梗唔係我啦！！
嚟咗呢到咁耐，終於安排到佢地嚟玩下。
因為係第一次佢兩個自己飛，長途機，又要轉機，大家都好緊張。
其實肥爹的英文都log log聲架，最後海關阿Sir仲話佢英文good呀。
第一日 晚上7:30pm
人就安全到埗
但係的行李呢，係芝加哥轉機個陣就搭咗下一班機，
咁我地就係機場坐多一個鐘。
好在我早有準備，下午就買定外賣係屋企，
仲知佢地係要食菜的人，所以買定菜心，西人菜，烚就食得。
以為佢地應該好眼瞓，諗住第二朝先參觀間屋啦，
但佢地實在太興奮喇，天都黑晒都係到四圍睇。
有兩間客房嘅，但係另一間房個張king size bed實在太軟了，佢地瞓慣硬的，
會瞓到腰骨痛，就安排佢地瞓呢間喇。
呢兩張床，係肥鬼細個瞓架，可以疊起成碌架床，也可以咁樣擺等朋友嚟玩過夜瞓。
成30年歷史的床，超級實淨，因為係實心原條的木造，次次都要兩人一齊推開佢嚟吸塵。
～第一日～
～完～
No comments:
Post a Comment