花市

發夢無咁早，唔係真有花市行啦！

係打算今年係屋企整番個中式角落，叫做有的氣氛咁囉。

其中一樣就係買的花（年花？）插下囉。但係買咗佢唔開我就”才”過你呀！！！
所以新年前已經買咗一兩次，睇下邊的開邊的唔開。


發現：都係康乃馨最抵玩！會開花仲會開好耐添！


相反：玫瑰真係呃錢呀，次次都係含苞待放直到老死！
（所以掉晒無映相）
 
 

 

 

 

呢樽就係我最後的傑作：

紅的康乃馨加後面個的我都唔知係乜花，但係成樽紅紅黃黃橙橙的，

我覺得好新鮮又繽紛，擺咗成個星期都仲好有睇頭，yeah!!!

 

 

 

一星期後

都仲好醒神

 

 

食極唔停的雀

因為呢兩日不停落雪，我後園的雀都不停咁食。

大雪係唔會停止食慾的。

不過因為大風雪，佢地飛少咗就真。

平時佢地會係咁飛嚟飛去，左右兩邊的飼料容器都食一的咁樣嘅。

但因為太大風，今日全部都係咁樣坐晒係地下，净係食係飼料容器跌出嚟個的。

比較起的dove，呢隻白肚的食到好似一隻雞泡魚。（雙脚埋咗係的雪入面）

其實我係窗口仲有一個飼料容器架，平時的雀唔會走上嚟食嘅（因為實在太近個窗，佢地警覺性真係好高，唔會靠近）

但呢幾日非常時期，佢地真係好需要食物補充能量。。。

先派一隻開始上嚟探路（睇下幾大雪！！！）

 再派多一隻上嚟視察環境。。。

 

輪流慢慢食。你睇下，高級cafe咁架。

 

 享受食物之餘，都要享受情調（大風大雪）同環境（漫天雪景）

 

 

呢張係比大家睇下， 佢地係咁樣用隻腳踏實個飼料容器，

然後再申個頭入去係咁食係咁食，好得意。

壽司

係呢邊食日本野，基本上，都係去一的叫Hibachi嘅餐廳。

 

Hibachi 係乜東東？？

http://en.wikipedia.org/wiki/Hibachi

 

簡單講就係八個人圍著個鐡版燒坐，而個師傅就係你面前的鐡版燒上煮你的食物。

（ 呢張相係2010年2月架喇，朋友剛搬屋，我們就去那頭食飯。）

 煮的過程，佢地通常都整到好似一個表演咁嘅，但係去咗咁多次都係一模一樣的。

先用油係鐡版畫哈哈笑面之後點火，再用洋葱疊個金字塔後係中間落油然後點火，然後用玩具消防員射息個火，再用刀拋蛋上廚師帽。次次都係呢幾樣，最多有時加耍套刀咁囉！

而洋人order的食物，梗加係通常又通常的牛或雞套餐，其實仲有魚柳同尤魚，但未見人食過。套餐係有沙律，湯（味噌湯或雲吞湯），主菜（即係的肉）炒飯同炒菜。

好少見人飲味噌湯，而雲吞湯其實就係雞粉水，有時比幾粒葱花你咁囉，
你可以叫佢做清湯嘅，但唔好問我，我都唔係好明點解，
佢地係都要叫佢做雲吞湯，佢地仲好鍾意飲呢樣野，簡直就係雲吞湯＝中國菜！！！

呢的所謂的日本Hibachi餐廳，去咗咁多次，未見過一個日本廚師，換來的，都是說普通話的，什或是說廣府話的。多是70，80年代移民來的，無乜錢的就開一間小小的chinese takeaway，有錢的，就會買間Hibachi來做咁囉。

講完佢地食嘅，講番我自己，每次我都係食壽司！

（呢張相嘅餐廳位處AnnArbor，係好多亞洲人住嘅地方，
仲要係晚飯時段，所以壽司水準會好的。）

但係呢的餐廳，午市時無乜生意，壽司唔會好新鮮；
到晚市的人多數都係叫’常餐’或卷飯
（加洲卷嗰類，主旨都係唔熟唔食，最多就係蟹柳咁啦），
所以壽司都係唔會好新鮮嘅，就好似爭鮮咁上下水準囉。
我地都唔係成日去，叫做滿足一下好耐無食壽司的慾望咁囉！

