果然係冬天依家先至開始。
12月嗰時個海都未結冰架，係2019年最後一日仲整個暴風雨，嗰時因為温度未夠凍只係落大雨(中間有時係小小的冰點) ，呢幾日就明顯凍咗，星期日落足一日雪，尋日落咗大半日，今朝繼續，到依家個海面先剛剛開始結冰。
睇到落得好蓉的大雪。
好在肥鬼催我星期六已經收埋晒的燈飾，唔係就好似雪人望雪咁架喇！
尋日趁晏晝停一停嗰陣出去買咗的餸菜，跟住幾日閉關都無問題！
到咗今日下晝，又出番的太陽咁喎！
不過肥鬼話聽日又嚟過，會落成6-8吋雪。
星期日落個場雪，攪到好多班航機取消。個機場好多人，全部都等得好唔耐煩。係呢邊好多季候鳥(每個冬天都落去南部住幾個月嘅人) 1月至4月就係高峰期，每日的機都排到滿，如果聽日又落大雪去到要取消的機，咁你真係有排等！
No comments:
Post a Comment