陶傑：聯合航空的災難公關課
呢件新鮮滾熱辣嘅事，總括嚟講，其實我覺得個原因，同阿淋病團隊話佢 ➡"今日唔係好舒服，唔去天水圍"一樣，就係的人已經唔 care 囉。
總括咗好多網上嘅資料，包括睇好多航空公司嘅員工意見，有幾點特別嘅：
1) 佢唔係overbooked (超賣) 係啱啱爆滿，一個吉位都無淨
想首先講呢點，係因為我覺得呢單野，就係依家整個世界都發生緊嘅 corporate greed (企業貪婪) 嘅結果囉。
以前無話一定要班班機都 book 到爆滿架喎，依家就連99%出席率都唔得。
如果99%出席率OK 嘅話，係呢個case 就會有spare 位比機組人員喇，乜事都無。
為咗賺到盡 (有的美其名就環保，話唔想浪費機油) 就連 no-show rate (不出席率) 都計到盡。又唔諗吓 no-show 只係一個或然率 (possibility) 。
為咗要賺盡100個位嘅錢，就零願賭一下，真係全部出席時，"可能"要比錢請人去第二班機 ("可能"嘅原因係，如果的人順攤接受轉去第二班機，係無賠償架。) 佢就係買你唔係個個夠膽嘈佢囉，因為基本上99%嘅人都係唔會嘈麻。
再者，依家買機票，全部都即時過數，即係收晒錢架喎，真係要 no-show, 蝕本嘅都係個客本身 (唔係成日可以 refund (退款) 架喎，航空公司利用 no-show rate 嚟 overbooked ↪ 係同一個位賺兩次錢呀。即係 A 先生買咗一個機票位，最後一分鐘無出席，無得退錢，航空公司錢就收晒，仲要航空公司慣例 overbook 嘅，所以 B 先生比錢買同一個位嘅機票，係比錢呀，唔係免費架。
2) 有航空服務業人士話呢的 case 好常見，一般做法係請最平機票的人落機
人人係唔同時候買同一班機嘅個張機票價格都唔同，有人晨早買，買貴咗，有人最後一刻買，買得好平，唔出奇，我自己就覺得呢點都很公平吖！
有的人可能係平機票website 買嘅特價機票，無咁多保障，都好有可能。
之但係點解咁啱4個都係亞洲人呢？淨係呢樣，真係好難唔令人諗埋一邊囉。
3) 點解係都要比4個員工上"呢一班機"？
有人話飛去同一地點嘅下一班係48小時之後，有人話只係24小時。anyway, 肯定嘅係佢地4個係去嗰度做另一班機嘅。
我初時都諗，(我自己都有朋友係空姐) ，佢地明明有 stand-by 更，點解唔 call 後備？又或者比OT 錢揾人返工易過喇。
以肥鬼嘅小小機場空管知識，就話如果航空工作者係 time-out 咗，就唔可以再 OT 嘅
(係呢邊，頂盡，可以要你一連返工16小時，係佢要你返呀 order-out 唔到你揀嘅，好似肥鬼份工咁，本來一日返工8小時，但係成日都"唔"請夠人，咁啱下一更有人無返工，佢可以要你返多一更，即係連續工作16小時)
咁即係可能喺 Louisville 嗰邊有隊 crew time-out 咗，飛一個長途就已經 time-out 喇 (細機，4個人，pilot, co-pilot, 兩空姐，啱啱好) 而要係 chicago 呢個 hub 飛的人過去做嗰一班機。
我自己就真係唔信，係你聯合個 hub 都揾唔到另一班機，或者係第二度揾唔到其他人返工？
不過，呢個亦都係同第一點有關，就係長期"唔"請夠人囉，呢點同我係 Wxxmart 做個時一樣，就係本應請10個人，再請多兩個做 spare 嘅，但佢淨係請9個 + 一個spare, 咁咪整單咁嘅野出嚟囉。
如果佢係 Louisville 個 base 係請夠人，就唔使飛人過去啦！
BTW, 如果你地有夜晚先去Wxxmart shopping 嘅習慣，你應該都會留意到，本來應該每個部門都請一個人返夜嘅，佢就縮人手縮到兩或三個部門先有一個人，咁，咁啱一個人無返一晚工，就成間舖吉咗一半，所以係網上，你會睇到的人成日 complaint 無人幫佢揾野，有問題揾唔到人幫，因為真係可以由園藝到 hardware 到運動部 到家具，即係統稱 general merchandise (一般用品) 嗰一邊係無。人。嘅。
Anyway, 以我係嗰到做咗6年嘅經驗話你知，超級市場就係超級市場，係非常"自助"的，佢有嘅就已經擺晒出嚟，你唔見，就自己揾，揾唔到多數就係無架喇，唔洗問，因為你問我，我乜都係答"無"!!!
