Life sentences

之前睇過幾集 investigation channel 係講依家有的細路 11 -14 歲的年紀，就已經犯殺人罪，判終身監禁。

每單案嘅背景不同，又復雜，係到唔講了。
問題主要係依家越嚟越多呢的案，究竟咁細個就判終生有乜意思呢？而且係越嚟越多呢的案嘅同時，監獄人口越嚟越多 (間間都話長期爆滿) 其實勞動人口少咗一個能自給自足嘅人之餘，就係大家都比緊錢去養呢的人口。

依家個社會太多問題了，好似大家都將呢個問題擺咗係 back burner (即係後面的爐頭，煮食上嘅意思就係興住先，用前面個爐頭煮好主菜就將呢的興住的配菜或汁料一齊上菜，但用係呢到嘅意思就係，因為有其他更重要的，所以要將呢個問題擺埋一邊，得閒再理佢)

然後尋晚咁啱睇咗一個記錄片，就係訪問呢的犯罪青年。係美國，有全世界最多嘅犯罪青年 (12-20歲)  講緊都唔係偷野咁小兒科，主要3類係 armed robbery (持槍搶劫) car-jacking (劫車) 同 drugs (毒品) 因為犯的唔再係小事，以前仲可以收係青年教導所，依家因為單單都係大野，又越嚟越多，所以好多都去埋成人監獄 (但係全院都係青少年)  而且好多係慣犯，就係入得一次，以後就變常客。

係呢個記錄片入面，終於有一個州的一個法官，決定去做的野。
佢整咗個配套計劃，就係個細路係第一次犯事的，會即刻安排入去呢個計劃，首先有一組嘅輔導員，會跟據佢屋企背景，所犯事情，去睇吓點樣可以幫到佢唔再犯事，其中包括有社工，有特定的學校，佢每日一定要返學同返屋企，每日要見指定的輔導員睇吓佢遇到乜嘢問題，可以點解去幫佢。

5年時間，呢個州嘅青少年罪案減半。

另外有一個州，就直頭係揾呢的問題少年出嚟，輔導6個月，然後守行為一年的話，每月可得現金津貼，簡單嚟講真係比錢等佢地唔好再犯事。好似好市儈，但當你知道每一個坐緊監的犯係用緊大約每人每年$200000 去營運，咁呢少少嘅津貼如果可以令到一個人改好唔坐監都不是壞事。

記錄片最後，訪問一間小學，呢間係特別的小學，因為個個細路都有屋企人坐監。

就係呢 part 睇到我流淚。
如果你話一個人犯事被判終身監禁，咁都係有原因呀，佢犯咗事麻，抵死。

但係呢堆細路，要講就係生壞命囉。無犯過事架，但我覺得真嘅 life sentences 係判係佢地身上。

有一個男仔，個老豆係家暴男(拉咗) 阿媽走咗佬，有個阿哥，犯事拉咗，有個後母對佢好好的，又因為毒品拉埋，佢話佢想做屋企入面第一個唔洗坐監的人。佢話想讀好書，想做輔導員(就好似輔導佢的社工) 因為佢想將來可以話比同佢經歷一樣嘅細路知道，佢好明，因為佢都經歷過，一定可以捱過，一定有其他出路嘅。

佢講佢背景嗰時，我已經喊死了，但係佢無流一滴淚。
我真心希望呢個小朋友，有美好的將來，佢絕對值得擁有美好的將來。

呢棵樹生菇呀！！

呢的就係木耳？？？