Someone that I used to love
我以前有一個男朋友。
識佢嗰陣佢中七，考得唔好，所以去咗美國讀書。
拍咗幾個月拖就變做異地戀。
我比佢大，好鐘意英文歌。因工作關係，能說流利英語。
佢呢，因為覺得係自己考得唔好而要去美國讀，所以要同我分隔兩地，
所以唔鐘意美國呢到嘅所有野，更憎英文。
所以我就成日錄一的我鐘意嘅歌，寄比佢，
賴咁柔情蜜意的情歌， 英文歌，
咁佢日聽夜聽，英文就好了。
其中一首，就係上面呢首。
其實嗰陣仲係拍拖頭一年，蜜月期，好到不得了。
我仲好記得，有一朝，佢踩單車返學，聽住呢首歌，仔細咁咀嚼的歌詞。
到佢返到學校，打電話比我，我係香港係夜晚就嚟瞓，
佢話我知啱啱聽完呢首歌，
問我做乜錄呢首比佢？知唔知入面係講兩個人分開架？
我想，
人係美好的一刻，係唔會諗一語成箴呢樣野。
No comments:
Post a Comment