≡====================
好喇，綜觀以上咁多點，你睇到無，問題就係的staff, 因為佢地日日都係咁樣over-work 嘅環境返工，仲有邊個會 care 吖？？？
上面陶傑篇文講，"人唔係機械"，特別係做客戶服務行業，以前，可能耐唔使會有班唔滿，無咁多客嘅機，可以唔使做得咁辛苦，依家班班機都爆廠嘅，做到死，仲要追下一班，仲要追求不可誤點，以前一班機有兩個鐘check-in, 可能隔30分鐘先再check-in另一班，依家就日日多咗咁多航班。直頭係人當機械用！！！
我唔知聯合有無分profit bonus 或比員工買股分，但係以我經驗，係依家個世界，就算我care, 如果我嗰刻為咗公司為咗個客著想，無時間揾上頭批准，做一個決定，出到$1000揾自願的人，公司唔會有讚賞之餘，倒頭來係會炒我或收warning, (好大機會係中層管理都無人願意冒孭鑊嘅險去做特別決定) 所以我理得你聯合聽日比人鬧爆，總之呢刻我跟足 procedure (程序) 做野就OK.
仲有，有一個資料話係電腦決定邊個要落機，你唔好唔信呀！！真係好有可能架。
陶傑篇文入面講到行政管理非人化 (dehumanization) ,係呢邊其實去到一個乜野程度呢，就係我係Wxxmart 咁耐，佢地成日都答話個更表係電腦generate 出嚟，無得改！！！ 部電腦淨睇過往銷售數字，就決定今日幾多人返工，返幾多個鐘，部電腦又唔諗吓今年可能有唔同嘅野做，舊年今日打風無客仔，今年今日好天的人湧晒嚟，個電腦佢真係試過出更表成一半嘅人個個8點鐘收晒工囉，但係間舖好多野要有人睇住最少去到10點。咁點呀！照走囉！唔會有人 care 喇。電腦醒，電腦勁，我地就人頭豬腦。
最明顯係點呢？係retail 零售業，一年四季的野要大執位一次嘅，每次總部就派的圖表落嚟話邊樣野點樣擺，次次睇的圖睇到火都嚟，例如長裙掛係唔夠高嘅架，變晒的裙係到掃地！！！ 想自把自為放去第二度或換個架喇 (邊個會買的污糟邋遢裙脚嘅裙) 點知地區經理落到嚟巡舖，淨係問做乜無跟圖做？？？解釋啦，佢話：公司比好多錢揾designer 設計，同埋比好多錢做市場調查話要咁擺，而你，你係pay to excute 即係你$10一個鐘嘅腦諗到嘅都廢，唔該你唔好帶個腦返工呀，淨係叫你嚟做robot，唔係嚟諗。。。
所以我覺得佢係 computer generate 出嚟要係 chicago 呢到飛4個員工過去囉。
雖然無位，但係都無員工 care 去揾另一方法。
依家呢個世界就係 extreme 到咁樣，真係sad.
Sad 還 sad, 最點火係個 CEO 嘅回應，真係火上加油。做到咁高級都無腦嘅，又一證明依家無人識 word of art, 天呀！！！你無下屬brief 你發生乜事，你話內部調查，遲少少先發聲明都得架喎。一嚟就話個客disruptive, 點知video 見到嘅正正相反！！！仲要同我上面講嘅符合得天衣無縫，就係佢讚員工"follow established procedures"... 哈哈
不過有一樣要講嘅係，當聯合call 到 air marshal 出面嘅時候，你還是堅持，咁使用暴力係少不免的了。因為聯合call 佢地嗰時，係話有不合作乘客，即係等同醉酒嗰的咁樣，你本身同聯合嘅瓜葛佢唔會理，佢嘅責任就係將問題 object 移離現場，因為事關整個flight operation, 後面仲有好多班機排緊隊。
仲有一樣想講，嗰的人係架機入面，叫晒"what you do to him!" 嗰的，講到咁大愛包容，講到見到佢比人咁樣拖落機，點解咁都無人出嚟自願轉第二班？？
我同肥鬼都不約而同覺得$800係一個好好嘅offer, 我地肯定晨早就會舉手囉，$800 可以去多一次內陸旅行喇！！！ 反而係我有諗過睇吓可唔可以叫到$1000 哈哈哈
No comments:
Post a Comment