God is Good, Today is Great!!!

今天因為肥鬼要去物理治療，晨早起身。。。（是下午3點才上班呀）
都起來了，就打掃打掃吧。。。

在窗口掃地時，覺得窗外有點不一樣

 

 

 是來飲水了。。。

然後又再看看

肚餓了，要來食菜吧

呢刻最攪笑，因為鹿站著的那位置，係鴨每日晒太陽的神位，但見鹿來了都要快快走頭

2014/2015 冬天

來這邊之後，每年冬天，我都喜歡記錄天氣。

幾時落雪呀，幾時結冰呀等等。

 

唔似係香港，只係得番夏天同冷氣機冬天，呢邊都仲有明顯的一年四季。

 

夏天呢，當然就係懶洋洋的度過了。

我不太喜歡熱，一熱就乜都唔想做（所以都無記錄）又唔太鍾意晒，

最多就係出去睇睇我的菜，最怕出去一陣就由頭濕到落腳個種熱。

 

但係冬天呢，對於我呢個由細到大都未見過落雪的人嚟講，仍然係好fasinating

好在我工作的地方很近，我暫時都仲係覺得落雪好優美呀浪漫呀。。。

（大部份討厭冬天的人都係因為落雪又要揸好遠車返工，實在很危險，而且很麻煩。

本來２０分鐘的路程遇著落大雪可以變成個幾兩個鐘）

 

每年的冬天，都好多人會預測，一個話會凍，一個話多雪，每次都無人中。

 

2014/2015的冬天

第一場雪，係2014/11/18

係感恩節前不久，就落了第一場大雪，兩日一夜的雪花紛飛。。。

 

 

 

 

地面上都薄薄的舖了一層雪，仲可以睇到個小池塘都開始結冰了

 

 

 

 

係11月呢次之後，成個12月都無落雪，淨係凍。。。好很凍 

真係可以話係無雪的聖誕。。。

 

但係12/26旁晚就有呢個晚霞 

 

 

 直到2015/1/4，係superbowl的日子，
本來仲約了肥鬼一家去其中一個屋企睇球賽，但係一早開始就横風横雪

 

 

 

 

 

最後 －　邊到都無去。

這樣的落了整整兩日，要係下午差不多一呎個陣出去摌雪一次，到第二朝先又再摌過。

 

好在這樣的大風雪只係2月8日又來了一次咁大把，但係無雪換來的就係凍。

 

凍凍凍凍凍

 

屋企附近有個垃圾山，有個大煙通長期燒著以防沼氣積聚。

個火長期係藍色的。。。

（中學科學有用過bunsen burner都知最熱的火係藍色）

但係2月15日個火凍到變橙色

係長期晚晚都-15度

 

好在3月尾去了一星期Florida暖番一下個人。。。

是妳嗎？

今天休息日。

 

下午突然聽到妳的聲音。

 

噢！～ 噢！～ 噢！～

噢！～ 噢！～ 噢！～

 

是告訴我春天快要回來了嗎？

 

（照片來自網上 free wallpaper site)

見真身！！！

頭先啱啱去完郵局番嚟，行到入屋除緊大衣之際，望到咁大隻松鼠掛係我棵樹到。。。

（呢張係隔咗個窗的防蚊網，所以咁濛）

 

 

再定睛望一下，不得了，即刻去立相機

 

但，衰在今日著錯衫，著咗粉紅色，太sharp了，一企近窗就比佢發現我了。

 

佢即刻飛去對面。。。

 

 

我地搬嚟呢到兩年喇！成日都聽到

啊！ 啊！ 啊！

但係從未見過真身，今日好日呀！天文台話嚟緊幾日會跌到零下15F

所以佢都要出嚟搵食？

 

 

個頭可以擰到咁，仲唔係傳說中的貓頭鷹？？？

 

（oh no!!!!!!! 比同事睇睇，佢話呢隻係sparrow hawk不是貓頭鷹。。。）

 

 

我仲睇住佢一個轉身放底好大一篤黄金萬輛先走呀！！！

 

