上星期有一晚練完歌回到家裏頭, 在沖涼的時候, 仲好想練吓concert嗰啲高音
, 然後就發覺, 自己係屋企練, 真係好鬼難
, 又要細細聲(唔好嘈到屋企人), 又要上個high note... 所以次次都唯有"哩埋"係沖涼房度練
, 然後突然間, 我又惗起曹老師教過我地的一些東西...
曹老師成日教我地喺唱既時候, 要有理智, 要有"控制", 不是打開喉嚨、破口大叫，而是要將牙關打開，控制喉嚨的肌肉，再將丹田的氣運出來發出歌聲，聲音要放/凝聚在口腔的裏面部份, 最好就是感覺到聲音喺係頭殼頂發出聲來(因為合唱是要大家的共鳴, 不是solo -> solo唱的時候才是要將位置放在前面的)，在合唱的時候, 就是要將牙關及喉嚨的肌肉，好好控制住, 來維持那一粒音，使到在拉長的時候不會flat(低咗)又不會sharp(高咗), 而就係要咁樣唱先容易取得"共鳴"又即係unison... 所以, 唱細聲係比唱大聲難好多的...
唉! 講就真係好易, 但其實, 我係呢度唱咗7年, 係終於喺今年先叫做感覺到多一點的共鳴... 因為我今年終於企係阿喜隔離, 聲量同tone都比較接近, 都會在聽到怪聲時立刻靠近, 嚟搵番個音...
以前在小學的六年裏面同中學的五年裏面, 時常都可以聽到共鳴, 始終學生時期為咗比賽... 表演... 等等... 老師會同我地日練夜練都得... 宜家
好懷念以前中學的時代.... ...
今天晚上, 係距離15/7/2007 (星期日) 明儀合唱團43週年音樂會的倒數最後第二晚的練習
, 一如已往, 我地仲停留係執音嘅階段
... 仲要係逐粒執...
真的很佩服曹老師對音樂的熱忱同執著與堅持
，末到表演那一刻，仍然盡最大的努力，去替我們想辦法、去力臻完美
，今日同阿喜傾電話講開，才真發覺，係見識過大師級人馬後, 便識分小混混
...
有啲人同樣在音樂界裏面胡混
，一樣是指揮合唱團唱歌，但對音樂卻只是抱著求其的心態，一點要求也沒有, 對一首歌一點處理也欠奉，簡直是不尊重自己的專業, 不尊重音樂, 不尊重合唱隊伍(雖然我地都係抵死 - 鬼叫自己個團啲人唔爭氣, 唱嚟唱去都係咁鬼樣), 但你係長輩, 係行內有名有行頭, 接得單生意, 都要交足功課喔???? 好簡單的道理吖..... 竟然, 最後尾二一晚的排練, 可以話因為約咗人地去聽音樂會而唔嚟???? 已經指得渣過人, 好心就努力啲
, 將勤補拙啦.... 原來, 真係可以係小小事情上便睇到一個人的人格
今晚曹老師又再pay extra efford同我地練嗰首"混亂好濛"
, 昨晚同中樂小組夾過, 今晚要再指細一啲咁樣去執, 因為要珍惜機會同那個"香港x樂團"夾下.. 原因???????? 咪就係那個"香港x樂團"的人鬼咁串
, 成日無人嚟排練, 曹老師上個禮拜嚟咗嗰啲練習都唔出席.... 反而我地個團嗰啲人, 係個團入面潛伏成年, 都係為咗每年的這兩星期可以跟曹老師學習寶貴的音樂知識....
其實"物以類聚"係非常啱嘅, 所以那個"香港x樂團"咪就係由胡混作曲家做總監架囉... 如果一個人或一個團要做到臭名通行遠播的話, 我可以介紹你知, 呢個團一定係其中的表表者...
就係因為呢啲人唔嚟排練, 呢幾晚曹老師都在"教訓"我地... [唱合唱係一定要一齊練歌的, 並不是你一個人返屋企唱熟咗就得... 我地仲要聽隔離左右啲聲, 聽琴, 睇指揮, 有好多野係要大家一齊去夾, 去攞共鳴音, 去找"和"的地方, 仲要夾吓大家點樣輪流呼吸, 咁樣先至係合唱]
今晚, 曹老師又以身示範俾我地睇, 一首"混亂好濛"的歌, 點樣係曹老師的手中化腐朽為神奇, 可以變得很有層次, 經過佢啲arrangement, 可以令你唱得特別有感情, 直頭真係能夠將首歌的情感, 唱到去聽眾的心坎裏...
佢仲教咗我地唱合唱隊, 就好似教育一樣... 人為什麼要受教育????? 就係因為要學什麼可以做, 什麼不可以做... 究竟要點樣做.. 人在社會裏, 不是你想怎麼樣便怎麼辦的... 你係要同人合作, 要係規例中生存, 要適應社會... 就正如合唱一樣, 你係要同人地一同唱, 不可隨時按你自己的意思去唱, 要睇指揮, 要跟拍子, 要聽琴囉音, 要承上接下, 要尊心用腦用思巧, 有理智的控制地去唱出感情... 佢仲舉咗個例子就是音樂其實好比科學, 兩者都是同時需要有理智及創意, 而且都是好科學的(因為音樂的拍子好比數學, 都係要準確計算的, 不能差一分一秒), 佢仲講咗一個case就係愛因斯坦都係好喜愛音樂的(其實好多好多古時的科學家都係好精音樂的), 佢就係拉咗三日三夜小提琴之後才想出了相對論呢!!!!!!
我自覺曹老師說的就是太對了... 現在的人, 個個都太自我中心, 個個都要好有性格, 個個都要跟自己意願行事, 究竟有無人明白, 係應該"你"來適應這社會, 不是個社會來適應"你"
