你堅離地 定係 我堅離地

2020.3.26
講開有屋企人係英國，又有屋企人係澳洲，我仲有好多以前的香港中同 (中學同學) 係美國。

或者咁講，(總結) 可能其實只係得我一個不能真正脱離香港吧！(下面都只係廢話，無時間可跳過了，哈！)

佢地全都不約而同地，係短訊 chat group 入面或 電話傾談中表示唔知香港依家緊發生乜事(!) 已經唔係講嗰的"無可疑"嘅跳樓浮屍案，而係很多重要的事態發展，例如議員比黑警拉咗，或柒婆決定禁酒等等等。或者呢啲你都可能歸咎於香港距離實在太遠了理唔到咁多！！算！！

但係其中一個住美國嘅同學，係問我"加拿大都爆疫症咩？我真係唔知喎！"!!!!!!

加拿大第一個確診個案係1月25號發現的 (又係武漢返嚟嘅男人) 跟住時空轉移到3月20號連 Greenland 格陵蘭都有第一個確診個案時，你係要真係幾咁不問世事，先可以住美國而不知加拿大都有好多確診個案 (好耐了)

呢個同學傾電話嗰陣，佢都已經 WFH 好多日了，依家差唔多全世界都在家工作，你唔係真係話我聽，你坐係屋企朝9晚5好似返工咁樣？成日對住電腦連新聞都唔睇吓？仲要佢太太係加拿大公司工作 (每年都要嚟呢到出差) 唔好講話關心世事咁偉大，好奇心知道吓疫情進展都無嗎？

===========

我想講嘅係，依家全球一體化，全地球都係一個生命共同體，一環扣一環，係呢到發生嘅事，影響的唔單止係呢到嘅人，同理，好多係其他地方發生嘅事係會影響到嚟呢到，所以真係要知出面發生緊乜事。(Hello!  呢個係叫全球大流行！不是本地大流行呀！)

其實唔止呢個同學，我的美國 / 加拿大朋友，全部都好似同全世界完全脫軌咁，完全不理世事，澳洲決定封關6個月唔知 (會講到呢樣野係因為佢地個個諗住5月就完架啦，一切回復原狀，我就話佢知澳洲政府有咁樣嘅措施，從呢點可以預計唔到8月都未必會正常番) 歐洲爆到飛起又唔理，其他國家點樣對付疫症又唔知，仲係停留係乜都聽政府話 ok 就 ok 淨係睇電視新聞報乜野都盲目照板全收，淨係自己可以過正常生活就ok了，另一類都係聽黨話嘅人，即係嗰的只聽共和黨/民主黨論調的人，盲目的為反對而反對，不理政黨背後政治控制手段。

係早期我已經同呢邊的朋友講唔可以信 WHO 結果當然無人聽。直到有一日，那個朋友好似發現新大陸咁樣短訊比我，話電視播緊個節目講WHO點樣投共同埋比中共操控！！！我已經無興趣覆了，其實係要話我知過去三個月我講的你都沒有在聽嗎？

==============

其實我真係好 "拋of" 自己係香港人，由2019年6月革命開始，香港人嘅反應快/ 識轉彎真係超級無得頂，全世界各地嘅香港人都湧晒出嚟，做翻譯，報新聞，突然間令到我地對世界各地嘅時事觸覺 / 敏感度大大增加。
可以講話每個主要大國嘅新聞香港都有人監視住，半夜都有update,  你話佢係抽水都好啦，至少仲未有任何一個大國做到呢樣野。(美加嘅新聞就更加啦，唔好話國際化，淨係東部唔知西部發生乜事，好多都淨係報自己個州嘅新聞就算)
好簡單嘅例子，進入咗全世界封城之後，油價即刻降低，連肥鬼都影咗張相，佢的朋友都不停話呢個州有幾平，嗰個鎮又幾平，但係無人知無人睇無人理佢點解突然間一跌跌到咁半，其實係布甸同油皇玩減價戰儲cash 最後要到幾時先有呢邊嘅新聞講呢？就係近來的新聞講侵侵同佢地枱底傾好咗個 deal... blah blah blah

