Campfire's burning (2008.04.15)

嚟咗就快兩個多三個月，屋企人同好多朋友都關心我 － 開始覺悶味？

答案係 － 未嘅！！！

點解？早輪的天氣先叫開始回暖，日日有番的太陽，咁阿肥鬼就話下星期佢放假個日都咁好天氣，我地就出去燒咗的樹葉啦我聽到有野玩，梗係兩眼發光啦。。。所以，跟住個幾日，我好努力咁日日出去掃樹葉。。。

掃咗幾日，都叫有的成積咁啦，所以，今日天色咁好，我地就開始咗呢個營火會 （本來真係諗住買野返嚟燒野食，點知行行吓，又唔記得咗。。。）

算啦，下次先BBQ啦，準備好水，樹葉抓，摌等用具，我地就開始我的第一次海外營火會！！！！

要撻著呢個火，比起以前我同的童軍去camp時開始營火會個火，真係易好多，因為阿肥鬼好懶咁，淋電油落去，跟住點支火柴就著啦。。。

個日都好鬼大風吓，所以的火勢都很猛。。。











轉眼間便燒到見到灰同出晒大煙，就以為燒完，點知原來係因為下低的樹葉仲係好濕，所以只係燒到面頭見到光個的比較乾燥的樹葉。。。






我屋企後面有一條橫向的小河，我地就咁樣係河邊燒樹葉，的煙就沿著風向，漂晒去隔離屋同河對面個家人個度。。。
















燒咗一陣已經開始黃昏，又有一點凉意，我梗係走番入屋，等肥鬼一個係出面看火！！哈哈！











淋咗幾次電油，但最終的樹葉都係太濕，燒唔著，只係不停出白煙。。。唯有放棄！






點知，第二朝一早起身，發現個埋火，因為太陽猛烈的照耀著一整個早上，變得很乾很熱，竟然自己撻著番個火，所以阿肥鬼一早就要走出去救火！！！






哈！街坊装消防員一名！！











兩日一夜的營火會告一段落，明年再會。。。。

Hail (2008.04.12)

今日一早肥鬼返工嘅時候，天色還是陽光充沛的。。。。

但係下午開始整餸嘅時侯，就發現突然間天開始暗，係好短嘅一陣間，個天就暗到好似就打風咁樣。。。平時（入咗四月之後）應該成八點先開始黑

然後，就落咗一陣雨，好大的雨

跟住，個天又光晒喎。。。變番正常的下午

我整好餸去咗睇電視，無再留意出面天色，隔咗一陣，個天又黑過，我以為梗係又落雨啦。。。

但係，點解會咁嘈呢。。。。好似有野打埋去度門咁。。。跟住我望出去，唔似落雨囉。。。好大粒白色一點點的東西。。。

睇清楚。。。呢的唔係泥土的養料。。。






門口嘅地毯都好多。。。。






都有黃豆咁大粒。。。






呢的就係hail - 雹,冰雹，係香港未見過架。。。。。

取貨 (2008.04.08)

望穿秋水。。。我的五個超大紙箱到啦。。。

因為有成五個大箱，我地要搵肥鬼老豆嘅貨車先可以去取貨。。。。

你睇佢架車好攪野，度門左右兩邊開架。。。











係回程嘅時候，因為的箱實在太大啦，我係要調轉頭嚟坐＋望實的箱，驚係路上跌咗就大鑊啦。。。

其實的箱都已經半爛，所以我諗的海關都無乜點查囉，基本上佢地都睇到入面係乜嘅。。。最後，係門口我地以經"處決"咗一個箱佢，得番四個箱入屋，但係你地都睇倒，左面個箱都已經唔係一個完整嘅物體，所以我用咗幾分鐘就解決埋佢。。。






好！尋寶遊戲現在開始，因為我無寫低邊箱打邊箱，所以其實個箱入面有的乜野，我都唔知架，開到係乜就係乜囉。。。

一開始，我就搵到鋼琴小姐嘅禮物，真好。。。現在就擺係個正在裝修緊嘅廁所用緊囉！！！






跟住開吓開吓，就搵番我嘅廚房孖寶 － 西施飯煲及電熱水煲。。。

我上次過嚟嘅時候，睇嚟睇去，呢度的電飯煲都係無香港個的咁先進嘅，加上，我完全搵唔到電熱水煲的踪影。。。但香港嘅電飯煲個插頭又唔啱用。。。點呢？好在我嘅肥仔細佬咁啱係日本公幹，就幫我收購了呢兩件孖寶，再寄返香港。。。我再pack入箱寄埋過嚟啦。。。點知最後，我的屋企人改了行程 － 去完日本先過嚟早知等佢地買過嚟咪得囉。。。











好喇！係時候開埋我嘅另一寶藏 － 阿媽給我的紅色bedding set。。。開咗之後，我即該去換上呢套新嘅床單啦。。。轉個頭，我就發現了 －

話說中國人興貼左右門神係門口。。。我屋企反而有"活動左右門神"，仲有時可以客串做埋"活動左右床神"。。。大家睇吓。。。











我嘅"左右活動床神"咪就係呢兩隻野囉 － 肥仔 & 瘦妹，每朝早我一執好床，佢地就即該埋位，真係有野食都無咁準確，佢地真係好鍾意呢兩個皇帝位。。。

















算啦！為咗慶祝我嘅廚房孖寶能够係呢度發光發熱，我今晚立即煮番一餐電飯煲白飯 ＋ 肥鬼最鍾意嘅西蘭花炒牛肉。。。