又係聯航

今日事情嘅發展係咁嘅 -↪

內文都唔係話得太詳盡，因為只係一個初步構思。

但希望佢唔係將普通員工的獎金都掛鈎上乘客滿意程度。

係呀。你無睇錯吖，係"不要"掛鈎上呀！

點解？

好啦，我淨係係一間野嗰到做過，不過呢間野全世界都有分店，所以我呢個實例，可以講話係非常同聯航個 case 好接近。

我係 Walmxxt 做過6年。
係全年 365 日都請唔夠人嘅情形之下，一人要做個半人嘅野係基本架喇。
仲要因為要 "fair" 麻，以前通宵更係多一蚊嘅，同埋落貨嗰的超級體力勞動又係多少少嘅，最後都 cut 晒。(咁仲有邊個會做？呢個咪就係左膠引致嘅社會主義出現囉！)

咁都唔算衰喇。以前入職一個價錢，之後每年做個所謂嘅"表現評估" 就會有唔通程度加幅，其實好求其，因為店經理唔係真係有好多實權，所以講緊嘅係 20¢ , 30¢ 或 40¢ 。咁簡單嚟講你都明啦，即係從來無人攞過 40¢  (你比得佢，好容易隔離嗰個又話唔公平呀，又lee 又lo) 咁一般人都係加 20¢, 好少少的一兩個就加30¢ 咁樣。
好啦，好不容易，做咗幾年，佢美其名加人工去到$10, 出嚟結果就係我做咗6年又係$10 隔離嗰個新嚟乜都唔做又係$10.
仲要成日落貨嗰到無人，佢唔理你係做邊到嘅，都要一齊去落貨。
所以，以我係到6年嘅感覺，呢到已經無 capitalism 囉，取而代之嘅又係 "做又36 唔做又36"

好喇。到開例會，日日都嘈你話今日又唔到 sales target,  大家又要勞力呀，超越 sales target 就會有 bonus... 咁嗰年嚟咗個後生嘅經理，佢好勸力又 down to earth 最明顯就係成日係舖頭嗰場到做野而唔係坐係入面 office 唔出嚟嗰的。。。
所以嗰年大家都做得開生，好勞力去 push sales,  嗰年我地係有 bonus 嘅。

點知，好嘅經理好快比人挖走咗。
嚟嗰衰嘅。
話你地知，因為上年呢間舖有bonus 所以今年bonus 嘅 目標 唔係淨係sales 係顧客評分都要達標。
好喇。問題嚟喇。係人都知呢的分係拉均計嘅 (好似中學會考的分咁)
而係人都知好人好姐的一個客通常都唔做 survey 係嗰的衰嘅先嘈到拆天咁嘅。
即係你做咗有100 個客覺得好好，都唔夠一個癲嘅客咁玩野。

咁點做呀。
咪明係嗰客錯嘅都硬食囉！
咁做客戶服務都係人嚟架，硬食得幾多呢？
見住個癲嘅客係到嘈幾野，就送$25 gift card?!?!  我攞過5次最佳員工都無 gift card....

所以，我係唔同意前線員工嘅 bonus 同顧客評分 掛鈎。
應該返去最基本，公司有 贏利 就出 bonus,  然後跟表現評估再去比 bonus, 你只能用 award base 去吸引人做得更好，一切都淨講 fair 就死得喇。

好可惜，現在無人會聽呢的咁簡單嘅實例。