大！！！

西瓜 2020.7.21 Tuesday

西瓜

2020.7.21 星期二

呢的係永世難忘。

上年今日，元朗國發生咁大件事，一定要做個記錄。

話說2012-2014年元朗國有個指揮官叫鄧炳強。

佢用關係，係2012年2月10日，安排咗香港市 689狼英同新界鄉紳，係流浮山小桃園酒家食個"黑金飯局"

咁話得事嘅指揮官自己都唔弱，係2013年8月，又整番個小桃園飯局，參加的有屏山鄉委會曾樹和，錦田鄉委會鄧賀年，元朗區議會梁志祥，民建聯郭強，元朗區議員王威信，天水圍區議員李月民，八鄉區議員鄧貴有，八鄉南區議員黎偉雄。

2020.7.3 又嚟一個高級領導

香港直轄市真真光榮。
承蒙党嘅錯愛，党主席為咗貼身照顧香港直轄市，繼駱領導之後，又派嚟一個大内猛將，鄭雁雄領導，成為國安公署署長。

大家一齊嚟認識吓鄭領導嘅英偉本事先。

鄭領導，人未到，聲先到，就係喺2011年9月烏坎事件時，最出名嘅 sound bite 來源： "外國記者信得過，豬乸會上樹" 估唔到我地楊焗腸話 "廣東話係過氣嘅方言" 但係我地英明嘅鄭領導的廣東話出口成文，我真係好配服鄭領導宣揚廣東話嘅努力，領導講一句，好過我呢的無謂人講幾十句呀！

鄭領導係中醫出身，廣州中醫院本科畢業，所以屈斷你隻手呢的操作簡直係手到拿來。

另外呢，對於 we connect 嘅能力，鄭領導同柒婆相比簡直係超班馬。

勇猛嘅陸豐人係鄭領導嘅指導下，發生了党歷史上一次標誌性事件，我講嘅梗唔係武警半夜突襲烏坎村引致大規模流血事件，而係勇猛嘅陸豐烏坎村民一人一票選出了自己的村民委員會同党比拼，事件中更出現咗"烏坎村熱血青年團" 你話鄭領導嘅履歷表入面係咪光榮事件一蘿蘿。。。

大家知唔知陸豐人係好勇猛架？
最出名嗰個梗係葉繼歡，第一個係香港用AK47嘅。

另外呢就喺係香港只有佢鬧阿柒婆先會做野嘅：
向氏

(話說柒婆因為武漢肺炎要禁酒禁賭，姓向的那位太太立刻上網發表意見，第二日柒婆就解除了禁令，幾聽話)

除咗黑道，白道嘅代表有呂樂探長(原名呂祿) 雖然佢後嚟都過埋去黑道。

不過要再勁的嘅就係佢，民國時期廣東省省長陳炯明 (1878-1933) 佢係粵軍之父，聯省自治提倡者。

==============

見到鄭領導一向都係同高手過招，我地香港直轄市人民都唔輸蝕架，我地輸人唔輸陣。
由2019年理大中大，我地都未驚過，我地香港人嚇大架！！！

[怯，你就輸一世]

2019.11.18 7:51pm 青協tg 頻道

今年今日 2020.7.1

反中共。反雜種。反共產党。

======

回帶上星期 2020.5.28 大陸人大僵屍集會入面，2878隻僵屍舉手贊成，一隻僵屍反對 (邊嗰死仔咁大膽？？) 六隻僵屍投降，通過香港國安法立法決定草案，之後全世界的外國勢力不停出嚟說三道四，大家都放長雙眼睇吓雜維尼會點攪，最後，2020.6.30 人大常委162個無腦喪屍全票通過白紙一張咁嘅党安法，又名港版國安法草案。

