以為發緊夢 20260423

我呢度夜晚有好多小動物嚟揾食，但係鹿就少見的，咁耐以嚟都只係零零星星的一隻兩隻。

今晚瞓瞓吓覺，肥鬼突然叫醒我。。。

叫我望出去，仲以為打劫🤣🤣🤣

除咗係舊屋嗰時，真係未試過一次有咁多隻。。。舊屋後園有個小池塘，佢地成日嚟飲水架。

 

無眼睇 20260401

係 Chinada 住嗰段時間，日日落街行路，所以有段時間好鍾意著legging（高彈力緊身褲）依家就人人都叫呢的瑜伽褲。

嗰時鍾意著呢，係因為彈力好勁，做運動踎低起身都唔會爆呔，同埋佢sell有moisture wicking即係你做運動出的汗，係會好快經過布的纎維排出外面。

但係我好快就發現，著完條褲有異味。

係洗完再洗，落疏打粉洗，落醋去洗，都係一樣。

好快，我就無著了。

依家知點解啦。

嗰時我好快轉買番普通100%棉的緊身褲，雖然款色好少，雖然內胯部位仍然成日很快就磨蝕晒要買新的。

=========

我唔著啫，但係出面好興喎，人人都做瑜伽，唔通人人都著瑜伽褲咩？就係囉。

仲要越著越緊咁樣。

同我一齊係golf球場返工的19/20女孩子，係著呢的嚟返工的。。。

Sorry, 我老了。

不能接受這些衣著。

佢地著嗰的我無show出嚟，係更多透視位的。

然後佢地有時會話啲客口花花（？！）咁你怪得晒的客咩？