我最愛的韓菜

一生人去過韓國兩次咁多。

第一次，一個人跟團去旅行，五日四夜首爾溫泉之旅；

第二次，同合唱團去比賽，都係五日四夜，不過係斧山浪漫之旅！！（真係自己都骨都痹埋，因為當時係同合唱團“女”性團員最好朋友，哈哈！下次講點樣浪漫法。。。）
總結兩次韓國遊，唔係要特別介紹邊的石頭鍋飯好呀！邊的人蔘雞好呀！等等。。。
而係韓國的前菜（絆菜）係最好架喇

呢的前菜對我嚟講，就係主菜喇！我可以淨係食呢的加白飯，就好滿足喇！

但係我搵嚟搵去，都搵唔到呢的餣菜食譜，激死我！
而係我呢到，有兩間韓國人士多，一間日本人超市，兩間中國人超市。
講清潔程度呢，梗係日本人超市最勁啦！講價格呢，梗係中國人超市最平啦！之但係呢，講自家製小食，我就覺得韓國人士多做得最好。
因為日本人超市入面，直頭係有一間餐廳食壽司／日本菜嘅（所以超市入面嘅即製外賣食物好少），而係呢邊，要食非常地道嘅野，價格就會有番咁上下，所以我地都係好少去食。反而係兩間韓國人士多，都係由“阿朱媽”（韓文大嬸拼音，我睇韓劇學架！）開嘅，佢地會整的好地道嘅小食／飯盒，價錢相宜，款式又多。。。
而今日我買嘅呢盒韓國餣菜呢，包含辣蘿蔔

餣大荳芽菜

芝麻餣海藻

餣豬肉加韓國辣醬

芝麻餣菜

就係呢盒韓國餣菜，係我好珍惜嘅情形之下，自己一個人獨食咗兩日 － 韓國餣菜餸白飯，哈哈！正！！！等我學多兩句韓文，下次去問吓“阿朱媽”的餣菜點整，睇吓佢教唔教我先！

 

南瓜工作室

上次去咗 Aunt Pam 屋企，又食又拎個的“新鮮自家製”蕃茄返屋企，同時又見到好多大過我個頭嘅南瓜，唔係要嚟食嘅，咁要嚟做乜？？？
開估 － 今日答案：南瓜工作室。
佢地呢邊的人，真係好佩服佢地，過節日真係好有心去裝飾佈置同做好多傳統野，香港人講真有心都無時間做，所以，要講節日氣氛，呢邊真係好好多。。。
就係為咗Halloween，每年肥鬼阿媽呢邊都會有家庭聚會去雕南瓜，的南瓜咪就係由 Aunt Pam 提供架囉。。。

首先，開始時，每人配給一個南瓜。。。

呢個係 Chelsea ，係肥鬼嘅表妹 ( Aunt Pam 嘅女)，睇唔睇得出高過我嘅佢得13歲渣？！佢個南瓜係個晚咁多南瓜之中最大個嘅。

肥鬼阿媽就因為懶，搵個特别細嘅，佢話佢會最快整好！可以好快收工咁話！哈哈！你睇吓，連把刀都成正比架！

跟住，係個南瓜嘅天靈蓋位開頂“帽”先。。。
大家都好醒目咁，開圓形帽就算，就係得我「賴醒」，無經驗學人開星形帽（無法喇，飲得太多東瓜盅麻！哈哈）
結果呢？就係人人個南瓜都有個“叮”嘅，我嗰個本來都有架！但就係比我呢個暴力狂，係拔個帽出嚟個陣，拔。。。斷。。。了。。。！！

