見到個題目同埋張相，大家梗係以為我地最後一夜燭光晚餐
啦？答案就係
錯晒喇
．．．總括嚟講，係個邊成兩個禮拜，我發現每次行超市都會買的東西－就係香薰蠟燭(大大小小的、不同香味的、不同顏色的、係間屋度四處擺．．．)，咁我就係度諗
：“哇，呢度的人吖，乜真係咁鍾意點香薰蠟燭嘅
．．．”完全無諗過蠟燭本身的天然正常用途．．．基本上係香港住咗咁多年，蠟燭對於我嚟講，印象只限於好細個好細個的時候，仲住緊個啲要行樓梯嘅葵涌村的時候，仲要真係好細個好細個嘅時候，先叫做試過吓停電嘅滋味(得個幾次咁大把)，但印象已經好模糊．．．完全
無諗過係亞美利堅 － 呢個咁先進嘅地方．．．＝＝＝事發經過＝＝＝＝
個日，我地兩個人，係經過成兩個禮拜嘅多采多姿嘅活動之後，其實，都已經邊度都唔想去
，只係想係屋企攤吓
，睇吓電視，休息吓咁樣，所以，個日下午係買完最後一轉手信之後，我地就買咗啲外賣返屋企食．．．我地一路食，一路睇電視，咁阿肥鬼就係度不停咁樣催
我快啲去執行李快啲瞓，好可惜，我係個啲如果明天要搭飛機，我就會唔瞓覺嚟通宵執行李，然後上機瞓餐飽嘅人．．．然後，阿肥鬼就突然間話聽到出面落緊大雨，但係我個刻仲仍然係度發緊夢
，後知後覺，繼續係四週圍咪咪麼麼．．．時值半夜兩點幾嘅時候，正當我想開工執行李個陣，突然間“噗”一聲
，四圍漆黑一片．．．正當我不知所措
的時候，阿肥鬼已經係度點緊啲蠟燭，最後，我地由燭光晚餐，變為燭光執行李大會
．．．．好浪漫吖
，大家記得試吓喔．．．