直到我發現了Sushi Zen

（搵相時先發現我第一次去竟然係2013年3月）

 

佢係 Brighton的一間小店。本來見過佢地嘅coupon好多次，但係大嘅餐廳都無新鮮壽司，
照常理，細餐廳更加唔會有啦（根本呢邊的人就唔食海鮮，唔好話魚生啦）
再加上揸車經過幾次，見到佢係一個無乜人到嘅小商場嘅最後一個舖位，
可以話係沒有門面咁嘅，總之就係無乜信心啦。

第一次去，都唔記得係因乜鬼突然間大胆了，抱住點都要去試一次咁就去試咗。

第一樣，見到menu的壽司係兩件上嘅，即刻覺得好親切呀！
（上面講的hibachi日本餐廳全都係一件的價錢）
第二樣，見到sushi bar入面個師傅係日本人呀，即刻覺得呢間野係堅野嚟！
只就爭在佢地未好似香港以前嘅迴魂壽司咁，
係客人入嚟時會大叫“Irasshaimase!” (いらっしゃいませ！),
即係歡迎光臨 “Welcome to the store!” or “Come on in!

  

 
去咗只係幾次，因為同朋友食飯的話，就唔可以嚟呢間啦，佢地會無野食，
所以結果係，淨得我同肥鬼出街食飯的話，我就淨係會想食呢間。
結果係 無。失。望。
次次都新鮮，好味！
 

 

特別係我食嚟食去都係個幾味，海胆，甜蝦，帶子，三文魚子，蟹子，青瓜卷。

次次都食一樣的，更加食得出水準。

 

依家只淨一間拉麵店。等！

落雪

來了五年，這都不是新鮮的事了。

 

但，連續不停的落了兩日兩夜，還是第一次。

 

由12月31號晚上開始落，到1月1號全日無停過咁落，更因為公眾假期的原故，一整日沒有人灑鹽摌雪，下午4點鍾我去上班，己經提早出門了，路面上非常少人，但還是有很多白痴的在路上危險駕駛。

 

 就這樣看，還是很浪漫的吧！！！

 

一點點白色的雪花， 有時間駐足在窗口定睛看，

會看到今次呢場雪係好美好茸粒粒都成形輕的雪花。

 

 
 這是落了一整日之後：
 

 
1月1號晚回來還是不停的落，晚上10點，開始有人來摌雪了，天文台話1月2號早上7時多先會開始停，還要等到早上11時路面情況才會回復正常。。。

這是1月2號下午2點，一的都無想停的跡象喇

 

後面白濛濛的唔係霧呀，係仲落緊勁大雪呀！！

 

 
到今朝起身，終於見番太陽了。

昨晚收工返嚟見到兩架摌雪車開緊工。

隔離屋係用摌雪機的，所以會有呢的咁齊嘅切口

 

實在太凍，無時間搵把尺再出去，呢到最少有8－10吋，

 

 

因為我地呢邊面對第二期，個邊仲未起晒的屋，所以有一大片空地，

的風都刮得好勁吓，一路落雪一路吹走咁一的雪先無咁厚。

 

 

另一邊的屋，出面閒閒地都double咁厚。 

 

 
其實都好難取捨，無風個邊的雪係厚的，但有風呢邊呢，本來溫度已經跌到得番6°F   再加上風力，實際上係凍到 -10° F 。

 
你想凍的？ 定係少雪的？

 

 

肥雀們

返咗香港幾個禮拜，交比肥鬼做嘅野真係無件完成架，不過，最少佢有幫我餵我的肥雀們。

 

你地睇下，食到佢地變晒大肚腩。

 

呢個係黑白常客，有白色大肚腩。

 

 

 

 

呢個係mohawk髮型的雀。

仲有好多的dove，全部都係食到肥嘟嘟架。