暴力狂罪證。。。本來阿肥鬼係無心機幫我影相架，但係佢同香港的狗仔隊一樣囉，一見有大新聞可以做，即刻好積極咁埋嚟幫我影相。。。

之後個工序就係佢地覺得最核突嘅 － 抓的南瓜核出嚟。。。我就唔係咁覺囉，因為。。。有得食。。。食乜？

就係瓜子！我地將的南瓜子洗一洗，灑的鹽，用350度焗佢大約15-20分鐘，咁就食得喇！就係呢個時候，我先發現，佢地都會食瓜子，但佢地係連殼食嘅！？

呢的就係製成品！哈哈！一路食一路雕南瓜。。。

呢位好專心嘅女士就係肥鬼表姐Mia同埋

下面呢位雕到身水身汗嘅，係Harold（Mia老公），佢地兩個夜的先到，但佢地真係好比心機雕架！一嚟到就開工，而佢地雕嘅圖案，係最複雜嘅。。。

Harold坐係我隔離，佢真係好專心，人地同佢講野都唔知，仲要雕到透晒大氣。。。哈哈

好喇！大家見我咁詳盡嘅報道，就知道我梗係掛住睇人整，自已就慢吞吞啦。。。而最快完成嘅同學，真係肥鬼阿媽！ 因為佢個南瓜細之外，佢嘅設計係最簡單嘅！

熄咗燈之後嘅樣。。。

作者與傑作：

呢個係Mia嘅夜光貓

呢個係Harold嘅海盗

哈哈！呢個就係我嘅！低能南瓜一個。。。

睇清楚的。。。

同肥鬼阿媽嘅傑作坐埋一齊。。。

南瓜工作室大合照

製成品合照

熄晒的燈嚟睇真係好靚！

 

今個冬天的準備

之前煲湯個篇blog講過，係肥鬼屋企呢到，因為本來得佢一個人住，所以一個大的嘅煲都無，唯一一個大煲，就係無蓋嘅！所以，係夏天嘅後期，我已經開始密切留意行情，要搵番一個大煲，比我得閒煲啖湯，過我人生中第一個嚴冬。而個時唯一嘅煲湯方法，就係攞焗曲奇嘅pan當蓋嚟用囉。。。

上個星期，係“賣渣超市”就比我搵到一個大煲，US$12.99，係我見過最平架喇，梗係入貨啦點知返屋企之後，先比我睇到個煲嘅貼紙，話個煲係唔啱平面電熱爐頭架攪到我又要重新開始搵煲大行動！！！
好在，今日，就比我搵到呢個大紅煲，可以煲成10QT水，又大又靚，你唔好睇價錢紙寫US$21.99，因為個日我地好好彩，行到埋去比錢櫃位個陣，比我地見到上一手無拎走的coupon，我地梗係無執輸拎埋佢啦，一睇先知執到好野 － 係買滿US$100，就減最貴個件物品US$9，所以，呢個煲都係US$12.99。仲要大過上次退咗個嗰煲。Yeah！

同場加映：嚟咗之後成日整理後花園，買番一對花園手套，淨係要嚟拔後園沿住條河生嘅長春藤都抵番，因為之前我試過拔佢地，拔到我隻手甩皮呀。。。

最後，入冬必備，冷帽一頂，特價US$3。點解係男裝，因為所有女裝都係恐怖粉紅色，而我最鍾意粉藍色，加上我頭大（生草）男仔size啱的，可以蓋埋耳仔，所以都係呢頂最prefect！！哈哈！

 

今日天氣

正當香港今日仲係好鬼熱嘅時侯。。。

我依邊今日最低溫度係，哇！哇！哇！哇！ -1度呀！！！已經跌到去個位數字(single digit) 喇！！！

阿肥鬼話應該一個月內會落雪架喇嚇死人囉

唔知我依家就拎件羽絨出嚟著，會唔會嚇親呢到的人呢？？
佢地仲係T-shirt加外套渣喎！！！

睇街景

屋企兩隻小魔怪，好鍾意睇街景。。。

所以每次我打開後門，無論佢地係邊度，一聽到聲佢地都會跑嚟。。。
呢張係啱啱跑到埋嚟

“喂！輪到我未呀？”

之後又爬上嚟。。。

八掛一下，週圍望。。。

輪到佢又嚟！成日都係佢－肥仔，慢吞吞咁樣，後知後覺！

佢又兩頭撲。。。哈哈

特輯：呢張係過後幾日，比我捉到佢，係到爬窗。可能係到捉蟲嚟食！哈哈