依家先嚟

成兩年喇！！！
我不停的放salt brick及栗米引佢地過嚟，但係佢地最近都只係去到河的對面。
今日！！！
YES!!!!
就係今日！！！歷史性的一刻來到了。

就係我剛剛準備返工，走去back room同肥鬼say goodbye個一刻，我見到佢。
即刻唔識出聲，只係O咀的不停的向肥鬼招手。。。
肥鬼個刻係厠所都比我拉咗佢出嚟。。。哈哈

係佢清醒的，問我仲唔攞相機？
先至有呢三張珍貴的遺照。。。。








唉！係我就快要同呢間屋say goodbye你先嚟。。。

鞋

相信每個女性都是一樣的啦！只是程度不同吧！
家裏有成千上萬對鞋，返工著的，去街著的，好靚的，普通的，得個擺字的。。。

以前我係香港就係咁樣架。
有好多好多對鞋，但仍是成日買鞋，還是常常覺得仍欠某一場合的鞋。
我阿媽成日話，腳就得兩隻，著得幾多對？？？

第一次著高踭鞋，應該係入讀酒店系第一年，要去career tour，阿Miss要我地個個著套裝加高踭鞋去。之後開始係酒店實習，都係日日高踭鞋返工的。
後嚟返工就更加日日高踭，來美國前最尾幾年仲要興番幼踭尖頭，著到腳變形，腳指有枕，過咗嚟之後肥鬼就要我介咗著高踭鞋囉，成四年幾，個的枕先退得七七八八，變番正常的腳。

當時我的鞋collection，九成都係高踭，其他有的涼鞋，有的配便服的，無乜波鞋。

返工鞋當中，要搵高踭又可以著得舒服又靚嘅，真係好難，再加上我係超級大腳八，著尖頭高踭要著到成13號先覺得舒服，真係好難搵。所以搵到有舖頭賣咁大的鞋，我就要成日去睇，等佢減價時就有13號的都買了（通常都無啦，最大最細的都是最快斷碼的）

著得舒服的就梗係成日著啦，成日著就梗係好快殘喇。最慘個問題係個的幼踭，好快丁蓋，又要去換踭，成日就係隻鞋面未係好殘但鞋踭無得整，咁又要放棄對鞋，其他的大多數都係個款舊了就換第款囉。

要想想，上一次真的是因為對鞋爛了而要買新的。。。都不知幾耐之前了？

來這邊的頭一年，因未有工作，一年365日都是踢拖就可以了。應該是美國傳染我的第一個習慣吧。開始工作之後，上半生和波鞋無緣的我，現在來了180度轉變。

我去買波鞋的方法是什樣的呢？
1。走去舖頭
2。走去鞋部
3。走去清貨區(clearance section)
4。走去男裝8號半或女裝10號的架
5。從最平的開始試，舒服的就可以了。

一分錢一分貨是真的，但我從不相信一對鞋真的值成百蚊美金（阿媽話：著咗會飛？？？）。
通常用我的方法廿蚊至三十蚊以內都會找到合適的，最平十幾蚊的都試過搵到。

下面呢對係ASICS TN626 US8，係運動用品公司找到的，著了兩年，平均一星期著五日，每日八小時，同我以前的高踭有得fight呀！終於比我著到穿loan！好開心呀！！！好似有的變態，但真係好開心，好耐未試過著一對鞋著得咁舒服直到著爛了。還沒有捐出去係因為還未找到另一對和這個一樣舒服的。

現在工作是全天企／行的，很快便知道對鞋得唔得。
好的鞋工作一天之後，正常雙腳疲勞是有啦，但唔好的鞋，半日隻腳板就會痛，有時腳踭都會痛（踏地時），更嚴重時膝蓋也痛（以前膝蓋撞傷過）




以我自己試鞋的經驗，不知怎的，很多大牌子的鞋都不舒服。有好幾次我特登逐個牌子試晒佢，最後都係無乜幾對特別舒服。
有時是試鞋的時侯OK，但到開工一兩日就唔OK。
好似呢對，有同事話好舒服。



佢特別講話係鞋底的膠粒好舒服。但我著來著去就係唔舒服，會腳板痛就係呢對。



直到上星期我在行超市的時侯，又去睇有鞋減價沒有。。。
給我找到這個ASICS TN138 US8 Gel Kanbarra 6 清貨價25蚊點講呢，就係好似新鞋，又好似唔係新鞋，第一日就可以著足全日八個鐘無問題。其他不太舒服的係要中間回家午飯時換鞋架。



兩次都著到ASICS覺得最舒服，以為係咁啱唶，點知無意中睇到有跑步朋友的分析報告話ASICS Gel的鞋是比較適合亞洲人的腳形架。。。啊！

題外話：試鞋的時候，我會試好幾次才買。好似上面唔太啱個對，我會返半日工個時著或平時行街散步著咗佢。著咗成個月仲拎去退，我真係做唔出。
上星期，有人退一對鞋返嚟，理由係鞋邊外圍的膠開始爛。個對鞋當時的情況係污漕邋遢，溶溶爛爛，去到一個地埗，無人敢掂要搵個膠袋套住對鞋。好彩我唔係個CS，唔係真係好想講：阿姐，對鞋唔係鐡做架，著得耐，梗係爛啦。佢針對90日退錢的例，著足89日嚟退。
所以我覺得呢個世界的人是一樣的，是沒有亞洲或歐美英加之分喇。

