煲劇

肥鬼放假，係屋企煲番的舊劇，因為重播的唔會跟次序播，所以無前無後咁樣亂睇一通，講緊嘅係 x 檔案。

原來成個故事開始嘅原因就係男角太神怪了，所以上司揾個好科學理性的人嚟 check 住佢。

女角後來發現原來男角都知嘅，但大家都可以沒揭破，繼續工作，因為大家都係認真做事的人，以事論事，其中男角講咗一句好有意思，就係 because you respect the process (我沒有揭穿的原因，是因為你尊重呢個經過) 戲入面講話男角知道女角係派嚟 check 住佢嘅，知道女角係唔信外星人呢會事嘅，亦唔鐘意同佢一齊查呢的無聊嘅 case (外面傳言派入嚟呢個部門係等你自動唔做)就算女角係唔鐘意呢個部門的，至少佢重認真盡力的去做，係呢一點值得男角都尊重佢。

我想起睇過的一句話 (揾唔番出處)  只係記得好似係剛退位的黑人總統太太同個女講嘅：
就係連唔鐘意嘅事，你都盡力認真做好佢，咁你先比別人更有資格去揀你鐘意嘅野嚟做。

俄勒岡州一個琴師親手造的琴

我個侄女因為比佢阿媽迫佢學豎琴，成日"本啤"唔練琴或求其彈，我希望佢有日會明白呢個道理，出嚟做野，係做你唔鐘意嘅野多，10個人可能只得1個或更少，係做緊自己鐘意做嘅野，有陣時，其實可能你係未揾到自己真正鐘意做的乜，但係你只係懷著討厭咁樣去做眼前的，可能會令到你一路落去，都揾唔到自己真正想做的。