香蕉樹係分公牝嘅，係佢地開花嘅時候，將雌性嘅花粉塗抹在公性嘅花芯嗰度，亦即係人手幫佢地交配(本來呢項工作係蜜蜂做嘅) 但係人類食咁多蕉，要加快速度，所以就人手操控囉！變相種香蕉工廠化。
而 hybrid 混種呢，就係揾一的甜嘅蕉同一的生得大隻嘅蕉，將佢地嘅花交配，睇吓會唔會生出一種又大又甜嘅蕉，仲要外型一定係黃色彎彎的，因為依家的人類，係要求生果蔬菜都要外型完美先會買。。。
然後就聯想到，係全球經濟下 (globalization) ，其實依家人類都越嚟越多 hybrid 混種架。
例如最新鮮滾熱辣嘅呢對：
上面呢 pair 嘅結婚新聞，就比呢句說話搶晒風頭。
因為呢句說話，引發咗網上熱烈討論"女婿年紀大過外父"呢個問題。。。
其實睇番好多舊聞，呢個問題都唔係第一日出現架喇。
舊的嘅一單就係大劉同甘比老豆，係大劉大6年。不過依家應該唔會有人 focus 係呢樣野到啦，因為甘比已經榮升做全香港最有錢嘅女人。
係 fb 睇咗好多好攪笑嘅 comment 不過唔記得無 cap 低，依家揾唔番lu... 攪笑嘅 comment 除咗色情意念嗰的之外，仲有好多係反方向推理，例如外父年紀細過女婿又點？ 媳婦年紀大過老爺奶奶又點點點，我番釋比肥鬼知同佢笑咗成個晏晝。
Btw, 先講兩個堅料case。
1) 肥鬼現在有個男同事30歲，老婆45歲。未至於大過老爺奶奶，不過都差唔多囉。呢位太太之前結過婚有兩個仔，上次同事 gathering 佢地一齊出嚟，因為個男同事係身形矮細的，仲要有少少的 baby-face, 所以真係好似一個阿媽拖住3個仔咁樣。
2) 我係 Wally World 有個女同事 P，佢都係年紀大佢老公好多。
你以為淨係香港人先咁八掛你就錯了。
本來我係唔知佢地的野嘅。有日一對老夫婦嚟試身室揾 P (P 同呢兩個老夫婦年紀相若) , 我要當值係試身室唔可以行開，就同 P 嘅好友同事講，話佢有朋友嚟揾佢 (佢地將會一齊去放食飯) 同事就好"無野"咁話，啊，個兩個係 P 嘅 in-laws (老爺奶奶) 跟住靠近我細細聲講話佢老公細過佢好多嘅， you know, 同時間，佢眼眉係會戚一戚 或者係 眨一眨眼(wink at you) 咁樣講你知。
所以呢，你話呢邊係咪好歧視又唔係嘅，係咪完全無歧視又唔係囉。
Anyway, 跟住，我又做吓資料搜集。
郭富城 (65年) 方媛 (87年)
吳啟華 (64年) 石洋子 (85年) (有報道話正在攪離婚)
魏俊傑 (67年) 張莉華 (87年) - 有報道話婚姻亮起紅燈
湯振業 (58年) 文靜 (85年)
莫少聰 (60年) 孫雲玲 (88年) - 好似話已經離婚了
葉世榮 (63年) 張偉鈴 (85年)
係網上有的大陸文章叫呢的做86配，即係男嘅全部都係6幾年出世，而娶嘅老婆全都係8幾年出世，最少相距20年。(其實揾到更多的，但依家咁睇，"只"差十幾年都唔算係乜野囉，所以上面只例出相差20年或以上的。)
不要問點解呀？無真愛呀？掘金呀？其實未到死一刻，除了佢地兩個無人會知係咪真愛，外人亦無從判斷，我自己就覺得，食得鹹魚抵得渴，有的自己做唔出嘅野，我都幾配服人地做得到。
再者依家的男藝人保養得咁好，好多睇落都唔覺佢地好大分別。結婚係個人的事，自己覺得無問題就得喇！仲有現今爺孫戀都見唔少 (下面會講幾對特別的嘅) ，呢的只係相距20年真係唔算係一回事囉。
但係我留意到嘅，反而係呢的：
陳松玲 (71年) 中國張鐸 (細8年)
周汶錡 (74年) 法國男Julien Lepeu (細3年)
