氣勢

2014可是好有氣勢的一年。

由1月1號開始，已經有很多大大小小的暴風雪。

 

係的咁嘅時侯，梗係盡量唔出街喇，所以呢邊家家有個大雪櫃都唔係無原因架。

平時有的乜野特價肉呀，菜呀，粉麵，罐頭都要入的貨，擺埋係冰格，就係呢個時侯大派用場，依家就連我屋企個雪櫃的陳年貨都清得七七八八了，所以點都出去走一轉，出面就係咁嘅光景，的一點點黑的唔係個屏幕的塵呀，係好大好大的雪花啦！

 

 

 

大型超市的停車場會盡量安排摌雪車出動嘅，所以呢張相到嘅路面已經唔算差。

反而係出面的路就要睇係個郡 ／ 市 ／ 鎮有無錢，有錢的咪會摌得密的快的囉。

 

 

但問題係的雪一日唔溶，摌嚟摌去佢都係度。 

 

 

 

呢度係1月7號放工影嘅。

 

 

的雪已經貨車咁高喇！！！

 

 

仲有每家每户門口都變得好有氣勢！！！

 

 

左右大雪山！！！

 

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

 

無得出街，好在前幾日收工前買定靚靚年花，開行暖氣之下全都準時花開富貴。哈哈！