2019年香港人眾籌去全世界賣廣告
(依家台灣都識去到 new york 落廣告)
2019年出文宣再叫香港人翻譯當地語言
(小英總統 twitter 對 WHO 的回應都係叫 blog 友釋完再散出去)
放開咗嘅眼界返唔到轉頭。
很明白在地生活好緊要，因為一個人能夠做到的真係好渺小，但依家唔係1600年荷蘭開船嚟台灣要好幾個月時間嘅嗰的日子，依家要知道世界發生緊乜事易如反掌，咁樣都唔去留意去關心，吓吓都等所謂記者電視台播比你睇，自己唔主動去睇新聞，去揾新聞嚟睇 (仲要自己 fact check 睇多幾篇去諗吓個事係落係邊到) 就會温水煮蛙，即係有日的人餵你食"米田共"你都唔會知。

愛國之心

2020.3.19

同屋企人講電話，係全球一體化之下，我現身處加拿大，有家人在英國，也有家人在澳洲，主要家人在香港。

我地全部都係"敵不動我不動"嘅主張，所以唔明的人點解會咁樣飛嚟飛去？保持原地不動盡量唔出街，感染機會係零，係外國普遍城市都係低人口密度，自己揸車出街感染機會都仲係好低好低，但係你係香港人口密度超高，仲要你一出街就用公共交通工具，個感染機會就高咗好多，更何況係飛機？超密閉空間入面長時間近距離接觸困獸鬥，咪玩啦！

另一個主要原因，其實係呢到已經係我地嘅家啦，仲走去邊呢？
之前同朋友傾計嗰陣講過，我地大家都好唔明依家的人嘅愛國心究竟係邊到嚟嘅？

我好記得，讀小學嗰時本手册第一頁個人資料，係有藉貫呢樣野嘅，細路嗰時從來都唔知"藉貫"係乜野嚟，問阿媽呢到填乜呀，佢話廣東惠陽咁咪照填囉。

雖然細個每年聖誕都會返大陸，但如果你係同我咁上下年紀嘅，都會知小時回鄉係乜野一回事！

好似走難咁樣，帶好多物資番去，大陸治安一步一驚心，過關時人頭湧湧，無秩序無禮貌，偷野搶野無日無之，勁多乞兒係火車站或飯店門口圍埋嚟，環境污糟邋遢，街上的汽油味，香港都唔算先進但係至少有電有燈有熱水，而返到去就好似去咗石器時代咁樣，總之就係恐怖。

自己唔係嗰到出世，唔係嗰到長大，又點會無啦啦有故鄉的感覺？更加唔好講乜野藉貫/故鄉，已經全部係呢的唔好嘅印象，更加唔會有愛 / 光榮嘅感覺。係完全無感覺，又何來感情？

到大咗之後，突然間填乜野表格都要填 nationality... 乜嚟架？點填？的人話填 British咁就填 British 囉，但你問我，我都好老實答你嗰時我係一頭霧水架，可見當時我嘅生活真係距離政治好遙遠。。。

所以你問我，我真係唔明的人點解突然間咁愛國？
仲要係咁樣嘅疫情之下，你覺得返大陸真係會有救？

有錢使得鬼推磨

2020.3.18

係2020.3.14 日本的 不安倍增 大手筆捐錢比 WHO "得啖菜"

"得啖菜"收咗錢梗係好快手回應，日本疫情控制得好好咁啦！！！

再過多機日，呢的互相扯貓尾嘅國際機構就出決定話東京奧運可以照去。。。

安唔安全就唔理你啦，關人L事。。。
不過個天就好似比緊的 signal 大家咁囉

BTW 2020.3.20 澳洲話要封關最少六個月。
你諗你。

清場

2020.3.18

係武漢清場(焚燒全城) 之前，都係咁樣將的記者(香港有線) 鏟走晒架。
依家仲要咁高調向全世界宣揚香港完全一國一制，即係將要解放軍入城吧。
雜種同柒婆先係攬炒之皇呀。

真相

2020.3.18

不願面對真相的國度。
從來只有將提出問題的人解決咗佢這一個方法。

依家攪到全世界停頓了，距離八國聯軍還遠嗎。
快的啦，等唔切了。

其實你問我，我係絕對相信中共整呢個毒出嚟同全世界攬炒，再懶落去的蝙蝠野味嗰到，已經係幫中共洗白，可惜的是 "你愛祖國，祖國唔愛你" 呀！

今年今日 2020.3.17

巴西 里約熱內盧
(網上搜圖)

Deja vu

2020.3.15 (日)
出咗去例行買餸日。
好似去咗戰場咁。

話口未完，全世界好似停頓了一樣。從來未有如此感受過全球一體化嘅威力，直到佢停止嗰一刻。
七大洲入面嘅四大洲都決定暫停人口流動 (亞洲/美洲/歐洲/澳洲) (只許緊急外遊) 可以講，今日會係呢個世紀入面好緊要嘅一日。