洪欣 (71年) 中國張丹峰 (細11年)
莫文蔚 (70年) 德國男Johannes Natterer (同年)
梁詠琪 (76年) 西班牙男 Sergio Crespo Gutes (大1年)
孫燕姿 (78年) 荷蘭藉 Nadim Van Der Tos (大1年)
楊采妮 (74年) 星加玻 邱韶智 (大4年)
係男藝人努力邁向祖國，北望神州揾老婆嘅同時，香港嘅女藝人就面向世界揾老公。
我自己覺得大陸嫁嚟香港，同香港嫁去外國都無分別。
以地理嚟講，邊到嘅男人都可以接受好年輕嘅女仔，呢樣係肯定嘅；反觀一般香港女藝人就大多揾番年紀相近嘅伴，而大陸嘅女仔就可以接受大好多嘅男伴，呢個係好恨嫁嘅心態？定係好想跳出窮嘅出身？呢樣留番比大家自己去諗。
我無意嘲諷別人，亦無資格咁做。
因為如果基本要求係指：喺香港本地揾唔到老公/老婆，就係剩女/沒女/敗犬的話，咁好明顯我係敗犬其中之一。
但我留意到上面呢個男面向祖國 vs. 女面向世界嘅現象，我覺得最基本原因係女人需要男伴比自己叻，唔一定係全方位嘅叻，但至少有野係叻到令個女人係仰慕/配服個男伴嘅。
以我自己為例，讀書時期無拍過拖，畢業嗰年有個童軍阿 sir 向我有所表示 (我自己都係童軍領袖) 拍咗一陣就唔夾散咗，因為係第一次拍，所以好傷心，嗰時剛開始返第一份工，化悲憤為力量，日日最早返到去，做到OT 10pm 都無問題，所以有得升職。
到第二次拍拖已經係23歲了，又散咗之後，有成4年沉寂了，係呢4年間，無拖拍所以就寄情(努力) 工作，又升過級，之後就發覺，我自己都已經快要30歲，而身邊的男同事或朋友，一大堆係已婚或已經有穩定女友的，再嚟一大堆就係後生仔(大學剛出來的), 另外一堆同樣咁上下年紀嘅就全部比我低級，不論我有無意思，佢地都唔想埋嚟，再加上工作上作風強悍的我，所以結果就係無囉。
好攪笑，
之後有機會識到肥鬼，佢地外國人細個讀書唔係好似香港咁樣讀死書，肥鬼自己鐘意世界各地嘅歷史，而肥鬼媽係教師，教科學地理，再加上佢地鐘意旅行，所以佢係世界歷史科學地理都知好多野，所以佢比我個感覺係：嘩！佢比我識多好多野呀！！就算有時傾計講到有的佢唔知嘅野，佢真係會去揾答案然後講番你知。我想，心底裏肯定係小女人嘅我，就係咁樣同肥鬼 click 上了。
所以，其實我有的明白，點解香港男藝人大多返大陸揾老婆。而香港女藝人就多數面向世界揾老公，係感覺呀！感覺話你知想揾個比自己強嘅男人，而普遍香港女人都好成功，咁香港嘅男人唔返大陸，又點會揾到仰慕自己嘅女仔呢。
最好嘅說明，就係最近睇到嘅呢條片
我自己其實都好鐘意惠英紅，以前做武打女明星已經唔容易，
現在佢的演技更加好，多了滄桑的味道。
不過我更加鐘意佢沒有一般人的灰心，老來揾個伴也好呀，不會自怨自艾，亦不放棄，
我欣賞佢嘅豪氣，但可惜就係依家係香港，無更加豪氣嘅男子漢囉。
所以就引證了佢如果唔放眼世界，真係幾難會揾到呢個伴。
好。又睇吓我揾到邊的，比上面的 case 更加 extreme 嘅 case.
第一個，法國總統候選人 Emmannel Macron (39歲)
老婆大佢24年
第二個 楊振寧(1922年) 翁帆 (1976年) 相差54年
第三個 鄧文迪 (1968年)
第一位老公 Jake Cherry (大30年) (據聞是利用他入藉美國)
第二位老公 Rupert Murdoch (大38年)
其餘仲有謝賢大過女友49年，同埋台灣的李坤城大女友40年，
但呢兩對還沒有結婚，所以唔算。
