的起心肝，又出嚟行。
12月頭回美探親之後返嚟就開始懶，懶嘅藉口有上千萬個，總之就係唔願郁。
新一年，第一日，叫自己今年唔好再懶惰。
上一個冬天 (2016年/12月 - 2017年/4月) 不是太凍，第一個真的雪暴係2017/2/14情人節，連機場都收檔了，之後都只係普通的凍同埋零星的落雪日子。
今年，只是12月尾已經凍到出面港灣結冰了。
望住結冰嘅海面，好似去咗北極。
很奇怪，平時不能直視的太陽，比雲層蓋住之後就好似月亮一樣。
Halifax 係有名的不凍港 (代表冬天都不會結冰，船的貨運可以繼續) 海水不會凍結嘅原因唔係話呢到唔凍，只係因為暖的海洋水流不停從下面(Florida 佛羅裡達州嗰頭) 湧上來再鏟過去歐洲大陸，所以就算有凍嘅天氣不過的海水温暖都可以自動平衡而無咁易結冰。
但係嚟到內灣呢到，因為無咗出面大海嘅水流，所以只要凍佢幾晚，海水表面就會結冰，上年都有出現過，但就係好薄的 (好得意架，你係會睇到佢係厚定薄嘅，因為薄嘅冰面，你係會睇到下面的水係到郁吓郁吓咁樣) 不過只要出面 Atlantic Ocean 大西洋嘅風吹得勁的，又會打散晒的冰。
上面同下面呢兩張相好明顯睇到結冰嘅水面差不多去到水道(channel) 出面了
我覺得的海鷗好奇怪，咁凍咁大風，佢地都鐘意就咁坐係冰面。。。
呢兩張喺企正係碼頭影冰的邊沿。
上年，我以為淨係得我咁無聊先會咁做，原來人人都會架，係做乜呢？就係執石頭擲落去冰面，睇吓佢幾硬，睇吓可唔可以擲穿個窿或者係睇吓舊石可以滑到幾出，好好玩！而且離遠見到舊石仲係水面即刻冰未溶，有邊個會估到聽日會有個 "炸蛋風暴" 會嚟吖，半日嘅風就將呢的 5吋厚嘅冰打碎晒。
No comments:
Post a Comment