Travel

前一段日子看到一則，類似上面呢個嘅新聞。

只要打"中國女學生洛杉磯入境扣查遣返" 不難揾到呢單 2017年3月7日嘅新聞。

所以，

今日就講吓旅行呢樣野啦。

依家因為全球化嘅關係，再加上平機票，去旅行真係好普通。

普通到

去日本旅行可以當係返鄉下。

去泰國好似去長洲咁樣。

但係，大家去旅行去得多，唔記得咗，

去旅行，唔係買咗機票，有護照係手，就大搖大擺咁去架。

其實講緊去第二個國家旅行，係你到埗落機之後，去過海關，

呢一步，其實係代表"你", 要求進入人地國境之內，

係你前面嘅呢一個，係阿Sir, 係 Officer,

(依家旅遊普遍到一個痴線嘅地步，

係的人覺得嚟旅遊係比錢你國家賺，

所以呢個阿sir 要提供客戶服務，要過境好快，

最好唔好問咁多，就咁比你過關⚠ ❕❕❕) 

阿sir 其實代表佢嘅國家，有佢國家比佢嘅權力，去審視每一個要求入境嘅人，

有無申請簽證呢的只係基本文件檢查嘅要求，

每一個要求入境嘅人，會唔會為佢國家帶來危險？

有無帶的唔比入境嘅野❓

所有呢的，都係佢要嚟決定比唔比你入境嘅因數。

而"你"，作為要求入境嘅人，係有著最大嘅責任，去證明你自己做足申請，

即係如果你係以學生身份要求入境，

你應該最好有個文件夾，有齊晒申請入學嘅文件，學校收你嘅文件，

如果已經有宿舍地址嘅，就最好準備埋住嘅地方證明，

記住，責任係落係"你"身上，你要好勞力證明你要求入境嘅理由的真確性。

阿Sir 係絕對可以唔比你入境架。

阿Sir 係絕對可以唔比你入境架。

阿 Sir 係絕對可以唔比你入境架。

(好重要，所以要講3次)

阿Sir 亦都唔需要理由。

所謂嘅理由，亦都可以只係佢覺得你可疑，就唔比你入境，

所以，番返去上幾行，"你" 要盡你最大責任證明比阿Sir 知 你係無可疑的，

而且，阿Sir 係有權check 你電話架，

因為係你要求入境，佢係有權搜你所有野，包括電話，

你可以拒絕unlock 個電話，咁佢會將個電話send 去 lab 度 hack 入去，

即係你攞番電話就遙遙無期囉。。。

而你唔想比人check 咁就即係更可疑啦⚠

其實

就好似你地好愛嘅祖國，都成日咁樣做喇。

(唔比人入境 同 困人係黑房審問) 

我仲記得，細個"真"返鄉下，因為文革剛完，

阿爸阿媽係身上有幾錢，幾多件衫，幾多手錶頸鍊介子耳環都要如實報告。

我真係唔明，點解調轉咗係美國咁做，的大陸人會嘈嘈閉，

又話叫中國大使館代表發爛渣。。。

又唔見人地入大陸可以發爛渣？？？

好喇，講到揾律師，

因為係你要求入境，呢一刻亦無任何檢控，

所以你係無得叫律師架。

其實依家的人，真係有的"人權"泛濫，

係唔係都話要求乜乜待遇，

而事實係你要求入境，亦即你自願比佢搜，

係肉隨砧板上，係自投羅網，

係你自己送羊入虎口呀，唔關人事囉。

講到尾，呢邊嘅人，係好注重信任，佢地base on 你係一個清白嘅人比個簽證你，

而之後比佢揾到你有可疑，例如問你問題你無如實作答，

即係你已經不可信，係可以即時取消你簽證，將你遣返，以及5年/10年/永久不准入境。

記住，以上所有野，大陸都做緊，嘈乜啫？