陳年舊 屎

揾到的超舊嘅野，
依家睇番覺得自己好低能。

買野鐘意留起單據嘅我，主要唔係睇洗咗幾錢，而係有日睇番自己嗰時買的野覺得好攪笑。

當年結婚，因為係香港同呢邊都同親友食咗一大餐，再加上黑仔嘅我地，咁啱結婚無耐嗰 septic field 玩完，要重新做過，超大工程，講完價都洗咗成USD$5000

所以我地無去渡蜜月呀，由美國香港來來回回的飛機河咪就係渡蜜月囉。

係直至 2008 年 10 月，同埋肥鬼細佬兩公婆一齊揸車 road trip 去睇呢瓜拉瓜大瀑布先至叫做係渡蜜月。
(嗰時邊諗到有日會係呢到住？)

Anyway,  呢張單據就提醒我咁大個女第一次 road trip 買咗乜嘢紀念品。

係 2008 年 10 月 5 號 嘅呢一日，我見番梘真係好平，買咗10 舊 番梘給自己做紀念品，真係低能。

嗰時第一次 road trip 唔洗理行李幾重，擔石仔都得呀，所以用當年加幣 1.99 嘅價錢買咗 10 舊番梘，自己睇見的番梘都覺得好攪笑，真係變咗做師奶之後嘅轉變自己都估唔到。