下面係我後園個隻成日打較的松鼠

 

 

 

同埋佢點樣倒樹蔥搵食

 

仲有我最鍾意的黑白雀

 

今日松鼠霸咗晒太陽好位

（松鼠企的個條木係平時的dove一字排開的位）

 

攪到的dove全都要行埋一邊

（係上左一堆）

 

跑步機上

踏入2015，承著新一年又老一年的感慨還活躍的時侯，

叫自已要再次努力身體健康，所以又開始了每日運動時段。

上一次認真的有決心運動，係2013年8月，因著年尾要返香港（不可以太過嚇人嘛！）

所以要自己減肥，就跳鄭多燕，一跳跳了5個月，直到係香港返美國後，

一鬆懈了，沒有了動力再加上聖誕，就全軍覆沒了。。。

今次運動心旺盛，由1月到依家，每日行／快行／跑 共90分鍾，直到今日還未斷過。

 

我係行漸進式的，即係90分鍾入面的速度係1 - 1.5 - 2 - 1.5 - 1

（這是第一星期的速度，依家已經加快去到 2 - 2.5 - 3 - 2.5 - 2)

再加上斜度6-4-6，平均每日3里。

 

希望自己可以堅持，至少長過上一次的5個月。

 

 

又再一次運動，少不了就係MP3入面要有大量好歌。

 

嚟呢邊之後少咗聽收音機，我已經變到 out date 到不得了。

係MP3入面搵嚟搵去，都係得個幾首快歌，但我明明記得以前讀酒店系上晨早8:30的堂，

朝朝7點由荃灣搭地鐡去柴灣，係一大堆快歌嚟pump up自已，去晒邊？

 

落去地壚搵搵

比我搵番

你唔會信我以前係聽呢的架！！！哈哈！！！

 

 

 

即刻將佢地倒入去MP3 （我相信淨係呢樣已經超老土，仲有人咁做嘅咩？）

唔好講笑，將部MP3插入去跑步機出聲，都仲嚴的聲音太遠，一定要用headphone將的聲直接pump入腦，你會發覺自己對腳會不自覺地越行越快，好想跟首歌個bit去。。。

 

副作用

跑完好耐之後，你個腦仲係好似聽到boom-gi-boom-gi-boom-gi嘅節奏。

哈哈哈哈

Jogging 2

So as this one also...

容祖兒 Joey Yung《隆重登場》Official 官方完整版 [首播] [MV]

Jogging

Trying to start jogging again, for the x time!!!!

pick up my MP3 and surprise, it is still some old song that can pump you up.

鄭秀文 - 一夜成名 [1997]

跑鞋記

因著又再開始跑步，對自己現在及過去的跑鞋，做個對比研究。

 

第一對

Asics TN626 Men Size US8

(呢對鞋已經打柴很久了。點解仲係到無丢咗佢？)