點解話係白紙一張？因為國家機密麻，柒婆同大波樺都無得睇，知條 L.... 可能佢地未夠高級囉，高度國防機密點會比的低級員工睇架。。。

直到香港直轄市第二次比大陸強姦前一個鐘 (對上一次咪就係1997年7月1日囉) ，就出咗的火星文件：
主要就係

「分裂國家、顛覆國家政權、恐怖活動、勾結外國或者境外勢力危害國家安全」四條罪行被寫入《基本法》附件三。

這一法案共有六章，嗰的又長又煩嘅番邦話你自己揾嚟睇吓啦，不過都無乜關係，總之就係莫須有囉，點都拉得。

圖：ig:  albertozi

雖然係咁，話晒香港係購物天堂，點都阻唔到香港人去 sogo shopping 架。

香港直轄市第一次比大陸強姦，嗰日我係會展，因為慶祝比大陸強姦個酒會，差不多全港讀酒店系嘅學生都捉晒嚟做侍應生。。。

嘈

2020.6.17 嘈

係英國的阿姨傳來一段短片，因為武漢肺炎，佢個鐘點姐姐不能上門打掃幾個月了，所以佢買咗嗰自動吸塵機。

(攪笑 only !!!  阿姨不是 cat lady 佢係事業型，成日要公幹所以狗狗都沒有yv 

就連我阿 E 都變得咁先進，但係我屋企到依家都仲用呢樣嘢！

葉瘤(掃把) 不是因為 G 持祖國，

純粹因為我好怕嘈。

一噠著咗嗰吸塵機，就乜都聽唔到，門鐘聽唔到，肥鬼開門入嚟聽唔到 (試過好多次，吸吸吓突然間發現後面企咗嗰人，嚇到彈起！) 成間屋吸塵要成十幾二十分鐘，吸完我隻耳仔就嗡嗡聲，所以我住過的屋無論大細，我都係掃地掃埋一堆然後先吸走佢。

雖然只係短短幾秒，但係每次熄咗個吸塵機，都有全世界又回復平靜的感覺！

除咗頂唔住個吸塵機好鬼嘈之外，我本來有個 food processor (食物處理機，將蔬菜切片切絲切碎) 同 blender (攪拌機，打冰做奶昔嗰類) 全部都因為太嘈比我賣鬼晒，依家變番全人手切就算！！

呢的機無論牌子或大細，總之個摩打係勁嘅就會好嘈！咁你唔會想買部機返嚟，仲要切到鹽咁碎咁樣放入去打架麻，梗係最好大大舊瓜都可以照隊落去啦！
我又懶，最好一次過切晒唔洗分幾次，所以以前每次用呢部機，我都要戴工業耳塞！！ (講笑)
跟住發覺我地得兩丁人，好日都唔用一次，就算一年煮幾次節日大餐，都係得嗰幾日功夫，所以最後決定捐咗出去好了。

===========

除咗家電的嘈雜聲，依家因為武漢肺炎，肥鬼上司改咗個更表，佢地唔洗日日返工，變咗成日係屋企睇電視 (就嚟乜都睇晒要煲番粤語長片咁囉！) 但係睇得電視多，垃圾電視我又唔想睇，歷史記錄片又要好聚精會神咁睇，所以依家我係會入書房自閉一日半日！！

肥鬼有時行過會好奇我係到做乜，其實我真係只係坐係到擔天望地咁樣發吓夢！

依家資訊發達去到爆炸嘅程度，可以連去柯屎嗰幾分鐘都一路係到玩手機！一日24小時除咗瞓覺，有幾多分鐘你對眼唔係睇緊野 或者 對耳仔唔係聽緊野，即係每分每秒個腦袋都係運行緊。

發白日夢的境

再加上依家香港同全世界嘅新聞，全部都係睇到你心都實晒，真係要儲夠正能量先可以去睇新聞！！

======我是分隔線

望住我的花，望望吓發覺呢個花，每個花頭都會出兩個花。

呢個女的

呢個男的

等蜜蜂嚟同佢地交配。

呢的全都係 viola 但係全都唔同色

今年今日 2020.5.26 震震震震

中共黑社會嘅兩會明明應該係3月開架，因為中共自己攪個武漢肺炎出嚟攪到要改期，就係所有舉手僵屍都集中埋同一個地方嗰陣，就發生地震。

唔想導人迷信，但係異象呢的野，信就有用，仲要三番四次咁發生，有無咁橋呀？？？

唔該，係真嘅就快的整死中共啦！！！

A/ 3月18日北京頤和園湖水潮上漲。

北京強風天氣在入夜後，京津冀數十處大火。

自1884年慈禧太后退居頤和園之後，至今共有三次潮漲。
1908年11月，慈禧死前約10日
1916年6月，袁世凱死前3日
1976年8月，毛雜東死前半個月

B/ 2019年12月12日 新疆3日同現
2020年2月14日 內蒙5日同現

C/ 2020年5月21日 下午3點天空突然變黑