一天一地都係雪

落咗足足日幾嘅雪。
尋晚旁晚開始落冰雨，所以今日出去行，係hard top crust 即係踏落去雪個面係硬嘅(結咗冰) 然後再落去會係踏空嘅，因為入面的雪係fluffy 嘅，然後再踏落的底部就係 slush/ice, 因為下面個的有的溶緊有的結冰，所以今日真係堅行到腳仔軟，因為每一步都要提起隻肥腳再用力踏落去，直到感覺下面的雪pack 實在先行第二步。。。

我同呢個島起咗嗰名，叫孤獨島。
其實佢又唔係咁孤獨嘅，不過係呢個視線角度睇落係零零丁丁咁樣，係另一邊睇，佢同左邊岸係連埋一齊咁架。

今日睇的石塔仲明顯，阿大叔真係好有心機砌。

呢個公園仔無人嚟玩唔係重要的地方，無人嚟鏟雪，的雪去到膝頭哥。。。

路邊的石柱，睇到雪係溶嘅過程中結冰了，薄薄的一塊吊住係度。

石柱上面積聚嘅雪，揭個個 hard top crust 頂，就會見到入面的雪仲係蓬鬆嘅

呢個係硬蓋

呢張我揭開咗個蓋

呢張係入面fluffy 的雪

我都係手多多舊舊冰都撩吓先發現架渣。

行行吓，見到陰天密雲背後係藍天白雲。

呢兩張睇到陽光穿透密雲照在正正中間，金光閃閃，好靚。

仲有今日見到好多 "big foot"

"big foot" - 係美國呢邊傳說仲有好多深山大野人(猿人咁上下樣嘅) 8 呎 至 12 呎高咁上下，週不時有人過係深林露營嗰時撞到，又有人過見過佢地出嚟揾野食。