Deja vu
意思就係好似發夢咁樣一件事經歷兩次
係一月尾二月，我已經從屋企人給我的相同通話，完全感受到人類瘋狂的行為，狂買口罩，狂買廁紙，買米，買藥。
然後到一個月之後，係呢邊又一模一樣的發生了。
其實人類幾時先會接受無論係黑人白人黃人，其實全部都一樣。

做超市的舊同事給我傳來照片。

本來我都以為呢邊狂買廁紙嘅可能性真係低，因為呢邊好多人都住獨立屋，差唔多家家都有個pantry (儲物櫃) 什至地盧，又有儲糧嘅習慣 (因為呢邊唔係日日買餸的，通常都係一星期一次) 而且呢邊真係唔係日日去街市買新鮮食物嗰類，好多都係食急凍肉加大量加工食物(罐頭食物/早餐嗰的穀麥片) 再加呢邊興買超級家庭裝的食物，真係家家都係3/5/7日唔買餸都攪得掂嘅，點解一聽到叫人最好有兩星期糧食就變咗世界末日咁樣？

今年今日 2020.3.13

呢個大愛左膠，依家連個老婆都中招喇，先嚟做野。

自己住喺呢度，好明顯睇到，明明尋日仲係"唔洗驚，無事架" 到咗今日即刻收音機都不停講。

做西方領袖做到柒婆咁嘅水準，依家先嚟cut 航班，都飛晒出嚟啦。。。所以覺得呢邊的國家無得夠就係咁解囉！

罩唔罩

2020.3.12

見到因為意大利淪陷了，好多人都話歐洲美洲人唔戴罩的問題。

更多的新聞就係關於歐洲部份國家的反蒙面法。

其實，大家要擴大個角度嚟睇整件事，要睇番歐洲嘅反蒙面法係近年先至有嘅。點解會無啦啦整撻啦呢？
咁就要講番幾年前，好很多中東難民湧入去歐洲，其中好多成功移民的，同依家嚟香港嘅新香港人一樣，不願意入鄉隨俗，繼續包實晒嗰頭淨係露出對眼。所以的國家攪到要整反蒙面法，要有醫生紙先可以包實晒嗰頭，逼佢地真真正正裏裏外外變成一個歐洲人。

呢條例成唔成功我唔知，我淨係識一句英文：
"A man maie well bring a horse to water;  but he can not make him drink without he will"
"就係牛唔飲水點撳得牛頭低" 咁嘅意思

接收難民/移民係好複雜嘅一個議題，今日唔詳細講。
只係想講一個政府要逼人去做 / 唔做 一的野，其實都係大政府的表現。呢的就係美國保守派嘅一個主要堅持 (時刻保持最高個人自由，不要大政府) 。

依家歐洲國家好多都行社會主義，以現在嚟睇就係好多野都好民主咁樣用公投決定。
但係，只要人口比例出現大距離 (移民多過本地人)  同埋越嚟越多人對個政府好安心唔多理 (所有和平國家耐咗都會)  社會主義變共產主義係好快的。

而且，政府控制人民，以現在情況去解釋，就係好快會咬番轉頭，之前你唔想人包實個頭，就立個反蒙面法，依家疫症來到了，有無口罩供應係一回事，你想人依家戴口罩咪變咗自打嘴巴！

今年今日 2020.3.12

2020.3.12

連藥都係淘寶嚟嘅，直接同大陸接軌，全部送上去方舟醫院啦。。。咁咪唔會再有人湧嚟香港囉。。

停頓

2020.3.11

地球沒有停頓下來。
世界上貪心嘅凡人，死都唔會比經濟停頓下來。
有疫症都唔例外。

同侄女講電話，香港的教師全部一夜之間變晒做 youtuber 我覺得老師同學生都好慘情。點解唔可以大家一齊放一個悠長假期呢？
點解經濟一定要運行？
點解一定要去旅行？
點解一定要返工？

中國共產党整個咁毒嘅武漢肺炎出嚟同全世界攬炒，當然可恨，但係從另一個角度睇，個地球終於有機會轉番慢的，都係好事。

唔好講話乜野國家經濟秩序大洗牌，而係所有國家係全球一體化 (globalization) 高速運行咗大約30年之後，突然間有機會喘息一吓。

目前嘅環境真係灰到不得了，但係比我見番我阿媽對眼！佢係個的夜晚唔瞓覺嘅人嚟嘅，武漢肺炎之前，年年月月都話唔夠瞓，所有家庭合照都要同佢 key 番對眼，依家侄女停學，家人大都 home office 人人都大多數時間盡量唔出街留係屋企，佢唔洗日日煮餸，佢終於可以日日瞓到自然醒！！

