肥鬼間屋宜家咁睇，好似好光猛
，但係其實一到夜晚，因為有“燈火管制”嘅問題，所以週圍都烏燈黑伙，有“燈火管制”嘅原因，並唔係因為要慳電，慳電都係其次，乃係阿肥鬼好怕咁光(佢嚟到香港個陣，真係差不多要晚上都戴黑超
)，而我住慣香港，真係好怕申手不見五指嘅感覺
一入嚟間屋，左邊就係呢個sofa，但係長期俾呢兩隻野(肥仔&瘦妹)霸咗，你見到張相左面有個窗，佢地兩隻野就成日霸呢個好位－係度望街景囉
有時我霸到個位呢，坐係呢度睇書都好舒服架，係右面呢邊，主要就有呢個已經罷工嘅煙囪啦．．．我成日都追問－究竟佢點樣？同幾時先會復工架？？．．但係得來的，是比任可一個政府官員都更官方的答案－無可奉告．．．
咁係呢張相嘅右邊，大家就會見到呢個已經封塵嘅健身單車．．．係得我過去個陣時用架喳，其他時間，佢嘅作用都係要嚟擺嘅唶．．
係間屋右邊嘅，係實行"簡約主義"的 living room，就係得sofa同電視囉，由始可見，呢位仁兄嘅生活係幾咁簡單．．．可惜，這樣的生活快要去到尾聲了，皆因，孫悟空扥世嘅我快要來攪個翻天覆地．哈．哈．我來也也也也也也(回音！！)
跟住直行到尾，就會經過一條長走廊，係走廊左面係廚房，右面就係一列的雪櫃、中央暖爐、洗衣機、乾衣機加一個上到天花板的三層書架。
一個混亂的雙門雪櫃，因為我係度，所以咁多野食．．．
經過一條長走廊之後，就會嚟到呢面個dining area，其實呢度只係構思中的dining area，因為阿肥鬼得一個人住，佢成日電視汁送飯，所以都好少係呢面食飯，後來，放埋張電腦枱係度之後，佢就更加買咗張茶几係sofa個邊食。
而呢度呢張綠色sofa就俾肥仔霸埋，無他嘅，因為呢邊都有個窗囉；凍個時，佢地就坐sofa，朝早有陽光個陣，佢地直頭扒上呢張bar 枱到大宇形咁攤係度添．．
咁你地見到相的右邊有樓梯，個度上去就係bedroom，同埋呢，左邊個門出去就係後花園，出面有個小的露台類物體啦，都有張coffee table + chairs，仲有BBQ爐，閒時有太陽個陣，都可以出去BBQ或high tea一番咁啦！！！！
(下圖)
哪！！！瘦妹呢，就係咁樣跳呀、跳呀、跳呀、跳上張bar枱啦，然後呢，仲要好淑女咁樣擺個post你睇，佢成日就係咁樣係度望住我煮飯喎．．．好似隨時候命，一見到煮好就飛奔過嚟．．．哈哈
咁肥仔呢．．．我地見佢地成日坐，所以呢，就綁條繩係呢面，等佢地做吓運動，你睇吓佢 1)先瞄準目標，2)睇清楚上面有無異樣，3)出抓 4)噢，失手添，弊喇，去咗邊呢．．．
＝＝大西北之旅待續＝＝
No comments:
Post a Comment