擔心

請放心，不是有人出事了而擔心。

一講起擔心，就想起陳潔儀的那首 擔心

擔心 你的單心
怕你將我想起
在那微寒的夜 寂寞來尋
最好是屏住你的呼吸

哦 擔心 我的單心
你就這樣放心
我卻如此願意 竟然願意
用白天 用黑夜 用思念 擁著你

現在人大了，再講擔心，就唔再只限係情愛世界入面嘅呢的擔心了。

 2018.4.2 日出6:50am

(呢張影到隻雀，覺得影到有隻雀嗰意境靚好多) 

事源尋晚去同事屋企晚飯，同事太太又叫埋嗰鄰居一齊嚟。喺一位上了年紀的太太，剛去了古巴10日旅遊。呢位太太身型非常肥胖，吸煙飲酒是普通不過的了，只是因為她穿著4角骨褲，我看到了她非常水腫的腳，而且好明顯腳的皮膚都因血液運行不好而表面受損(爛腳) 這個只是我的推斷，佢應該係有嚴重的糖尿病。

係對話間，我們聽得出佢丈夫早年去世了 (估約10年？) 有一仔一女。
我同肥鬼講，我唔明點解佢身體咁樣受苦著，都唔好好照顧自己身體，仲咁樣飲酒吸煙。
肥鬼話，佢內心可能受著我們想像唔到的傷痛(結婚多年的伴侶去世) 所以沒有再打理自己的動力了，意即心裏放棄了生存，希望快的再見番丈夫。

講吓講吓，當然又講到我"要"佢食得健康啲。
我同佢講食得健康，減唔減肥，都唔係為咗別人而做嘢，最終，死係必然的，但死之前會唔會久病受苦，就是自己對自己身體負責任與否的問題。

然後佢又講話我諗得咁遠，佢依家煩惱嘅係更多其他係眼前嘅事，例如佢細佬又失業了，而佢係呢到咁遠幫唔到佢等等等

其實佢自己跟住都講咗重要嘅一樣野出嚟，佢話佢同個妹無乜傾電話，因為個妹份人比較沉實，會打算，所以佢唔使點樣愁佢地點過，但係佢細佬除咗失業，最近又撞車(好在全部無事) 所以佢很憂心。

我想同佢講，照顧好自己身體，就係令愛你的人不用憂心你呀！
好似佢阿爸阿媽咁樣，佢阿爸家族有心臟病，幾個兄弟都係心臟病去世的，不會打理自己，同女友分分合合的幾十次，有時會有少少抑鬱的表現 (全日都係房到係咁瞓，唔疏洗，叫佢一齊出去走走或食嗰晏都唔去) 就係令到肥鬼好擔心有一日會接到電話再見佢唔到。
而佢阿媽呢，因為同佢阿爸分開後呢幾十年都自己過，所以比較是很會照顧自己的，有朋友圈子，定期活動/運動，定期檢查身體，都是會擔心佢嘅，但明顯感覺到不用好似擔心佢阿爸咁囉。

人大了，關心身邊嘅人，開始擔心父母，如果我係上面講果位鄰居太太，我會想，為咗仔女唔洗擔心我而好好照顧自己。每個人都會死，呢一刻睇，正正常常的都係病死嗰隻，真係無乜嘢驚，反而係擔心身邊的人到時無咗我點算，更加唔想佢地見到我因病受苦而傷心/擔心。

請大家都好好照顧自己。