睇到條路嗎？好似同平時無分別呀。
今日一樣的路程，行了多一倍時間。
因為全程都是這樣的，要左閃右避。
睇到了麻？全部都係冰。
呢的舖得咁靚嘅地磚路，平時行就好囉，又平又靚，但係一到凍天，又雪又雨嘅日子，遇啱佢凍吓唔凍吓又再變凍嘅日子，就會攪成咁 - 成條路變咗冰路。
行係的冰路嗰度，令人想到依家的父母，不停為子女的將來舖路，越舖越靚，越舖越順，佢地無諗過就算你舖得有幾好，只要落一場雨，條路就會變濕滑，天氣再凍一凍就會結埋冰，跣死你，條路係佢嘅，你又唔可以代替佢去行。最致命嘅重點係：你條路越舖得平，佢越係滑，反而係要喺旁邊凹凹凸凸嘅草上面行先穩陣。
雖然以前玩過童軍，同埋有行山經驗嘅都知"黑泥白石反光水"的道理，但係就無教冰路點行，不過唔緊要，跣得多就識架喇！
就係"唔好行"!!!! 辦法只得一個，要行係旁邊嘅草上面。仲要唔可以發夢，因為就算係旁邊嘅草地，都可能有積水或者係路人行得多平咗，都會結咗冰變滑，所以真係要每一步都好小心，一定要揾有凹凸不平嘅路嚟行 (要有 traction, 有 grip 等個鞋底可以抓住個地)
今日咁樣行，唔單止時間耐咗，同埋行每一步都可能要申隻腳去試吓滑唔滑之餘，就係你每一步都要直上直落，咁先無咁易跣腳，所以行完返嚟隻腳真係軟晒。
(講行路每一步，隻腳要直上直落：
以前玩童軍，係要步操的。
係自己個團入面集隊嗰的都係小兒科，可以話只不過係"一堆人整齊的一齊步行", 後來去童軍總部參加了步操訓練班，再回來團裏一齊操練去參加步操比賽，真係好玩，有機會再講吓。
想講嘅係，步操時人人隻腳都係要提上來到90°再用力踏落去，每人的步伐要一致，咁先可以令人聽到踏落地嗰下聲音係一致的，如果有人無提高腳去到90° 就變咗會早咗踏落地，教官就會聽到炮仗咁嘅聲效，呢的佢地形容係有人"揸流灘" 即係整個動作無做足，求其做就算。)
揸流灘
原來呢個都有典故嘅，係由賭錢術語嗰度嚟架。
「揸流攤」點解
No comments:
Post a Comment