肥鬼有個中學好朋友，本來一家三口，住在肥鬼阿媽附近嘅，肥鬼和我差不多每星期的休息日都去他們家打機，兩個大男人加一個小朋友也玩得很開心的。
但他們上年離婚了，大人的事就不多說了，誰對誰錯無人知。只是可憐那很乖巧的10歲男孩子，生來就已經有侏儒症（dwarfism）加脊椎變形（spinal distortions），由細到大做了很多次手術。現在他父母分開了，爸爸搬去了Florida，他只跟媽媽生活，我們有成年沒去過探佢，終於係一月尾的時侯，佢係FB add咗肥鬼，即刻就約我地去探下佢。原先肥鬼還以為係約緊2月6日星期六，點知1月30日肥鬼起身一開電話，就已經有留言係入面，就係佢問我地仲有幾耐先到，哈哈！攪到我地即刻要執野起程。
差唔多成個鐘先去到，但係佢已經走埋出嚟門口等我地，可想而知佢真係好掛住肥鬼，我諗係因為肥鬼睇住佢大，而且肥鬼係佢老豆最friend嘅朋友，依家佢老豆唔係身邊，見到肥鬼可以令佢感覺番以前嘅日子。
因為小朋友身體的病，我無同佢影相，但係佢屋企依家有3隻貓，係一隻貓媽媽加兩隻小貓，好鬼得意架，當肥鬼同小朋友打機個陣，我就係到玩貓囉！
第一個出場的：貓媽媽
果然薑係老的辣！我一到步就除低件外套，轉個頭便發現已經有貓在午睡中！仲要叫極佢都唔理我！哈哈！
第二位出場：小貓一號
特點：面上有同媽媽一樣的紋，但個身就同爸爸（暹羅Siamese＋喜瑪拉雅的Himalayan）一樣淺灰色加條尾最後是黑色的。
因為佢比阿媽爭咗第一好位，佢就霸第二好位：米老鼠沙發！
同場加映：瞓醒就開始玩囉！玩乜野？咬下肥鬼隻手喇！一齊練習扭斗、摔跤、搏鬥囉！你睇下，手口出齊，實贏喇！
第三位出場：小貓二號
特點：面上，耳仔，手，腳同尾巴都同爸爸（暹羅Siamese＋喜瑪拉雅的Himalayan）一樣是深色的，得個身係淺灰色的。而且，佢係最懶嘅一隻，全日都係房入面瞓覺。
但當我一入房想同佢影相，佢又不停走埋嚟喵你，要你摸佢同佢梳毛。
睇下佢鬼咁梳乎個衰樣。。。
