今日又數吓火車，竟然又係139卡，下次要再數吓睇吓係咪固定的，次次都一樣咁多卡。
晨早 6:30 開始出太陽，得-3℃
想起好耐之前的一個笑話。
嗰陣啱啱開始係 walmxxt 返工，佢地有個 door greeter (就係企係門口同每個入嚟嘅人打招呼) 老先生嚟嘅 (通常呢個職位請的都是老人家或傷殘的)
呢位同事都係初嚟返工無耐，有日一齊係休息室午飯傾吓偈，佢係退役軍人 (veteran) 以前守過日本，唔記得佢話打過越戰定韓戰，但係記得佢話去過香港，同埋曾經有一位亞洲人太太 (現分開了)
咁好自然佢又問吓我野啦，佢問我先生係唔係 caucasian ??? 我答 No!! he is a white guy!
佢笑咗一笑跟住話 so, yes, he is a caucasian.
很老實講就係嗰陣我唔識呢個字，有的慨念，但係仲係成日同 latino / hispanic 撈亂，依家梗係分清楚喇，因為呢個笑話到依家講比肥鬼聽我地都仲笑餐勁嘅。
其實講呢個故事，係想講話，要搬去第二個地方住嘅人，好重要一樣野就係要"無乜所謂" 唔好樣樣野都好介懷，咁樣只會自己唔開心，又好難學到野。
你話嚟咗呢到咁多年，有無人笑過我的英文，笑我的一些習慣，笑我一的舉動，肯定有嘅，但係我乜嘢都唔係好上心，唔係好理會，只不過大前題係我自己都好努力去學好的英文同投入呢到嘅生活文化啦，這是必須的，所以我鐘意同老人家傾偈，佢地的英文一嚟講得慢的，無咁多潮語，比較簡單，所以一般對話唔會成日聽唔到要人再講過咁樣。
我的那位中學之後就搬來的同學，我估佢嗰陣仲算係早期移民的人，係我同佢傾電話嘅對話之中發現，我諗佢都曾經比人笑佢的英文，而佢一直都好上心 (took it to heart) 好介意，當然佢依家的英文好好，仲因為古巴太太依學緊西班牙文。
嚟咗咁多年，肥鬼其實真係照顧得我好好，複雜嘅地方唔會去之餘，就係有的地區入面的人仲係唔鐘意外來的人佢都唔會去。佢真係好保護我。
其實你問我，我真係唔覺有任何歧視，不是話一定無 / 一定有，而是好大程度係你個人點睇點處理。
最近係呢到見到一個新嘅廣告，就係一個 down syndrome 嘅細路話的人用 r word 就係唔好人，再想起我地細個成日都會係同學之間用 低能 白痴 低b 等互相講笑，遲的可能連呢個字都唔講得，究竟條界係邊到呢？
世上咁多人，你制止到幾多人把口？
睇過一個訪問，係戇豆先生講的，我很同意，就係講緊嘅言論自由入面，大家好應該捍衛 the right to offend 依家淨係見呢樣又冒犯，嗰樣又冒犯，乜都唔比講，其實呢個世界仲何來有幽默？？
No comments:
Post a Comment