Gigantic

前幾日先啱啱發生嘅打人航空事件，

整件事我歸咎於現在的企業貪婪 (corporate greed)

然後咁啱早幾日就睇咗一套 documentary

係講 Titanic (係希臘文 意思就係 gigantic 巨大) 

今次又有新證據，講嗰意外係點樣發生嘅。

睇完嘅結論係，時間上雖然係過咗百幾年，

但係貪婪嘅人性，由1912到依家，原來一的都無變過。

( 對 Titanic 好有興趣係因為依家住呢度，同意外地點係最近嘅，

當年有二百幾個遇難者係救咗嚟呢到嘅。而距離我屋企13分鐘處，

有個墳場就係百幾個遇難者安息之處，網上話係有 graveyard tour,  等我揾日去聽吓 ) 

開始睇嘅時候，我仲同肥鬼講，呢套可能同之前其他幾套一樣喇，

都係得個講字，死無對證，只係可以講出一個可能性出嚟啫。

點知一睇唔得了。

Titanic,  New evidence

首先講其中一樣。

當時有 White Star Line 船公司老闆及主席 Ismay,  佢地有一間競爭對手公司 Cunard,

Cunard 有兩隻船航行英國美國航線，好賺錢，搶走咗 White Star Line 好多生意，

Ismay 就想到要起兩首超豪華嘅船，用"高級"嚟打低對手，所以 White Star Line 

揾嚟美國投資者 J P Morgan 比錢起 Titanic. 

(其實 J P Morgan 控制 White Star Line 嘅母公司)

佢地揾咗 Hartland and Wolff 設計隻船，因為佢地要求隻船要造特別巨大的，

所以設計本來係要用一種特別嘅鋼水，但係 Ismay 唔肯，

有文件睇到佢地最後只係用咗普通嘅鋼水 (ordinary steel) 去造船。

而且已經知道嘅就係因為要造大隻船，而船有本身嘅重量同承載比例，

佢揀咗唔放足夠嘅救生艇。

(承載3500人嘅船，係得1100人用嘅救生艇)

咁即係擺明偷工減料喇！

New evidence : Titanic

而今次新揾到嘅證據，就係 Senan Malony 呢個作者，

揾到 Titanic Chief Electicial Engineer John Kempster

留低嘅嘅好多珍貴相片，然後修復，再由 2D 轉做3D, 係好多張相入面都睇到，

係隻船撞冰山穿窿嘅同一位置，係開航前就已經有個成30呎嘅黑影。

然後又再睇番好多當年證人(生還者) 嘅供詞，包括52個 firefighter 嘅供詞，

都係話到明隻船處女啟航嘅時候，係已經有火警係入面發生緊。。。

(firefighter 係喺船上面做鏟煤的人，佢地要將的煤鏟入去熔礦爐(furnace)  控制個火，令到引擎不停運作，生火同救火都係佢地嘅工作。) 

話說係 1912 年，呢隻880呎長嘅船，係用蒸氣發動嘅。而當時仲係燒煤嘅年代。

即係要燒煤，引發出蒸氣熱力，去發動個引擎運行。

呢隻要航行十幾日嘅船係要用好多煤嘅，儲存煤嘅地方喺船嘅底部，叫 bunker,

每個 bunker 有成三層樓高，用鋼隔開一格格。

而幾百噸嘅煤係要好多日前，就要開始用人手鏟入去船嘅 bunker 度。

咁多嘅煤積聚，當熱力夠嘅時候，就會著火，而當年就係咁樣，

係 6號 bunker 入面著火，而救火唯一辦法就係鏟走的煤，

但係喺船底部，根本就無咁多嘅空間嚟鏟走晒的煤去真正整熄個火，

去地左鏟右鏟，如是者燒咗幾日。

Titanic 嘅老闆 Ismay 對呢件事係完全知情嘅。

不過，White Star Line 比咗咁多錢起 Titanic, 

向 J P Morgan 要嚟造船嘅錢又咁多，係巨大嘅經濟壓力之下，

佢要呢隻船快快投入處女首航，開始幫佢揾錢。

所以佢係隻船燒緊嘅情形下，仍然堅持按時首航。

New evidence suggests coal fire contribute to Titanic sinking

當時係船上工作嘅有160個 firefighter,  入面有152個都因為呢場火而辭職唔做，

得番 8 個跟隻船去下一個港口！！！！

我諗呢個數字都好明顯解釋到個情況係幾差。。。

可惜壞嘅事仲接種而來。。。

佢地去到下一個港口，請咗好多人上船開工，就出發去紐約啦！

係航程之中，佢地明明收到電報，話航道上面有冰山架喎，但係隻船都無減速？

點解，話說佢地首航嗰時，煤礦工人正在罷工，

所以，係 Titanic 上面嘅煤，係只夠佢啱啱好去到紐約架渣，

如果航程慢咗，或者要避冰山而繞道而行，咪會用多咗煤囉。

而且，係 boiler room (鍋爐)  嘅火警，

令到的 firefighter 要左鏟右鏟的煤，係無地方容立咁多煤嘅情形下，

就有好多煤不停咁被鏟入去熔礦爐，攪到個火好大，

想收慢隻船都唔得。

好喇，講咁耐呢的你全都可以話係意外。

但我覺得呢個就係好好嘅證明 corporate greed 呢樣嘅係1912 年就有架喇。

之但係仲有的野仲火滾嘅。係乜呢？

呢場災難之後， Ismay 係無死到嘅。

大老闆喎，點會點易死呀，好似聯合航空嗰 CEO 咁，大把人幫佢係救生艇揾位啦。

佢死唔去之後，係法庭上話所有 firefighter 都。死。晒。

佢為咗唔要比人知有火警呢回事，佢首先就話所有 firefighter 都死晒，

後來美國呢邊嘅法官，竟然見到 lead firefighter,

先知其實有52個逃出生天，

係 Ismay 比錢買通法庭 discredit 佢地唔比佢地出庭作證。

的 firefighter 最後係通過工會要求上庭作證，佢地係有證供明確指出，

發生火警嘅嗰個煤 bunker 嘅鋼，係滅火之後，有變脆 (brittle) 徵狀,

到 Titanic 撞冰山時，的海水開始湧入船，然後係鋼片變脆嘅地方突然破裂， 

更多嘅海水湧入嚟bunker,

Then the rest is history.

我覺得第一 part 嘅企業貪婪，都唔夠呢 part 嘅用錢買通法庭咁衰。

因為現在西方最驕傲嘅師法制度，原來都係喺1912年都已經比人玩通了。

Corporate greedy demostration &

Judicial corruprion on display

邊樣衰的？

Oh,  btw,  Titanic 係 1912年4月14晚開始沉架。

咁啱早兩日新聞話最近一次打撈，揾到一個小小旅行袋，

入面有個金袋表。

隻表係屬於 Virginia Estelle Mcdowell Clark, 而佢老公 (走唔到跟 Titanic 去了)

係 Walter Miller Clark , 佢地有乜特別？ 

Walter 嘅阿哥 William Andrews Clark 係開礦嘅

就係佢地開發 Navada 呢撻地方，所以嗰到個名叫 Clark County.

正係我地啱啱去旅行嗰度呀 - Las Vegas,  baby!!!!