西人菜湯

登！登！登！登！

我今晚的傑作 － 西人菜湯一大煲。。。哈哈！！！

呢面的西人菜，唔係一斤斤咁賣嘅，係一束束咁賣嘅，所以，我都唔知我放咗幾多落去，總之，我買咗四束（三蚊兩束），我擺晒落去，連埋兩條豬骨，兩公升水，兩茶匙鹽，煲咗成三個幾鐘。
點解煲咁耐？其實我原先淨係放咗一條豬骨入去，但係煲咗兩個鐘之後，仲係唔似阿媽煲個的咁樣（唔夠濃，同埋的西人菜都未溶）所以，我再比多一條豬骨入去， 然後再煲佢成個幾鐘，終於有少少似啦。。。哈哈
呢個就係我嘅個人晚餐，真係又潤又暧胃，而阿肥鬼係唔會幫襯我嘅，佢真係唔識欣賞我呢的咁有特色嘅中國家庭野架。。。

話時話，呢煲湯都幾貴喎，唔係貴在的豬肉（六蚊三條），而係的西人菜（三蚊兩束）。。。盛惠港幣八十蚊。。。