而侄女呢的中學生，突然間學會了網上學習，唔係日日淨係返去學校老師講乜就讀乜，我覺得就算再返返學之後，佢有洗腦教育我都唔怕你。

同香港朋友傾電話，大多數就係突然間要係屋企咁耐，好似有蟻咬咁樣。
我問阿媽，你以前成日話想執拾吓屋企的櫃，不過無時間！想織件衫，不過無時間！依家大把時間啦！

香港人，係時候學吓慢活了。
好好認真的休息一吓，疫症過後先可以充滿幹勁的重建香港！

=======

我都為自己增值，今日去了學復修西洋凳。

尋日用咗大半日將所有布料同入面的棉都拆晒佢，成張凳起釘。

今日用咗成日去整。返嚟腰骨都斷了。
呢個只係入門的程度，約好了4月再去學整另一張較高難度的凳。

唔使急最緊要快

2020.2.9
的燒屍爐24小時開工都唔夠快，又比人 mon 住的二氧化琉濃度。

2020.3.8
Plan B - 成班送晒去"隔離"酒店，再將間酒店整冧佢，快靚正，乾手淨脚。原地埋咗佢仲方便過食方便麵。

間酒店係 2018 年先起架，党為咗你的蟻民都犧牲唔少架。

見風駛舵

2020.3.6

其實呢的店一路都係度自己收窄自己嘅客路，直到完全依賴了大陸人。如今有疫情就話唔再做大陸客生意，真係大陸人嘅特色，見風駛舵。

No good deed goes unpunished

題目嘅呢句英文，係肥鬼教我的。
句字意思係話"好心做的事必會受到懲罰" !!!
咁奇怪嘅，同我地講開嘅 "好人有好報" 係完全相反喎。我初次聽到呢句野嗰時以為我自己聽錯。

話說有一年肥鬼參加一個哥爾夫球的籌款活動，係大抽獎時抽到了一個大電視。嗰時我地屋企都唔需要電視機，反而係肥鬼有兩個窮鬼朋友，一個需要剪草機，一個需要冷氣機，咁我地就退咗部電視將的錢買佢地需要嘅野比佢咗佢地。
財散人安樂一日唔夠之後，就發現我地架車要換過的呔，價錢啱啱好就係退電視機嗰個錢。
然後肥鬼就講咗上面呢句野出嚟。

經過一段日子消化呢句說話，佛系咁樣去諗個解釋：
人一生作嘅業，注定係要自己承受的，你做好人好事幫咗佢，咁嗰個業咪去咗你度，就變咗係你頂咗佢咁囉。

=================
2020.3.5

你睇吓日本，作為第一個申出援手嘅國家，係武漢肺炎呢件事上面，換嚟嘅結果就係勁多人感染同確診，大陸有多謝過一句？大陸會當你係朋友？

日本送比大陸嘅醫療物資
上面寫住 "豈日無衣 與子同裳"

日本送比大陸嘅醫療物資，
上面寫住 "山川異域 風月同天"

2020.2.8 日本貨架，口罩賣晒
沒有不停的雨，天一定會晴；相爭不足，共享有餘

2020.3.5 日本暫停港澳旅客免簽證

大陸仲要即刻改寫歷史，

係2020.2.27 開始將武漢肺炎"變"做日本肺炎

係網上5毛講得多的，洗吓板

好快就會變事實架啦！

日本攪成依家咁樣，第一原因就係 "不安倍增"想保住個奧運，第二就係同佢地自己個政治制度有好大關係 (同韓國差唔多，比財閥控制晒) 所有野經濟考慮行先，還有就係非常嚴重的官僚主義 (bureaucracy) 例子：神戶大學醫學院教授岩田健太郎上去鑽石公主號幫手，比高層處處留難，根本唔係為咗解決事情。

究竟人類係要發生幾多次切爾諾貝爾核電廠嘅慘劇先會學識改進？係日本同韓國疫情爆得咁勁嘅一個共通點，係呢兩個地方都係要求別人/下屬/後一輩/年青人絕對聽話嘅地方。
韓國經歷咗世越號事件開始醒咗少少，但係整體上仲係上面嘅話晒事，縱使你有理都好，唔聽話就唔啱，好啦，疫症大流行，病毒無眼，睇吓最後死去的會唔會包埋呢一堆。