阿媽話，因為我由細到大一路都唔鍾意著拖鞋，

任得對脚自由生長，所以整到我係一個超級大脚八。

大腳好多人都係，但通常佢地都會同身高成正比，

而我就是通常以外的人 － 不是太高但有一雙大腳。

在十多歲，四呎幾五呎高個陣，已經著7－8號鞋。而且我仲要係腳掌很闊的，

以前返工要著高跟鞋又唔鍾意太緊，所以係香港買高跟鞋要買11－13號

（成日一搵到就要一次買幾對，一唔係就要訂做）

連著波鞋都要裝8－10號（亞洲人的鞋模都係偏細！！）

而我每對鞋的死因都係一樣 － 每對鞋都係腳指尾穿洞！！激死我，

好多時都好似上面呢對咁樣，全隻鞋都不是太舊啦，就係兩邊穿洞！！腳指尾透氣！

因為仲好新，成日想搵有無舊鞋回收，但肥鬼話捐爛鞋好像很過份，

所以就擺到依家都仍然不知點算好！！！

嚟呢邊之前，我未著過Asics架，只係有跑步朋友著過話好著。嚟到呢邊，

搵咗份日行萬里的工，咁就去搵波鞋喇，又咁啱係清倉大減價的一堆入面搵到呢對，

咁就佢啦！（我係一個cheap精喇！通常都只係行清倉大減價的一部份）

我買鞋完全依靠自己試鞋的感覺，就算其他人點樣話邊個邊個牌子好都無用。

特別係腳形唔同，高矮肥瘦同每日要行的路都唔同，自己隻腳著上去舒服最均真。

買呢對係因為試落腳覺得能包實成隻腳掌又不太緊。腳板底有很好的支撐，

完全能感覺到腳板底的軟墊，有一定厚度，唔會覺得好似直接踏係地面咁樣。

第二對

Asics GEL Kanbarra 6 Men Size US8

呢對係依家著緊嘅鞋。

現在因為係零售業返工，日日行行企企成9個鐘，

所以我係有幾對鞋交替著，咁樣對鞋唔會死得咁快。

 

係未著輕身跑鞋之前，我都係著呢種包實式跑鞋最多，因為每日行行企企時間實在太長，

我發覺係得Asics嘅鞋底給我的腳最多支撐（著好耐都仲感到步行時係踏在海綿體上的感覺，而不是著無耐就硬得像無著鞋行係石屎地板上）而這種包實式的鞋我係現在冬天著最多，

 

因為冰天雪地著輕身跑鞋對雙腳唔夠暖。不好的地方係好明顯著一整日係會有臭腳。

而且呢種包實式跑鞋，鞋面較硬身，我返工時常常要跪／蹲下，

腳板屈住的時侯就不太舒服，輕身跑鞋鞋面薄的，腳板屈起時會舒服的。

第三對

Asics IGS GEL GT2160 Men Size US8

 

呢對整體上同第一對好似。

不過又係鞋款問題，咁啱係腳指尾個位，係網，次次都係嗰到穿。。。

第四對

Adidas Kanadia TR3 AdiPrene US9.5

 

呢對。本來寄望好大。

佢鞋底係一粒粒的膠咁樣，先先著落都好舒服，但係耐咗就發覺個鞋底同的膠粒，

對全日著住９個鐘唔係好得，大半日就腳板痛。

第五對

Reebok RBK DMXFoam US Size 9.5

 

呢對係上當了。

買嘅時侯係夏天。試嘅時侯，鞋面的網好通爽，整對鞋好輕，

以為夏天著（多汗的）會ＯＫ

點知個鞋底好快變木板咁硬，

返半日都著唔到呢對。

第六對

Brooks PureCadence Men Size 9 Medium Width (D)

這對綠色的，是到現時著過最輕的，又是最舒服的。

係現時市面上很常見的light weight running shoes。

之前未聽過呢個牌子，但係工作的地方，

有一個老人家同事，她的背脊有問題，係她的脊醫介紹佢著呢個牌子。

當時曾格價一輪覺得價錢偏貴，而我個時仲著緊Asics都覺得好好就沒再留意了。

直至2012年8月北上旅行，途經一運動店入去望望，見到呢對清貨大減價US$69，

仍然覺得貴的（我其他跑鞋都係清貨大減價US$30-US$40）但係一試著真係好舒服，

輕身但仍可感到包實隻腳面，鞋底很貼我的腳板底，

著咗兩年到依家，跑的時侯仍感覺到鞋底的海綿體仍有好好的支撐。
 

此鞋另一好處係通風。著一整日都無臭腳。
但係呢邊冬天著呢對，大雪的日子雙腳會唔夠暖。
只可室內著或夏天著。

 

So far 呢對係我著過最好的，鞋面够輕夠薄，蹲低屈腳板都ＯＫ，同時鞋底又夠支撐，

最主要係，呢款鞋，係腳山位，佢係有條一吋闊嘅象筋咁樣紮實隻腳

聽落好怪，但就係呢個象筋令到隻鞋貼實隻脚

 

而我呢，耐唔時就要search睇下邊度做end of season sale，每次佢出新型號，我就等舊個型號做特價我先買，但搵嚟搵去，都要成ＵＳ＄７０－８０。。。

唯有再等等