睇大雞

大雞唔食細米？？？

唔係個的大雞

上篇講咗肥鬼日日都去同Anthony玩，有時就係我返咗工，佢都去玩大半日先返嚟。

有日佢返嚟個陣話我知，個日佢咁啱揸車經過，見到肥鬼阿爸個鄰居的peacock走晒出嚟散步
peacock？？？散步？？？

一連串的問號。。。點解養孔雀架？養嚟做乜架？開動物園架？點解可以散步架？唔會走失架？唔會比人捉咗去架？攪到我都好想睇吖，特別係開屏個陣。。。

但次次我去到，的孔雀都躲起來了。。。
今日簡直係大丸幸運日，係回家路上，連肥鬼都以為今日咁熱佢地唔會走出嚟啦！！！

就比我離遠見到佢。。。

我仲以為自己睇錯，問係咪雞嚟架？？？
睇真的。。。一共四隻。。。三隻白色的係女，一隻黑色的係公。


睇下，真係通街走，好自由。係呢到，做隻大雞都好過係big 6做人。



我問肥鬼，見到咁多次，有無一次見到佢開屏架？？？佢話無。

我話佢地梗係已經結晒婚好耐，老夫老妻，都已經賴得開屏嚟比對方睇，吸引對方囉。。。

仲有點解話今日係大丸幸連日，因為今日意外地走入一間平常不去的超市，比我見到呢的sweet cherry clam。。。

仲要特價79c一隻

買咗八隻，去到肥鬼阿爸屋企，雖然出面有成102F，唔理得咁多，即刻係個grill度開火，乾燒。。。

佢地無一個人夠胆試。

兩個字 － 好味。

Hi, Cloud!!!

在這酷熱的夏天，休息日躲在家裏也不是辦法。

因為我家只有窗口式冷氣機（還要是很老爺的）。
在平時70F－80F的夏天是綽綽有餘喇，但今個夏天可是閒閒地都100F，真是不得了。。。

再加上在6月26日那天，肥鬼人生第一次做人舅父。。。

咁就比咗我地一個好好嘅藉口，去肥鬼阿爸屋企涼冷氣兼玩BB。。。
話時話，Anthony來到這世界之後，每個休息日肥鬼都話要去探佢。
不是每星期一日，係每星期有四日休息四日都去咗同佢玩。。。

7月17日就係其中嘅一日。



晚上九時回家，看見這舊雲，好像一隻手掌，在和你say hi的樣子。


Hi 朋友!!!你今日過得怎樣？願一齊安好。

水怪

今天出來散步。
尼斯湖水怪出來了？？？？






行近的看看。
是不是摩鬼魚走出來了。


是它喇。。。
水龜一隻，即係鱉。可以行得好快架。
佢好識嘆咁係馬路中間晒太陽，我唔想佢變龜餅，
走埋去想用把傘撥佢返入草地入面，點知佢話咁快就跑走咗囉。。。

Animal Planet LIVE

台灣太的後園有好幾棵松樹，都係好”吉”手的。
平時我們行得太近都比佢地”吉”到彈開。。。

今年，知更鳥大媽(Red Robin)就選中了這地步來開枝散葉。

2012。06。12
應該是剛剛從蛋裏出來的吧，還是粉紅的身體，眼都未張開，只是從肚皮的起伏看到它們的呼吸


2012。06。15
只是三日，好像大了很多啊。
眼還是未張開，但咀卻張得大大的。
它們就是這樣的從早到晚的睡著。
我在撥開樹枝給它們影相時，它們以為是知更鳥大媽帶著麥當當回來了，就不停的引頸張咀起來，過了一會還沒有蟲到肚就又睡覺去了，但咀還是張著的。






當時可是104F高溫的那幾日，你看，它們都擠在熱熱的籠屋裏，可是都一樣生存過來啊！













2012。06。19
看呀，羽毛都開始變成大毛了。。。

但，咀還是這樣張著，不停的吱吱叫

而且都開眼了



2012 06 23
這天我去到，它的兩個兄弟都飛走了，淨下這個在懶著不走，還要啤著我影佢。
你看它肥肥的以為好相與，就在我準備給它一條蟲的時侯，它以為是恐怖襲擊，就彈出來，飛去了草叢中躲起來了。


不想用悲傷的角度去帶出這個故事。可是，我看了這套照片很多次，每次，都是這首詩在我腦海中浮出來。

燕詩
白居易
樑上有雙燕，翩翩雄與雌。銜泥兩椽間，一巢生四兒。
四兒日夜長，索食聲孜孜。青蟲不易捕，黃口無飽期。
嘴爪雖欲敝，心力不知疲。須臾十來往，猶恐巢中饑。
辛勤三十日，母瘦雛漸肥。喃喃教言語，一一刷羽衣。
一旦羽翼成，引上庭樹枝。舉翅不回顧，隨風四散飛。
雌雄空中鳴，聲盡呼不歸。卻入空巢裡，啁啾整夜悲。
燕燕爾勿悲，爾當反自思。思爾為雛日，高飛背母時。
當時父母念，今日爾應知。



與此同時，另一隻鴿大媽也看中了這塊福地，不過，鴿大媽比較喜歡食葡萄，所以就在籬笆上面密密的葡萄樹枝中，築了這寶座。





一坐便是三十日呀！點都有搵個風水位架。。。唔坐得舒舒服服，係好容易有治瘡架。。。

你看著我，我看著你

唔知的，還以為是情侶吧！
這樣深情對望，可以望一整日架。。。





實情是一行近便痴線了一樣，不停申爪及獅吼。。。

有客到

一早起身
看看後園
還以為眼花
怎麼這隻雀咁肥大。。。


可是這肥雀怎麼只像企鵝般行來行去而不會飛的呢？

啊！還有同黨一齊嚟搵食架喎。。。

見到我一舉機就知事敗立即逃走。。。

第二日，又嚟過
今次仲曉得兵分兩路，再係河邊匯合逃走。。。下次再比我見到你兩隻肥鴨。。。實整返餐酸梅鴨。。。哈哈


檢舉這篇POST